Sunday , June 24 2018
Home / Eleisaun Parlamentar / Mari: Se TR Dehan EA Iha Frauda, Eleisaun Ne’e La Vale
Primeiru Ministru, Dr. Marí Alkatiri halo entrevista ho jornalista sira iha palaco prezidensia. [Foto: Zevonia Vieira | 17.05.2018]

Mari: Se TR Dehan EA Iha Frauda, Eleisaun Ne’e La Vale

“Se Tribunal dehan nulu tenke repete duni. Se Tribunal dehan eleisaun ida ne’e la vale, desizaun uluk ne’e sei vale nafatin, ne’e realidade, hakarak ka lakohi sei vale nafatin”. Marí Alkatiri

Primeiru Ministru, Dr. Marí Alkatiri hasoru malu ho Prezidente da Republika, Dr. Francisco Guterres Lú Olo, hodi aprezenta atividade regular governu nian.

Relasiona ho rezultadu hosi eleisaun antesipada, no hein rezultadu ikus ho Tribunal Rekursu [TR] atu anunsia, ba jornalista sira, Marí deklara katak Tribunal Rekursu sedauk desidi, maibe dehan frauda signifika eleisaun la vale.

“Tribunal sedauk desidi, se Tribunal dehan iha frauda, ne’e hau la presiza protesta ona, signifika eleisaun la vale. Se Tribunal dehan nulu tenke repete duni. Se Tribunal dehan eleisaun ida ne’e la vale, desizaun uluk ne’e sei vale nafatin, ne’e realidade, hakarak ka lakohi sei vale nafatin”, esplika Marí

VII Governu sei kontinua bainhira Tribunal dehan eleisaun ne’e frauda, liu fuan ne’e hato hosi ativista Timor oan, Juvinal Dias, hateten katak mandatu ba lejislativa foun ida ne’e sei komesa bazeia ba Konstituisaun RDTL Artigu 99 (pontu 5) katak Lezislativa foun ida ne’e sei kompleta periodu lejislativa ida ne’ebe la konsege remata tanba iha disolusaun Parlamentar. Bainhira la iha governo foun hosi rezultadu eleisaun antisipada, Governo VII sei kontinua ezerse ninia funsaun to’o governo foun forma ona hosi Parlamentu foun.

Rezultadu provisoriu hosi STAE hatudu katak AMP manan maioria ho votus 308.548 [49.59%] tuir kedas ho Fretilin ho votus 212,702 [34,18%], Partidu Demokratiku ho votus 49,951 [8.03%] no ikus tuir Frente Dezenvolvimentu Demokratiku ho votus 34,235 [5.50%].

Iha tinan kotuk iha eleisaun parlamentar 2017, Partidu Fretilin sai manan maioria simplis ho votus 168,422 [34,51%] , Partidu CNRT 167,330 [34,29%], PLP votus 60,092 [12,31%], PD ho votus 55,595 [11,39%] no KHUNTO 36,546 [7,49%].

Hosi resultadu eleisaun antesipada 2018, povu tomak hotu hein desizaun final hosi Tribunal Rekursu atu anunsia ba publiku, tuir planu tempu badak nia laran Tribunal sei publika desizaun ikus no povu hotu hein.* [ Zevonia Vieira | TAFARA.TL | 17.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Marí: Sai Opozisaun Forte Laos Hatun Governu, Maibe Atu Governu Bele Iha Sentidu Responsabilidade

“Hanesan sasuit ida hasai kutu nian, sasuit la serve deit para sui hau nia fuk …

Leave a Reply

Your email address will not be published. Required fields are marked *