Monday , March 25 2019
Home / Sosial & Politika / Membru VII Governu Aprezenta Planu Estrateziku No Programa Iha Enkontru Kordenasaun
Konvidadus no Membru Governu sira hamrik hodi kanta Hino Nasional Patria-Patria iha serimonia tomada de pose ba VII Governu Konstituisional iha 15/09/2017 fatin palaciu Nobre Lahane.[Foto: Gabinete Presidente RDTL].

Membru VII Governu Aprezenta Planu Estrateziku No Programa Iha Enkontru Kordenasaun

Prinsipiu VII Governu Konstitusional mak haree no kontinua fila fali programa no atividades hirak ne’ebe la’o diak, ida ne’ebe mak presija halo koresaun nune’e bele kontinua, ida ne’ebe mak seidauk iha, buka atu kria, nune’e bele hala’o.

VII Governu sei htatur komponente importante ne’ebe implementa hanesan planu dahuluk programa no atividade VI Governu Konstituisional, planu estratejiku dezenvolvimentu no haree mos ba Komprimisiu Politiku partidu FRETILIN no Partidu Demokratiku ninian.

Deklrasaun hirak ne’e hato’o husi Ministro na Presidensia de Conselho de Ministro, Adriano do Nascimento hafoin enkontru kordenasaun VII Governu Konstitusional, Tersa-Feira, 26/09/2017.

Iha enkontru ne’e Membru VII Governu aprezenta programa kada ministeriu, halo diskusaun no apresiasau. Iha tempu badak tuir planu ne’ebe iha, Governu sei aprenzenta programa governu nian iha parlamentu, atu nune’e Bankada lima iha Parlamentu bele halo apresiasaun.

Adriano do Nascimento mos haktuir katak Iha tempu badak sei forma ekipa ida, hodi halo harmonizasaun, nune’e bele finaliza, haree saida mak atu bele lori ba parlamentu. Antes lori program hirak ne’e ba iha Parlamentu Nasional, Adriano informa katak, semana ida ne’e nia laran sei halo tomada de posse ba membru Governu foun hodi kompleta estrutura VII Governu Konstitusional.

Iha sorin seluk Ministru Finansas Rui Gomes ba Jornalista sira afirma, Nia parte sei trasa planu ministeriu nian haree ba efisiensia, tau matan ba osan estadu nian ho diak, patrimoniu estadu nian, oinsa estimula ekonomia ne’e ba oin, haree benefisiu ba povu no kriasaun de empregu.

Iha parte sorin Vice-Ministra Eduksaun, Lurdes Besa hateten katak Baze ba programa mak planu estratejiku dezenvolvimentu, kontinua programa ne’ebe mak iha ona.

“Baze do programa, é o plano estrategiku dezenvolvimentu, sentidu de programa kontinuidade, ne’ebe atu reforsa nafatin politika hadia sistema de ensinu, asesu ba ensinu no kualidade de ensinu. Prosesu la’o hela, buat hotu la’o hela, presija akompanhamentu ne’ebe maka’as, presija nafatin politikas hodi hadia nafatin, ne’ebe ida ne’e mak sei konsentra ba, agora hare hela ba izame nasional, besik hela atu la’o,” dehan Vice-Ministra Eduksaun, Lurdes Besa hafoin ekontru Kordenasaun Servisu entre Ministreriu iha Palacio Nobre, Dili, Timor-Leste.

Enkontru koordenasaun servisu ne’e hala’o iha Palacio Nobre, Lahane, Dili, lideira direita husi Primeiru Ministru Mari Alkatiri no partisipa husi Membrus Governu mak hetan ona pose iha 15/09/2017.* [Martinho Moniz | Estajiariu Dep.CS, UNTL | TAFARA.TL | Editor: Zevonia Vieira | 26.09.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *