Wednesday , June 19 2019
Home / Sosial & Politika / MEUTL Deskorda Hola Prado Foun, Paijiu: Hola Prado Reprezenta Deit Membru PN Nia Gostu
Movimentu Estudante Universitariu Timor-Leste [MEUTL] halo konferensia imprensa ho jornalista sira. [Foto:Santina Lucia Da Costa | 21.06.2018]

MEUTL Deskorda Hola Prado Foun, Paijiu: Hola Prado Reprezenta Deit Membru PN Nia Gostu

Movimentu Estudante Universitariu Timor-Leste [MEUTL] deklara ba publiku katak desizaun Prezidente Parlamentu Nasional V Lejislatura, Arao Noe iha kanal RTTL no jornal hanesan Timor Post, relasiona ho Parlamentu Nasional atu hola kareta luxu toyota Prado.

MEUTL deklara katak deskorda 100% tanba ne’e categoria desizaun ida ‘kanten’ no desizaun ida ne’ebe la reprezenta povu nia interesse, maibe reprezenta deit membro parlamentu nia gostu ba goza povu nia osan.

“Stetmentu ida ne’ebé mak Presidente Parlamentu Nasional Arao Noe konsideradu hanesan desijaun kanten, krimi korupsaun partisipasaun ekonomia desijaun prematur, tanba asuntu kareta Toyota prado iha IV lejislatura, eis membru parlamnetu nasional no konsellu administrasaun PN, deside ho unaminidade atu hapara hola kareta Toyota pradu foun no intrega kareta tuan ne’ebé mak III lejislatura uza ba mambru parlamentu foun lejislatura atu uza”, hateten porta-voz Paijiu Santos

Paijiu hatutan katak bazeia ba desijaun konsellu administrasaun parlamentar no membru parlamnetu nasional IV lejislatura nia, husu ona atu entrega fila-fali kareta Toyota prado, tanba membru parlamentu nasional III lejislatura hamutuk 45 mak intrega ona kareta Luxu Toyota Prado mak individu deputadu sira seluk privatiza.

Liu hosi konferensia imprensa iha loron 21/06, MEUTL husu ba Prezidente Parlamentu Nasional Arao Noe hato’o keixa ba Ministeriu Publiku no Tribunal hodi hatun mandatu ba comandante PNTL hodi halo kapturasaun ba eis-deputadu sira ne’ebé mak seidauk entrega kareta Toyota prado to’o agora, no hapara hola prado foun. Husu ba membru PN, atu haktuir desijaun ne’ebé mak mambru PN IV lejislatura no konsellu administrasaun parlamentar foti ona, hodi kontinua uza nafatin kareta ne’ebé mak Eis-deputadu sira III lejislatura uza, tanba kondisaun kareta ne’e sei diak hotu. Husu ba Eis membru parlamentu Nasional atu fó fila-fali ona kareta prado, ne’ebé mak sira uza tanba osan 8.000.00 ba lelaun, konsellu sekretariadu parlamentu nasional devolve fila-fali ona ba konta bankaria eis membru parlamentu III lejislatura ida-idak nian.

Liu hosi konferensia imprensa MEUTL mós hakarak fó ultimatu ba eis membru parlamentu nasional III lejislatura hamutuk 20 ne’ebé mak seidauk hatama kareta prado iha dentru dia 20 agora 30 junu 2018 ida ne’e, se lae mak MEUTL sei halo kolabora ho autoridade kompetenti hanesan Tribunal no PNTL atu individu eis membru parlamentu nasional III lejislatura nia uma hodi prende kareta prado no supmete individu tuir lei haruka.

Afirmasaun MEUTL, karik ejijensia MEUTL la responde emidiatamente iha tempu badak, tanba deit membru PN V lejuslatura ulun to’os hola nafatin kareta pradu foun maka, MEUTL sei organiza no mobiliza, estudante husi sekundaria, universitariu, institutu, juventude no povu timor-leste tun ba halo manifestasaun hasoru presidente parlamentu nasional no membru parlamentu tomak, iha tempu badak.

“La iha dalan ba parlamentu nasional V legislatura, tantu hola kareta prado foun, ne’e deskorda 100% husi MEUTL, tanba kareta prado 65 ne’ebé eis membru parlamentu nasional III lejislatura uza sei kondisaun diak”, hateten portavoz

MEUTL mos informa ba media sira katak equipa sei tun ba halo audiensia ho Presidente Parlamentu Nasional no konsellu sekretariadu parlamentu nasional nian atu hapara kontinua hola kareta luxu prado maibé futuru bele hola kareta ne’ebé mak folin baratu hodi poupa orsamentu geral do estadu.

Iha sorin seluk koodenador kampu Batalla MEUTL, Luis Garcia hateten, tinan kotuk sira halo duni demostrsaun no sira kumpri duni 72 oras, maibé depois ida ne’e sira lakonsege kontinua tanba politika rai laran.

“Ami la konsege kontinua tanba politika rai laran iha, entaun estudante konsiente katak salva estadu nia diak, diak liu duke kompara ho prado entaun ami hanoin katak depois situasaun ne’e diak ami kontinua luta ba ida ne’e, tanba ne’e injustisa kualker ida mak prado nafatin movimentu universitariu hotu-hotu kontra ida ne’e.” Katak Luis Garcia.

Luis mos dehan katak se laiha resposta, estudante akademiku ida sira sei hamutuk ho organizasaun, instituisaun no univesitariu hotu-hotu sei tun ba hadau kareta prado sira ne’ebé maka eis membru deputadu sira sei uza.

“Dalan uniku ida ita atu rezolve buat ruma ne’ebé maka senti katak insatisfaz, kuandu iha ne’e mak presidente aktual parlamentu nasional Arao Noe nia ulun fatuk to’os hanesan fatuk maka, MEUTL hamutuk ho organizasaun no estudante hotu-hotu no povu tomak sei organiza tun kontra nia desijaun no mós hadau kareta prado sira ne’ebé mak eis membru depuatadu sira sei uza, kareta balun fa’an tiha ona,nia plat sira mós troka tiha ona”, dehan Luis Garcia. *[ Santina Lucia Da Costa | Editor: Zevonia Vieira | TAFARA.TL | 21.06.2018 ].

About Other Source

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *