Wednesday , June 19 2019
Home / Sosial & Politika / Nivio: Trabalhadores Laos Ba Buka Osan Deit, Reprezenta Mos Timor
[Foto: Koleksi Facebook Nivio].

Nivio: Trabalhadores Laos Ba Buka Osan Deit, Reprezenta Mos Timor

Secretariu Estadu Juventude e Trabalho (SEJT), Nivio Magalhaes, husu ba trabalhadores atu servisu ho disiplina, tuir regras no hanoin nafatin katak ba servisu laos deit lori trabalhadores nia naran maibe oms Timor nia naran. Nia mos husu atu trabalhadores halo tuir deklarasaun ne’ebe sira asina ona. Lia hirak ne’e hato’o husi Secretaria Estadu Juventude e Trabalho (SEJT)  bainhira halo despidida ho trabalhadores ne’ebe sei aranka ba Australia, iha 25/10, iha Edifisiu SEJT, Kaikoli Dili 24/10.

Sekretariu estadu ne’e mos iha nia liafuan despidida ba trabalhadores sira hatete ba trabalhadores ba servisu ho responsabilidade no kumpri regras ne’ebe mak iha ka asina ona iha deklarasaun, tanba sira ba reprezenta mos nasaun nia naran, tanba ne’e trabalhadores sira ne’e tenki disiplina servius hotu fila mai halo familia sira nia kontente

Hau husu nafatin ba ita bo’ot sira ba servisu iha Australia laos deit lori ita bo’ot sira nia naran, laos ba buka deit osan, maibe ba mos hanesan representate Timor nian iha ne’eba. Tamba ne’e mak ba servisu karik, servisu lolos tuir regras ne’ebe ita konkorda tiha ona. Tamba se halo sala ruma karik ema sei laos temi ita bo’ot sira nia naran, maibe temi mos ita nia nasaun nia naran, Tamba ne’e mak hau husu ba trabalhadores sira atu servisu ho disiplina servisu ho responsabilidade e ba servisu lolos kuidadu an iha tempo servisu, tanba ita boot sira laos husik hela deit  ita nia rai maibe husik mos imi nia familia, inan aman, oan no maun alin sira, balu triste tanba fahe malu maibe sei kontente bainhira imi fila mai tanba ne’e hau husu atu imi servisu didiak,” dehan SEJT.

Governante ne’e mos hatete hodi fo hanoin ba trabalhadores sira kona ba deklarasaun ne’ebe mak sira asina tiha ona antes atu sai ba servisu iha rai liur. Nia husu atu trabalhadores atu kumpri deklarasaun ne’e.

Iha fatin hanesan, Representante Embaixada Australia, Rilia hatete, wanhira trabalhadores sira nia kontratu hotu iha Australia fila mai sei reintegr esperensia ne’ebe mak sira hetan.

Embaixada servisu hamutuk ho SEJT iha programa ida dezenvolvementu forsa trabalhu hamutuk ho departamentu Rai liur ninian no mos programa ida asistensia mobilidade ninian. Wainhira ita boot sira fila fali mai Timor ami sei halo planu ida reintegrasaun ninian osan ne’ebe mak ita boot sira manan, esperensia ne’ebe mak ita boot sira hetan,” dehan Rilia.

Fen husi trabalhador Duarte da Luz, Fransisca Fernandes ba jornalista TAFARA.TL hatete maske nia mesak durante nia laen ba servisu, maibe nia prontu, nia husu atu nia laen ba servisu ho diak hodi fila mai haree sira nia oan ne’ebe mak ho idade sei ki’ik hotu.

Hau senti kontente, tanba hau nia laen ba servisu iha ne’eba fila mai para sustenta ami nia familia. Tanba ami nia oan mos nain 6 sei kiik hotu, no ida agora kous ne’e mos foin fulan ida. Maske hau mesak ho sira nain ne’en maibe hau pronto atu haree no hau nia lia menon mak ba servisu ho diak fila fali mai no labele haluha nia oan sira,” Fransisca hatete ho esperansa.

Trabalhadores nain 40 mak sei ba servisu iha Australia, kompostu husi feto 20 no mane 20.

Serimonia despidida ne’e hetan prezensa husi funsionariu SEJT, representante Embaixada Australia no familia Trabalhadores sira nian.* [Bebiana Soares | TAFARA.TL | Editor: Ato ‘Lakinawa’ Costa | 25.10.2017].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *