Wednesday , April 24 2019
Home / Eleisaun Parlamentar / Parlamento Nacional IV Legislatura Kompleta Ona Kompozisaun Estutura Meza
Estrutura Meza Parlmentar Periodo 2017-2022.[Foto: Zinho MD | TAFARA.TL | 06.09.2017].

Parlamento Nacional IV Legislatura Kompleta Ona Kompozisaun Estutura Meza

Serbisu ba IV legislatura hahu ona hodi serbi ba povu ida ne’e hodi bele lori aspirasaun ne’ebe maka mai duni husi saida mak povu nia hakarak durante tinan 15 liman nia laran.

Meza ba Parlamento Nacional kompleta ona iha ohin lorokraik no agenda ne’e sei mai mak membru Parlamento sira sei hare’e ba kompozisaun komisaun nian hodi bele hahu ona serbi ba rai ida ne’e.

Vice Presidente Parlemento Nacional, Julio Sarmento da Costa, halo intrevista ho jornalista hafoin eleitu hateten nudar ema Timor oan baibain ita halo politika atu serbi povu.

“Ho sentemento nudar ema Timor oan baibain ita halo politika atu serbi povu no nasaun neduni ita komprometidu ba ita nia an katak prontu atu bele serbi povu ida no nasaun ne’e iha qualquer tempu,” dehan Meta Mali.

Vice Presidente ne’e mos hatutan “Hau mos la espera ohin mai asume responsabilidade husi hau nia Secretariu Geral hodi substitui nia, no hau hanoin mai tur deit mais depois alguns minutu hau hetan lista chamada ida iha meja hodi bele asume responsabilidade nudar Vice Presidente Parlamento Nacional. Dirigi kakutak matenek no kakutak oi-oin la fasil, trauma uituan mais hakarak ga lakoi ita aprende malu ho ita nia belun sira husi primeiru legislatura, Terceira legislatura ohin tama to Quartu ita aprende husi sira, hau hanoin saida mak susar ita sei bele lao, tamba ita halo serbisu ba ita nia rai rasik no ita nia sosiedade rasik.”

Iha fatin hanesan Vice Sekretaria Meza Parlamento Nacional, Elvina Sousa Carvalho, esklarese ba Jornalista TAFARA.TL “Pesoalmente hau orgullu tamba bele reprezenta hau nia partidu asume Vice Sekretaria Meza, hau kontenti teb-tebes hanesan jerasaun foun,” tenik Elvina ho kontenti.

Deputadu husi Bankada PD ne’e mos esplika katak “Hau fiar katak ho kompozisaun meza ida ohin ne’e, kompozisaun ita que diak, hau sei hare’e ba kompetisaun ne’ebe hau iha no hau sei halo serbisu tuir saida mak hakerek ona iha dokumentu.”

Konaba dezafia ne’ebe sei mai iha tinan lima nia laran ba TAFARA.TL Vece Secretaria ne’e esklarese pozisaun PD klaru ona, ami asina akordu ho partidu Fretilin no KHUNTO ne’e klaru ona, ami nia pozisaun mak ne’e sei mantein nafatin hanesan ne’e.

Jerasaun foun ne’e hatutan “Hau espera iha tinan lima ne’e povu tenke fo konfiansa Parlamento Nacional tamba sira mak hili Deputadu sira mai iha ne’e entaun sira tenke fo konfiansa tomak katak ami sei halo duni ami nia funsaun hanesan legislador iha Parlamento Nacional, fiar katak tinan lima ne’e povu nia espera mai ami ne’e sei la monu.

Vice Presidente no kompozisaun meza parlamento periodu 2017-2022 ne’e ho votus Afavor 47, Kontra 8 no Abstensaun 10 husi Deputadu 65. Estruta Meza Parlamentar Presidente Aniceto Longinhos Guteress Lopes Fretilin, I Vice Presidente Julio da Costa Sarento PD, II Vice Presidente Antonio Verdial KHUNTO, Sekretaria Meza Angelina da Costa Fretilin no Vice Sekretaria Meza Elvina Sousa Carvalho PD. *[Jesuino Marcal de Jesus, Maria do Ceu | Ato Lekinawa Costa | TAFARA.TL | 06.09.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *