Tuesday , March 26 2019
Home / Sosial & Politika / MUTL Apresia PM Taur nia Vontande Politika Ba Transporte Orgaun Ezekutivu, Hodi Bele Poupa Orsamentu
Movimentu Universitario Timor-Leste halo entrevista ho jornalista sira iha palacio governu. [Foto: Virginia Pereira | 30.11.2018]

MUTL Apresia PM Taur nia Vontande Politika Ba Transporte Orgaun Ezekutivu, Hodi Bele Poupa Orsamentu

Movimentu Universitario Timor-Leste [MUTL] ne’ebe durante ne’e hatudu sira nia vontade halo demonstrasaun hasoru parlamentu nasional relasiona ho membru parlamentu sira ne’ebe kontinua hola kareta foun prado.

Iha loron 30/11, MUTL hasoru malu ho Primeiru Ministru, Taur Matan Ruak hodi hatoo sira nia aspirasuan liga ho kareta prado refere.

Hafoin remata enkontru Portavos MUTL, Jonas Sege ba jornalista sira informa katak iha sorumutu ne’e, Primeiru Ministru apresia tebe ho ezijensia ne’ebe MUTL sira halo, hodi kontra ba desizaun hola kareta ba membru parlamentu hamutuk 65 no desizaun lelaun kareta eis membru parlamentu sira.

“Meius balu ne’ebe mak fo dalan ba ami mak premeiru tenke hola kareta ba kada komisaun deit, karete ba deputadu sira ne’ebe mak utiliza iha Dili laran ne’e bele hola kareta $6000 mos bele, labele hola kareta to $41000. Ami konsisten katak ami lakohi atu atrai ezijensia povu maubere iha rai independensia ida ne’e, ami banati tuir ba luta nain sira, ba patria nafatin ami kontinua hodi liberta povu doben ida ne’e to’o hetan rejultadu”, hateten Jonas

Hanoin hanesan mos mai hosi Koordenador MUTL, Noe Bernadinho hateten katak apresiasaun hosi Primeiru Ministru, liliu mensajem ba eis deputadu iha IV lejislatura para atu iha konsiensia hodi intrega kareta. Primeiru Ministru hateten katak, “sei o nia maluk seluk bele intrega, tamba sa mak ita boot labele” ida ne’e mak mensajen Primeiru Ministru nian.

“MUTL apresia mos Primeiru Ministru nia vontade politika ida, para halo politika foun ida ba relasaun transporte nivel orgaun ezekutivu nian. Ida ne’e mak agora dadauk esforsu Primeiru Ministru atu halo, para atu bele poupa orsamentu. Ami louva tebes ho Primeiru Ministru nia opiniaun dezenvolvimentu ne’e mai husi ema, laos mai husi sasan, ne’ebe ita la presija hola sasan barak depois estraga deit, mais oinsa mak ita labele investe ba ema para ema prontu servi ita”, esplika Bernadinho. * [ Virginia Pereira | Editor: Zevonia Vieira | TAFARA.TL | 02.12.2018 ]

About Virginia Pereira

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *