Friday , January 18 2019
Home / Sosial & Politika / Nivio: APFTL Sai Ezemplu Ba Ami Nia Parseria Sira Seluk
SEJT, Nivio Magalhães hato'o diskursu iha sesaun plenaria Parlamentu Foinsa'e Nian (PFN) periodu 2016-2018 ba daruak. [Foto: Zinho MD | TAFARA.TL | 11.12.2017].

Nivio: APFTL Sai Ezemplu Ba Ami Nia Parseria Sira Seluk

Secretariu Estadu Juventude e Trabalho [SEJT], Nivio Magalhaes bainhira partisipa iha asembleia reuniaun jeral, Alumni Parlamentu Foinsa’e Timor-Leste [APFTL] datoluk, ba APFTL sira Nivio hateten APFTL sai ezemplu diak ba ami nia parseiru sira seluk, “hau koalia ne’e loos laos halo kampana ba ita boot sira, maibe tuir hau nia observasaun hau nota ida ne’e, hau haree ida ne’e, parabens ba ita boot sira nia servisu, hodi halo atividade durante ne’e ho esperitu voluntrismu ne’ebe mak ita boot sira iha”.

Bainhira halo entrevista ho Nivio Magalhaes, hateten katak mesajen ne’ebe hakarak hatoo ba alumni sira katak, hanesan juventude tenke esforsu an, atu nune’e bele say juventude ida ne’ebe diak, hodi kontribui ba paz, estabilidade no dezenvolvimentu nasional.

“Nafatin ho SEJT, apoiu iha sira nia atividade sira ne’e, tanba juventude presiza duni iha atividade ida ne’ebe konstrutivu, atividade sira ne’ebe bele tau imazen ba publiku, ba ema hotu katak juventude ida ne’e sai nafatin autor principal ida ne’ebe laos kontribui ba konfiltu ka violensia, maibe juventude ida ne’ebe mai ho kualidade, hodi kontribui ba rai ida ne’e”, hateten Nivio.

Iha fatin hanesan, Prezidente Ezekutivu APFTL, Zaulino Gomes da Silva, iha salao MSS, 26/01 hateten, Asembleia Reuiniaun Jeral Annual APTFL, ne’e define iha estatutu organizasaun nia kada tinan tenki halao asembleia reuiniaun ho objetivu atu apresia relatoriu annual 2017 ninian ne’ebe mak organizasaun APFTL halo ona iha 2017, inklui mos debate no aprova ba planu asaun annual 2018 ne’ebe organizaasaun hatun ona, husi planu estratezia.

Iha relatoriu 2017 atividade 16 ne’e mak ami halo ona, durante 2017 nian liu-liu konaba dezenvolve kapasidade no hahalok siviku joven sira nian, seluk dezenvolve kapasidade rekursu humanu organizasaun nian, seluk koalia konaba formasaun profesional ba joven iha area peska hortikultura no pekuaria ninian, apoiu husi Secretaria Estadu Juventude e Desportu iha =altura ne’eba liu husi Diresaun Nasional Juventude”, informa Zaulino

Zaulino mos informa ba jornalista sira katak, dezafiu ida katak APFTL mesak estudante oan, balu eskola universitariu no balu sekundariu, dalaruma tenke sakrifika estudu hodi halo atividade ba organizasaun, maibe ida ne’e la hamate vontade no espiritu atu kontinua misaun ne’ebe joven hotu hakarak, “ho ami nia prinsipiu ida, ativismu, sivismu no voluntarismu. seluk tan menus kapasidade rekursu organizasaun nian, atu operasionaliza servisu, seluk menus inisiativa no kreatividade husi divizaun no membru sira maibe ita nafatin halo esforsu”.

Tuir relatoriu APFTL ba tinan ida nian, Total orsamentu ne’ebe uza ba atividade APFTL nian hamutuk U$ 252,749.75, no ezekuta U$ 205,619.00, la ezekuta U$ 47,130.75. Asemblea reuniaun jeral ba tinan ida ne’e, ho tema Juventude Autor ba Dezenvolvimetu, Sustentavel, Siviku, Solidariu no Orguliho Nudar Timor Oan.*[Bebiana Soares | Editor: Zevonia Vieira | 26.01.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

OJE 2019, TMR: PR Sei Desidi Tuir nia Kompetensia, Hau Uluk Mos Veta No Haruka Fila Fali Ba PN

“Prezidente iha tempu para estuda, kuandu nia promulga nia bele halo, mais se imi hare …

Leave a Reply

Your email address will not be published. Required fields are marked *