Saturday , May 26 2018
Home / Sosial & Politika / Marí: Koalia Inkluzaun Sosial no Ekonomika, Ita Tenke Hatene Halo Uluk Inkluzaun Iha Politika
Sekreatriu Jeral Fretilin, Dr. Marí Alkatiri ho strutura CCF lidera meza konferensia nasional III. [Foto: dokumentu Fretilin-Ba Timor ida buras liu | 12.02.2018]

Marí: Koalia Inkluzaun Sosial no Ekonomika, Ita Tenke Hatene Halo Uluk Inkluzaun Iha Politika

“Prosesu governasaun tenke inkluzivu, prosesu governasaun tenke hahu husi baze ba too leten, “tanba ita ukun ba povu, laos ita ukun ba ita nia aan, tanba nee inkluzaun xave ba demokrasia”. Marí Alkatiri

 Liu hosi konferensia nasional ba dala III partidu Fretilin, ne’ebe realiza iha Municipio Bobonaru. Ba kongresista sira, Sekretariu Jeral partidu Fretilin, Dr. Marí Alkatiri, iha intervensaun hateten prosesu governasaun tenke inkluzivu, prosesu governasaun tenke hahu husi baze ba too leten, “tanba ita ukun ba povu, laos ita ukun ba ita nia aan, tanba nee inkluzaun xave ba demokrasia”.

Liu hosi konferensia nasional ho tema “Kontra ‘Status Quo’ Nakonu Ho Korupsaun, Vota Programa VII Governu, Lidera hosi Fretilin” Marí Alkatiri afirma katak ohin Fretilin mai iha Maliana, Maria Tapo nia rai, atu hahu prosesu foun ida, prosesu ba segundu referendum nasional, referendum programa VII Governu.

“Dalan mak eleisaun antesipada, programa VII Governu nia baze maka koligasaun FRETILIN noPD, maibe governu ida inkluzivu, iha nasionalidade, independente ho militante no eis militante partidu sira seluk, tanba saida mak inkluzivu? tanba bainhira ita atu koalia inkluzaun sosial, inkluzaun ekonomika, ita tenke hatene halo uluk inkluzaun iha politika, se iha politika ita la hatene halo inkluzaun, diak liu haluhan inkluzaun social no inkluzaun ekonomika”, hateten Marí

Tuir Marí katak sai prinsipiu ba demokraria ne’ebe Fretilin deferende mak buka inkluzaun iha politika, bainhira Fretilin koalia iha kampanna 2017, se hetan maioria absoluta sei halo inkluzaun, sei halo insidensia parlamentar, hodi harii governu, se mak la hetan maioria absoluta, sei halo koligasaun hodi manan maioria absoluta, maibe kontinua halo inkluzaun no insedensial parlamentar.

Liu hosi konferensia ne’ebe halao durante loron rua hosi 10-11 Fevereiru, iha Gymnasio Maliana, Marí Alkatiri fo hanoin fila fali memoria iha tempu funu katak, uluk iha inimigu, inimigu tama buka fahe ita, bainhira inimigu tama atu fahe, alvu mak Fretilin, “uluk inimigu dehan tanba FRETILIN komunista, GPK, maibe biar nune ita manan, manan tanba saida, tanba sira ho forsa, ita ho Povu. Ita nia programa tomak, povu komprend, programa ne’ebe atu servi povu, atu servi, atu liberta Patria no atu liberta povu”.*[ Henrique S. De Jesus | Editor: Zevonia Vieira | TAFARA.TL | 12.02.2018]

About Henrique Soares de Jesus

Check Also

Ran Ema Ida nian, Sei Salva Ema Ida nia Vida

Importante ida ba hau, e hau bele salva hau nia an mos no mos bele …

Leave a Reply

Your email address will not be published. Required fields are marked *