Tuesday , May 21 2019
Home / Sosial & Politika / Marí: Kria Dalan Kloot Atu Ami Bele Hasoru Malu, TMR: Optimista Iha Solusaun Rezolve Problema
lideransa nasional sira Dr. Lú Olo, Dr. Marí Alkatiri, Dr. Ramos Horta, Dom Basilio do Nacimento, Kayrala Xanana Gusmao, Mario Caracalao [matebian], Taur Matan Ruak no Jese Luis Guterres. [Foto: Copyright Sosmed | 27.12.2018]

Marí: Kria Dalan Kloot Atu Ami Bele Hasoru Malu, TMR: Optimista Iha Solusaun Rezolve Problema

“Dialogu halo hela, Marí Alkatiri servisu ho hau, nia tenke halo relatoriu no aprezenta nia servisu. Hau tenke apoia para servisu ZEESM nian lao nafatin”. TMR

Relasiona ho opiniaun publiku no esperansa boot hosi publiku hodi husu ba lideransa nasional importante sira hanesan Kayrala Xanana Gusmao, Dr. Marí Alkatiri, Dr. Jose Ramos Horta, Taur Matan Ruak, Dr. Francisco Guterres Lú Olo hodi tur hamutuk, koalia ba malu atu bele resolve impase politika ne’ebe akontese. Liu hosi grande entrevista ho Dr. Marí Alkatiri iha GMNTV loron 26/12, Marí Alkatiri husu ba veteranu no povu atu bele halo dalan klot ida, ho nune’e lideransa nain liman bele hasoru malu iha dalan klot, hodi nune’e bele koalia ba malu.

Hosi mensajen ne’ebe Sekretariu Jeral Fretilin, hatoo liu hosi entrevista iha GMNTV, TAFARA.TL husu opiniaun ba lider nasional Taur Matan Ruak iha palacio prezidensia atu bele hamosu dialogu entre lider nain lima.

Taur Matan Ruak hatan katak, “hau hanoin ne’e diak, iha parlamentu hau dehan buat ne’ebe la ajuda ita atu ba oin husik tiha ba kotuk, tanba sa lakon ita nia tempu kuandu ita nia hanoin hakarak ba oin”.

Prontu atu halo dialogu no tur hamutuk hodi resolve preokupasaun balun ne’ebe sedauk hetan nia solusaun?

“Dialogu halo hela, Marí Alkatiri servisu ho hau, nia tenke halo relatoriu no aprezenta nia servisu. Hau tenke apoia para servisu ZEESM nian lao nafatin”, tenik Taur Matan Ruak

Ba Jornalista sira, Taur Matan Ruak optimista katak problema hotu sei iha solusan.

“Kuandu nia tempu kotu, nia sei kotu, hanesan has bainhira nia tasak kuandu la ku mos nia monu. Kuandu ita halo kadiadu, halo mos xave, kuandu Maromak tau problema, tau mos solusaun. Hau optimista los katak problema hotu sei iha solusaun”. tenik Primeiru Ministru Taur Matan Ruak 27/11. * [Zevonia Vieira | TAFARA.TL | 27.12.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo

“Atu bele atrai turista internasional, Timor-Leste presija investe maka’as liu iha setor infrastrutura, atu bele …

Leave a Reply

Your email address will not be published. Required fields are marked *