Friday , February 23 2018
Home / Ekonomia & Bisnis / Nasaun Xina Sei Investe Osan $216 Billiaun Iha Area Peskas, Agrikultura no Turismo
Emprezaria Timor Cathy Gonsalves halo entrevista ho jornalista sira iha palacio governu. [Foto: Virginia Pereira | 25.01.2018]

Nasaun Xina Sei Investe Osan $216 Billiaun Iha Area Peskas, Agrikultura no Turismo

Investor Sira hasoru malu ho Primeiru Ministru, Dr. Marí Alkatiri, objetivu hosi enkontru ida ne’e atu investimentu ne’ebe investor hosi rai Xina halao ona iha rai laran.

Emprezaria Timor, Cathy Gonsalves ba jornalista sira iha palacio governu, hafoin remata enkontru, 24/01 hateten investimentu ne’ebe sei foka ba seitor oin-oin no prioridade balun ne’ebe mak sei halo no investor sira sei investe ho montante boot.

Investor ida boot tebes husi Rai Xina, no investementu ne’e haree liu ba iha setor peskas e agrikultur,a area prioridade mak hanesan peska, Turismo”, dehan Cathy

Emprezaria e’e mos hateten, investor sira ne’ebe koalia ho Primeiru Ministru, Dr. Marí Alkatiri hahu koalia ona iha VI Governu nia tempu, no ohin loron sira mai atu kompleta, hodi aselera kontratu,hodi nune’e bele lao ba oin.

Cathy konfesa katak Primeiru Ministru fo apoio total, hodi dudu investimentu ida ne’e lao lalais ba oin. Kompania refere ne’ebe mai hosi rai Xina, tuir planu sei investe $216 Billiaun. Investor Xina ne’e sei halao parseria ho kompania nasional.

Primeiru Ministru, Dr. Marí Alkatiri iha loron inagurasaun fabrika Heineken iha semana kotuk liu ba iha Hera, husu ba investedores potensias no investedores Timor oan sira, ba emprezarius Timor Oan sira, para halo interasaun para bele mos akompanna dezenvolvimentu investmentu hosi rai liur no bele mos sai parseiru ba dezenvolvimentu.

“Investimentu ida hanesan ne’e, atrai mos investimentu seluk atu lais liu, tanba investimentu ida ne’e hatudu katak Timor-Leste tuir dalan ida ne’ebe diak, bele iha konfiansa ba povu ida ne’e, bele iha konfiansa ba instutuisaun estadu ida ne’e no bele mos iha konfiansa ba prosesu dezenvolvimentu rai Timor-Leste nian, husi Tutuala mai to frontera ba to Oe-cusse husi tasi feto to tasi mane sei iha potensialidade ne’ebe boot atu halo atraisaun ba investimentu. Hanesan potensias investidores iha interese atu mai investe area oioin deit, signifika iha konfiansa ba Rai ida ne’e, iha konfiansa ba lideransa Timor Leste nian, iha konfiansa ba insituisaun estadu nian, tanba ne’e hau dehan Timor Leste lao duni ba oin”, deklara Marí Alkatiri. *[Bebiana Soares & Virginia Pereira | Editor: Zevonia Vieira | TAFARA.TL | 25.01.2018]

 

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Nivio Magalhães: Zero Toleransia Ba Traballadores Ilegal Iha Rai Liur tamba taka dalan ba Timor-Oan seluk

“Ba oin sei iha zero toleransia ba traballador ne’ebe mak servisu iha rai liur maibe …

Leave a Reply

Your email address will not be published. Required fields are marked *