Tuesday , March 26 2019
Home / Sosial & Politika / Parlamentu Nasional Kansela Debate OR, Iha Tersa Sei Debate Ajenda Uniku Konaba Rekurs Hosi AMP
Deputadu halo elisaun kona ba muasaun rejisaun iha uma fukun Parlamentu Nasional.[Foto: Zevonia Vieira].

Parlamentu Nasional Kansela Debate OR, Iha Tersa Sei Debate Ajenda Uniku Konaba Rekurs Hosi AMP

Liu husi Plenaria Parlamentu Nasional (PN) ohin loron tuir agenda ne’ebe PN sei halo debate jeneralidade Orsamentu Retifikativu.

Hahu abertura Deputadu husi Bankada CNRT rezeita ba agendamentu ne’ebe iha hodi questiona prosta hirak ne’ebe deputadu husi AMP submete ba meza PN hanesan mosaun sensura, rekursu ba orsamentu retifikativu no hatun Presidente PN.

Entertantu iha esplikasaun husi Presidente Parlamentu Nasional, Anicito Guterres hatan ba preokupasaun husi Deputadu Bloku AMP katak, proposta ba hatun Presidente Parlamentu sei hein rezultadu husi Tribunal mak foin bele tama iha agendamentu. Mosaun sensura tama iha meza bainhira Orsamentu Retifikativu hetan ona aprovasaun ka la aprova.

Iha fatin hanesan bankada opzisaun CNRT, Deputadu  Arão Noe deklara iha Parlamentu Nasional katak rekerementu ne’ebe AMP hatama bazeia ba rezimentu Parlametnu Nasional, tuir Konstituisaun hateten estadu submete ba Konstituisaun no Lei tanba ne’e mak APM nia aprezentasaun rezukursu bazeia artigu 99 rezimentu parlamentu Nasional.

“tamba ne’e mak rekurus ne’e atu aplika tenke aplika artigu 99, laos aplika artigu sira seluk, tuir lolos proposta ne’e tama, Presidente admite tenke submete kedas ba plenaria maibe hahu husi ne’e la agenda to agora”, hateten Arão.

Iha intervensaun Deputadu Antoninho Bianco hateten, nia lakoi atu deputadu sira dun malun no nia mos hakarak ema hotu hare’e be rezimentu deit.

“Rezimetentu 97 baze fundamental Presidente despacho ba komisaun C, bazeia ba komisuan C nia pareser plenaria ne’e desidi liga ba AMP nia ezijensia substansia rua deit, ida urjente ou normal”, haktuir Antoninho.

Liu hosi plenaria ne’ebe atu tau agenda ba debate jeneralidde Orsamentu Retifikstivu labele realiza ohin loron, bainhira TAFARA.TL  halo konfirmasaun hosi Gabinete Prezidente Parlamentu Nasional via telefone, iha loron terse 19/12, sei halo ajenda uniku hodi halo debate kona ba rekurus no proposta ne’ebe hatama hosi bankada opozisaun ba Prezidente Parlamentu Nasional.* [Jesuino Marcal de Jesus | TAFARA.TL | Editor: Zevonia Vieira | 18.12.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *