Saturday , July 21 2018
Home / Eleisaun Parlamentar / Maria Angelina Kestiona Desizaun PR, Manuel Monteiru: Prezidente la’os kurtina
Maria Angelina Sarmento no Manuel Monteiro halo intrevista ho media.[Foto: GMN].

Maria Angelina Kestiona Desizaun PR, Manuel Monteiru: Prezidente la’os kurtina

Fiskalizasaun ba lista membru VIII governu Konstitusional ne’ebé hala’o husi Prezidente Repúblika sai polemika ba publiku liu-liu polítiku sira.  Nune’e AMP toma inkonsidersaun masimu ba Prezidente RDTL ne’ebé uza ninia poder konstituisional atu fiskaliza lista menbrus Governu ne’ebe maka Primeiru Ministru indizitadu nomeia.

Lia ne’e hato’o husi Deputada membru Bankada PLP, Maria Angelina Sarmentoba Jornalista siraohin, 25/06/2018 iha uma fukun Parlamentu Nasional.  Nia (Maria Angela red) esplika,orgaun haat ne’ebe nasaun ida ne’e iha, hatur separasaun poderesmaske iha interdependensia ba malu. Ne’e katak husi orgaun soberanu ida-idak iha interdependesia ba malu iha mos limitasoens atu halo intervensoens ba kada orgaun.

Primeira Vice-Prezidente Parlamentu NasionalV Lejislatura ne’e hateten, “tuir konstituisaun Prezidente Republika iha knar atu liga ninia poder konstituisaun ho Orgaun Soberanu sira seluk, maibékaerba konstituisaun Artigu 34 ne’ebe dehan, arguidu hotu ne’ebe maka iha prosesu hela ita tenke konsidera sira nudar prezunsaun de inosensia. Bainhira tribunal seidauk desidi ka foti desizasaun ruma atu fo sentensa ba kandidatu potensiais ba membru Governu, sira ne’e konsideradu inosenti.”

Maria Angelina kestiona ho desizaun refere tambaiha tempu VII Governu Konstitusional, maske membru governu balun iha ona prosesu nia laran, presta ona deklarasaun ba instituisaun relevante, maibe Prezidente la uza nia poder konstitusional hodi verifika lista refere no kansela, maibé kontinua fo posse.

“Iha VII Governu konstituisional liu ba Prezidente la kestiona ou la uza nia Poder konstituisional atu fiskaliza kandidatu sira ne’ebe mak nomeadu husi Primeiru Ministru VII Governu Konstituisional. Iha Ministru lubuk ida mak publiku hatene ona laos segredu, katak sira mos iha prosesu nia laran, presta ona deklarasaun ba instituisaun relevante ho serbisu judisiariu nian maibé, Presidente la uza nia poder konstituisional ida ne’e mais kontinua fo pose ba sira. Agora ita hare’e Presidente konsistente galae?” Kestiona Angelina.

Entretantu Diretor Asoisiasaun Hak, Manuel Monteirukonsidera desizaun saida mak prezidente RDTL foti ne’e normal tuir duni nia kompetensensia.“Aktu ida  ne’e normal, ne’e prezidente nia serbisu duni, Prezidente laos kurtina, Prezidente nia funsaun ida mak atu kontrola orgaun sira ne’e hotu,” Manuel haktuir.

Manuel Monteiruesplikatuir lei ema hirak ne’ebe prosesu ona iha Tribunal ita konsidera hanesan inosensia, prinsipiu de inosensia ne’e sim ita tane as ida ne’e maibé ne’ebé prosesu lao hela fo ba tribunal prosesa, ita iha esperiensia lubuk  ida,Vicente Guteres nudar eis Prezidente Parlamentu ne’e la hasai hela deit nia imunidade ne’e tamba abrigu iha orgaun soberanu sira.* [Jesuino Marçal | TAFARA.TL | Editor: Martinho Moniz | 25.06.2018].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *