Saturday , May 25 2019
Home / Sosial & Politika / Nivio Magalhaes: Juventude Tenke Sai Parte Hosi Solusan ba Problema
[Foto: Koleksi Facebook Nivio].

Nivio Magalhaes: Juventude Tenke Sai Parte Hosi Solusan ba Problema

Sekretariu Estadu Juventude e Trabalhu (SEJT), Nivio Magalhães hateten katak, governu sei tane as prinsipiu igualdade jeneru tanba feto sira mos tenke brani atu koalia iha oin.

Movimentu Revolusaun Karakter ba Futuru, organiza diskusaun iha eskola no bairu sira ne’ebe durante mosu problema bebeik. Liu hosi atividade ne’e Sekretariu Estadu Nivio ne’ebe vizita ba dala uluk ba Eskola Sekundaria Jeral 5 de Maio, Bekora 18/10, hatoo katak fundador nasaun iha tempu uluk, idade hanesan ho estudante sira, iha ona hanoin atu liberta rai ida ne’e.

“Hau husu ba estudante sira katak ho idade hanesan joven, agora tenke fo mos kontribuisaun ba nasaun ida ne’e, la presiza kaer kilat hodi tiru malu, tanba nasaun ne’e ukun an ona”, hateten Nivio.

Governante ne’e salient katak, juventude iha obrigasaun atu kontinua luta ba fini foun, hodi liberta hosi kiak no mukiti, oinsa mak alin sira atu kontirbui ba luta ida ne’e, tenki fo ulun ba eskola, tama eskola tuir oras, estuda atu nune’e bele sai estudante iha valor diak, remata karik ho rezultadu diak atu bele kontribui ba dezenvolvimentu rai ida, kria paz no estabilidade.

Tuir Nivio katak estudante tenke sai hanesan solusaun ba problema saida deit,  tenke desiplina, tenke sente katak iha responsabilidade, respeita profesores no respeita malu.

Iha fatin hanesan estudante Maria de Araujo ba jornalista TAFARA.TL, sente kontente tanba eskolar refere bele hetan vizita husi SEJT. Maria iha esperansa katak bele iha kontinuasaun vizita hosi governu.

“Hau senti diak tebes, tanba ami nia eskola bele hetan vizita husi Secretaria Estadu Juventude e Trabalhu, hau espera katak ho SEJT nia Vizita ne’e bele loke dalan tan ba membru governu seluk hanesan Ministeiru Edukasaun, hodi haree direita ami nia eskola, tanba ami nia eskola mos dala barak hetan problema hela de’it”, tenik Maria.

Estudante Eskola Sekundaria Jeral 5 de Maio Acili Sarmento ba jornalista TAFARA.TL hatete, senti triste tanba relasiona ho vizita SEJT, estudante balun mak la hatudu sira nia disiplina.

Hau senti triste ohin SEJT koalia hela ami nia kolega sira barak la hatudu displina no wanhira kanta Hino Nasional no um minute de Cilencio mos Ami nia kolega estudante sira balun tur hela no la hatudu disiplina ne’ebe mak diak, maibe ami sei esforsu an nafatin hodi haruka kolega sira tuir tan, atu nune’e bele kapasita kolega sira nia an no ami nia hahalok hirak  hanesan ne’e”, esplika Acili.

Tuir observasaun Jornalista iha vizita  ne’e hetan partisipsaun maximu husu estudante no profesores sira.* [Bebiana Soares | TAFARA.TL | 18.10.2017].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *