Sunday , June 24 2018
Home / Sosial & Politika / Marí: Iregularidade Akontese Iha EA, TR Mak Sei Desidi
Sekretariu Jeral Fretili, Dr. Marí Alkatiri tuir votasaun iha eskola Farol loron 12 Maiu. [Foto: copyright media GMP | 12.05.2018]

Marí: Iregularidade Akontese Iha EA, TR Mak Sei Desidi

“Se hau aprezenta razaun hau nian, halo oinsa mak hau bele rekonnese, Tribunal mak sei desidi, ami nia argumentu no razaun haruka ba tribunal ona”. Marí Alkatiri

Liga ho rezultadu ho apuramentu nasional ne’ebe halao hosi Comisaun Nasional Eleisaun [CNE], durante loron tolu, no prepara atu entrega ba Tribuna Rekursu [TR]. Hatan ba media Reuters katak Fretilin rekonnese rezultadu eleisau antesipada? Sekretariu Jeral Fretilin, Dr. Marí Alkatiri, iha parlamentu nasional, hateten sedauk rekonnese rezultadu eleisaun, no hein desizaun final hosi Tribunal Rekursu.

“Se hau aprezenta razaun hau nian, halo oinsa mak hau bele rekonnese, Tribunal mak sei desidi, ami nia argumentu no razaun haruka ba tribunal ona. Hau aprezenta ona ba juiz, no hau labele aprezenta ba jornalista, jornalista sira hein ho pasiensia. Se laiha irregularidade, ami sei la aprezenta, iregularidade akontese iha Timor laran tomak”, hateten Marí, 20/05

Karik Fretilin mos deskonfia iha money politik [politika osan. Red] durante iha eleisaun antesipada? Ba TAFARA.TL Marí hateten money politic barak los, iha intimidasaun maibe ida ne’e krimi eleitoral, iregularidade prosesuais mos iha hotu.

Atual Primeiru Minsitru iha VII Governu Konsitituisional ne’e mos afirma konaba pozisaun Fretilin katak, Fretilin ukina organizasaun ne’ebe respeitu liu Lei ho Konstituisaun, laiha ema ida iha Fretilin laran, mak hanoin katak nia iha Lei, Konstituisaun no estadu nia leten, “Konstituisaun laos Fretilin mesak mak halo, maibe Fretilin mak prinsipal, entaun se Fretilin mak la respeita fali Konstituisaun diak liu estadu ne’e taka deit”.

Afirmasaun ne’ebe hatoo hosi Marí Alkatiri refere ho desizaun Tribunal Rekursu ne’ebe mak sei anunsia legalmente liga ho eleisaun antesipada iha tempu badak, sekarik iha frauda ka lae Fretilin sei respeita desizaun refere.

Iha parte seluk ba TAFARA.TL Prezidente da Republika, Dr. Francisco Guterres Lú Olo hateten hanesan Prezidente da Republika, hamutuk hein deit desizaun Tribunal Rekursu, “hau laiha komentariu, hau hatete deit hein deit desizaun Tribunal Rekursu. Hau labele dehan buat ida”.

Rezultadu apuramentu nasional hosi CNE hatudu rezultadu final katak hatudu katak Aliansa Mudansa ba Progresu [AMP], sai manan nain iha primeiru lugar ho votus 309.663 [49,6%], tuir kedas ho Fretilin ho votus 213,324 [34,2%], Partidu Demokratiku total votus 50,370 [8,1%], FDD votus 34,301 [5,5%], PEP votus 5.060 [0,8%], MDN votus 4,949 [0,7%], PR votus 4,125 [0,7%] no ikus liu MSD ho total votus 3,188 [0,5%].

Total sentru votasaun hamutuk 885, eleitor feto hamutuk 308,844 [48,63%], mane 326,272 [51,37%]. Votus validu total 624.525 [98,33%]. * [ Zevonia Vieira | TAFARA.TL | 20.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *