Monday , June 17 2019
Home / Eleisaun Parlamentar / Arte Martiais Nudar Atividade Normal, Mari: Ita Lakohi Taka AM, Atu Sai Fali Klandestina

Arte Martiais Nudar Atividade Normal, Mari: Ita Lakohi Taka AM, Atu Sai Fali Klandestina

“Governu Fretilin nian sei loke fali arte martial tomak, iha grupu hotu-hotu sempre iha ema ida ne’ebe halo salah, se nia salah ne’e salah, Lei tuir nia, polisia tuir nia, tribunal tuir nia laos taka fali grupu tomak, “tanba ne’e hotu hola parte iha ita nia sosiadade, ita nia sosiadade atu lao ho harmonia, ita tenka hatene halo jestaun ba buat sira ne’e hotu”. Marí Alkatiri

Sekretariu Jeral partidu Fretilin, Dr. Marí Alkatiri iha intervensaun ba kampanna ba loron daruak nian iha Dom Aleixo Municipio Dili, ho tipu dialogu hateten programa arte martiais [AM] no rituais sira halo atividade ne’e nudar desportivu, lakohi atu taja arte martial no ritual.

“Hotu-hotu hatene problema ida boot tebes, durante tinan 10, ho programa arte martiais no ritual, sira halo atividade normal, ita lakohi, ita taka tiha arte marsiais para atu sai fali klandestina, ne’e salah boot. Arte marsiais no rituais ne’e atividade ida normal, liu-liu ba joven sira. Ita tenke iha Lei ne’ebe diak, para atu regula arte marsiais no ritual. Ita lolos kria Lei ida atu regula, ita dehan fali katak sira halo juramentu iha bandeira merah putih, ita haluha ona katak uluk sira mak ho ita, halo rejistensia ne’e to fim lori independensia mai ita nia rain, ita akuza fali sira dehan halo juramentu ho bandeira merah putih, ida ne’e la los”, hateten Marí

Iha dialogu refere Marí Alkatiri hateten sei loke fali arte martial tomak, governu Fretilin nian sei loke fali arte martial tomak, iha grupu hotu-hotu sempre iha ema ida ne’ebe halo salah, se nia salah ne’e salah, Lei tuir nia, polisia tuir nia, tribunal tuir nia laos taka fali grupu tomak, “tanba ne’e hotu hola parte iha ita nia sosiadade, ita nia sosiadade atu lao ho harmonia, ita tenka hatene halo jestaun ba buat sira ne’e hotu. Jestaun laos deit osan, jestaun importante liu mak ema, jestaun sosiadade tomak, jestau social, laos ekonomia ka finanseira deit, tanba ne’e mak ita tenke hahu ho ekonomia social do merkadu, rua ne’e tenke kombina bainhira ita hakarak estabilidade. Hakarak manan eleisaun tenke mai ho programa, mai ho dezenvolvimentu labele mai ho bosok”.

Suspensaun ba atividade arte martiais tuir resolusaun Konselho Ministru iha Desembru/2011. Iha tinan tuir mai Konselho Ministru halo tan reuniaun extra ordinariu ida, hodi estinzi ka halakon arte marisiais tolu hanesan Persaudaraan Setia Hati Terate [PSHT], Ikatan Kera Sakti [IKS] no Klibur Oan Rai Klaran [KORK].

Iha kampanna partidu Fretilin nian iha lroon 12/04 hetan seguransa masimu hosi PNTL, no observador hosi Comisaun Nasional Eleisaun [CNE], STAE, PDHJ no observador nasional.*[ Virginia Pereira | Editor: Zevonia Vieira | TAFARA.TL | 12.04.2018]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *