Tuesday , May 21 2019
Home / Sosial & Politika / OJE 2019, TMR: PR Sei Desidi Tuir nia Kompetensia, Hau Uluk Mos Veta No Haruka Fila Fali Ba PN
Primeiru Ministru Taur Matan Ruak halo entrevista ho jornalista sira iha palacio prezidensia. [Foto: Media GPR | 27.12.2018]

OJE 2019, TMR: PR Sei Desidi Tuir nia Kompetensia, Hau Uluk Mos Veta No Haruka Fila Fali Ba PN

“Prezidente iha tempu para estuda, kuandu nia promulga nia bele halo, mais se imi hare iha hau nia tempu hau veta no hau haruka fila fali. Ne’e istoria iha Timor premeira veto ne’e hau nian iha OJE”. TMR

Primeiru Ministru Taur Matan Ruak hasoru malu ho Prezidente da Republika nudar enkontru regular, hodi aprezenta servisu governu nian ba Xefe Estadu.

Relasiona ho Orsamentu Jeral Estadu [OJE] 2019 ne’ebe Parlamentu Nasional aprova ona, hatan ba TAFARA.TL konaba karik esperansa hosi Primeiru Ministru ba Prezidente da Republika atu promulga OJE 2019, atu nune’e makina estadu bele lao?

Ba TAFARA.TL Taur Matan Ruak hatan katak Prezidente da Republika sei ezerse ninia kompetensia nudar orgaun soberanu.

“Hau uluk sei Prezidente iha ne’e, normalmente ne’e desizaun soberana, laiha ema ida atu fo presaun ba Prezidente da Republika. Prezidente iha tempu para estuda, kuandu nia promulga nia bele halo, mais se imi hare iha hau nia tempu hau veta no hau haruka fila fali. Ne’e istoria iha Timor premeira veto ne’e hau nian iha orsamentu jeral estadu, ne’e signifika Prezidente da Republika iha nia knaar rasik, Prezidente sei estuda oinsa mak bele ezerse ninia kompetensia”, hateten Taur Matan Ruak iha palacio prezidensia 27/11.

Taur mos afirma katak iha tinan 2017 kresimentu reseisaun katak kresimentu laiha, iha 2018 la mate liu, orsamentu 2019 ne’e para atu rekopera, se ita falha tan, kresimentu laiha, pais la lao, osan la sirkula, emprezariu sira laiha osan hodi selu trabalhador sira entaun ita paraliza ita nia nasaun. Buat sira ne’e hotu ita tenke halo ezersijiu ho seriu tanba ne’e hau fiar katak Prezidente iha tempu para halo avaliasaun diak no nia sei desidi tuir nia konsensia. * [Zevonia Vieira | TAFARA.TL | 27.12.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo

“Atu bele atrai turista internasional, Timor-Leste presija investe maka’as liu iha setor infrastrutura, atu bele …

Leave a Reply

Your email address will not be published. Required fields are marked *