Wednesday , June 19 2019
Home / Sosial & Politika / Orsamentu Ba Atleta Sira, Partisipa Iha ASIAN GAMES Sedauk Iha
Logo no Maskot foun ASEAN GAMES 2018 [Foto: Indonesia ASEAN GAMES]

Orsamentu Ba Atleta Sira, Partisipa Iha ASIAN GAMES Sedauk Iha

ASIAN GAMES 2018, ne’ebe sei realiza iha Palembang Indonesia, sai obstaklu boot ba Timor-Leste, tanba ho situasaun politika ne’ebe iha, susar atu prepara osan ba atleta sira hodi ba tuir ASIAN Games.

TAFARA.TL halo entrevista ho Comite Olimpic Nasional Timor-Leste, no hetan resposta katak sedauk iha orsamentu hodi halo prepasaun ba atleta sira hosi modalidade 13, ne’ebe sei compete iha nível internacional,

Tuir Sekretariu Geral Comite Olimpic Nacional Timor Leste [CONTL] Laurentinho Guterres hatete, durante nee osan ba preparasaun ba ASIAN GAMES Seidauk iha, maibe CONTL sei hatoo ba SEDPAC hodi apresenta ba Konsellu Ministru

“Dadaun ne’e ita laiha orsamentu, CONTL no CDTL sei hatoo ba SEDPAC no sei apresenta iha Konselho Ministru. Wainhira konsellu Ministrua aprova maka SEDPAC sei hatoo fila fali mai ami no ami foin mak enkontru ho SEDPAC, hodi koalia kona ba preparasaun ba atleta sira, maibe ita hatene katak dadaun nee ita laiha osan neebe fixu ba preparasaun hotu, osan neebe mak atu uza ba ASIAN GAMES ne e sei mai husi orsamentu duadesimu”, dehan Laurentinho iha Edifisiu CONTL 05/01.

Secretariu Geral nee mos akresenta katak, wainhira haree kona ba priorida lolos maka, primeiru investimentu nee tenke ba iha atleta, orsamentu fixu ba iha formasaun atleta nee tenke iha, formasaun iha treinador sira, tenke iha orsamentu mai husi governu tenke fixu, maibe iha nee la iha orsamentu formasaun ba atleta, segundu maka infrastrutura, modalidade hotu-hotu la iha infrastrutura, Futebool, Volly, Foti besi, Natacao, Boxin. Haree realidade ne’ebe mak iha Dili laran, iha klubu barak mak iha Dili laran, mais sira la iha fatin ba terenu.

Entretantu Sekretariu Estadu Desportu Promosaun no Alta Kompetisaun [SEDPAC], Osorio Florindo da Conceição Costa hateten laiha orsamentu Estadu ne’ebe alokadu espesial ba ida ne’e

“Hanesan ita hotu hatene situasaun politika, laiha orsamentu estadu ida mak bele aloka espesial ba ida ne’e. Hau hanoin sistema ne’ebe ema hotu hatene maka aplika sistema duadesimu, signifika katak kada Asosiasaun, Federasaun konfederasaun hatama sira nia planu mensal mai SEDPAC, maibe mos tenki tuir plafon orsamentu ne’ebe maka Ministeiru Planu Finansas fo Mai SEDPAC”, Hatan Osorio iha edifisiu SEDPAC.

Osorio Florindo mos afirma katak membru governu tomak infrenta ho situasaun ba problema orsamentu maibe la signifika labele halo buat ruma

“Ita aplika orsamentu ou ezukata orsamentu 2017, ita labele halo atividades 2018 nian, uza osan 2017 nian. Ida ne’e mak situasaun governu tomak infrenta, maibe la signifika katak ita labele halo buat ruma. Liu husi test event ne’e pelu menus, ita tau osan oituan para sira halo kompetisaun, depois ema halo selesaun ba test event ne’e para halo kontinua treinamentu ba ASIAN GAMES. Hau hanoin to fulan Agustu politika bele normal, ita bele lao ona”, hateten Osorio.

ASIAN GAMES ba dala 18, sei halao iha Jakarta no Palembang Indonesua, ne’ebe sei hahu iha loron 18 Agustu to 2 Septembru.*[Henrique Soares de Jesus | Editor: Zevonia Vieira | 06.02.2018]

About Henrique Soares de Jesus

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *