Monday , October 22 2018
Home / Sosial & Politika / Nurima: Maioria iha Parlamentu La Fo Importansia ba Igualdade Jeneru
[Foto: Facebook Nurima Ribeiru Alkatiri].

Nurima: Maioria iha Parlamentu La Fo Importansia ba Igualdade Jeneru

Parlamentu Nasional halo elisaun ba substituisaun Komisaria Funsaun Publiku Olandina Caero, tanba oras ne’e dadaun Olandina asumi kargu nudar Embasadora Timor-Leste ba Malaysia.

Kandidatura ba substituisaun ne’e mai ho proposta rua husi koligasaun no opozisaun. Hosi Opozisaun propoin kandidatu Antonio Freitas no koligasaun propoin  kandidata Maria Filomena Exposto Martins.

Liu hosi husi rezultadu votasaun, Antonio Freitas hetan votus 35 hodi asumi kargu Komisariu foun no Maria Expostu hetan votus 29.

Ho rezultdau hosi elisaun, Deputada hosi Bankada Fretilin, Nurima Alkatiri lamenta ho situasaun ne’ebe mosu iha parlamentu, liga ho igualdade jeneru ne’ebe la fo apoiu masimu ba kandidatura feto.

“Hau nudar feto no mos ema ne’ebe durante tinan hira sai ativista  ba igualdade generu, triste tebes tamba ohin iha demonstrasaun bo’ot katak, ema iha maioria iha parlamento seidauk fo importansia ba iha igualdade jeneru, seidauk fo oportunidade ba iha ita nia maluk feto sira, atu bele iha oportunidade atu hatudu mos sira nia kapasidade. Ohin ita koalia laos koalia ba feto ida ne’ebe la iha konnesimentu laos koalia konaba feto ida ne’ebe la iha estudus, maibe feto ida ne’ebe uluk mos serbisu ba luta ba libertasaun nasional. Feto ida ne’ebe iha kursu superior ba area ne’ebe relevante I ema ne’ebe eis deputada portantu kunnesimentu funsionamentu Leis ho regulamentus ne’ebe vigora iha ita nia rai, tamba ida ne’e hau triste tebes hau hare’e katak deputadus maioria la hili ema hanesan ne’e, liu liu ba hau nia maluk deputada sira ba iha parlamentu nasional”, esklarese Nurima.

Iha sorin seluk Eis Sekretaria Estado liga ba asunto Feto iha VI Governu Konstituisional, Veneranda Lemos ba Jornalsita TAFARA.TL hateten katak ita labele kahur Kestaun igualdade generu ho Politika.

“se hare’e ba iha iqualdade jeneru ita triste ba feto la liu maibe ita labele kahur kestasaun igualdade generu ho gestaun politika ne’ebe se hatete dehan tamba seda mak kandidatu feto ne’e laliu tamba feto mos labarak iha parlamentu,” Tenik Veneranda.* [Jesuino Marcal de Jesus | TAFARA.TL | Editor: Zevonia Vieira | 24.10.2017].

 

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *