Saturday , November 17 2018
Home / Eleisaun Parlamentar / Marí: Sai Opozisaun Forte Laos Hatun Governu, Maibe Atu Governu Bele Iha Sentidu Responsabilidade
Sekretariu Jeral Partidu Fretilin, Dr. Marí Alkatiri halo entrevista ho jornalista sira iha palacio prezidensia. [Foto: Media PR | 19.06.2018]

Marí: Sai Opozisaun Forte Laos Hatun Governu, Maibe Atu Governu Bele Iha Sentidu Responsabilidade

“Hanesan sasuit ida hasai kutu nian, sasuit la serve deit para sui hau nia fuk bainhira hau iha parlamentu. Fretilin iha sentidu de responsabilidade, durante tinan hira ne’e halo primeiru opozisaun forte tebes. Agora tenke fila fali ba opozisaun ne’ebe forte maibe laos atu hatun governu”. Marí Alkatiri

Partidu Fretilin hasoru malu ho Prezidente da Republika, ba daruak nian. Hafoin rematan enkontru, Sekretariu Jeral Fretilin, Dr. Marí Alkatiri informa ba jornalista sira katak, sente Kamaan liu tan ho situasan agora.

“Hau tama mai ne’e kamaan ona, agora hau sai hosi ne’e kamaan liutan, signifika katak governu foun atu mai ona, atu mai tempu badak ka tempu naruk nia laran ne’e depende ema idak-idak, maibe ba hau hakarak tempu badak nia laran. Tanba hau kamaan ona, hau nudar sekretariu jeral sei visita municipio hotu-hotu”, hateten Marí

Relasiona ona ho membru governu iha VII Governu Konstituisional ne’ebe hetan konvite hosi VIII Governu hodi servisu hamutuk. Iha Palacio prezidensia loron 19/06 ba TAFARA.TL Marí hatan katak ema ne’ebe hetan konvite nudar ema professional iha Ministeriu Finansas, eskolha ema ne’ebe diak, “ema ne’ebe uluk hau eskolha tanba diak, hau fo parabens ba VIII Governu tanba eskolha ema ne’ebe diak”.

Relasiona ho pozisaun bankada Fretilin ne’ebe halo walk out iha parlamentu iha semana kotuk karik sei akontese tan iha loron ruma? Sekretariu Jeral hatan ba media Lusa katak Fretilin sei halo opozisaun ida ne’ebe forte tebes, laos para atu hatun governu, maibe atu sai opozisaun forte, atu governu bele iha sentidu de responsabilidade bainhira sira ukun.

“Hau mos dehan katak hanesan sasuit ida hasai kutu nian, sasuit la serve deit para sui hau nia fuk bainhira hau iha parlamentu. Fretilin iha sentidu de responsabilidade, durante tinan hira ne’e halo primeiru opozisaun forte tebes. Agora tenke fila fali ba opozisaun ne’ebe forte maibe laos atu hatun governu, no laiha ona ai-tongka no kabidu. Hau nia kabaas ne’e jerasaun foun sira [Fretilin] mak sira sei tau ain iha ne’e para bele hare dok ”, tenik Marí

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *