Maria Angelina: Deputadu Sira Presija Fasilidade Atu Bele Fasilita Sira Nia Serbisu

“Viaturas ba Deputadus sira sai agenda prioridade ba Parlamentu ida ne’e tamba Deputadu sira ne’ebe mai serbisu iha Parlamentu, sira presija fasilidade atu bele fasilita sira nia serbisu.”

Deklarasaun ne’e hato’o husi Primeira Vice-Prezidente Parlamentu Nasional, Maria Angelina Sarmento ba jornalista sira ohin (25/06/2018) iha Uma Fukun Parlamentu nasional.

Relasiona ho preokupasaun publiku nian kona-ba prado, reprezentante povu ne’e salienta,  ohin loron sosiedade ida ne’e haree karreta ho marka prado sai kestaun bo’ot los,Deputadu sira laos haree ba kareta nia marka maibe oinsa bele fasilita deputadu sira nia serbisu ka hodi bele halo knaar ho diak.

Angelina haktuir, agora daudaun deputudu balun desaraska buka sira nia transporte rasik atu bele to iha PN, logistika atu fasilita kareta balun badeputadu sira maibe la kobre hotu kedas, hanesan halo rotativa deit ba viatura ne’ebe mak fo ba deputadu nain rua, tolu bele uza transporte ida.

Entretantu Diretor Asosiasaun HAK, Manuel Monteiro hateten, “iha orgaun soberanu sira ne’e so Parlamentu Nasional mak loko-an liu, tinan lima tinan lima sempre truka kareta maibe tribunal rekursu ita haree ne’e kuitadu liu, sira nia kareta mak nafatin hela deit,” dehan Manuel.

Manuel Monteiro lamenta ho serbisu Parlamentu Nasional nian, ne’ebe tuir mandatu konstitusional ida mak halo fiskalizaun ba serbisu ezekutivu nian maibe,publiku lahatene rezultadu husi fiskalizaun ne’e rasik.* [Jesuino de Jesus Marcal | TAFARA.TL| Editor: Martinho Moniz | 25.06.2018].

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.