Saturday , November 17 2018
Home / Sosial & Politika / Parlamentu Nasional Kria Komisaun Permanente Hodi Asegura Funsionamentu PN nian
Secretaria Jeral PN, Matias Ximenes Belo halo konferensia imprensa ho jornalista sira. [Foto: Virginia Pereira | 29.01.2018]

Parlamentu Nasional Kria Komisaun Permanente Hodi Asegura Funsionamentu PN nian

Prezidente da Republika, tuir kompetensia Prezidente nian iha Konstituisaun RDTL, artigu 86, aline [f] katak hakotu Parlamentu Nasionál, iha kazu krize boot institusionál nian ne’ebé labele iha formasaun governu ka aprovasaun Orsamentu Jerál Estadu nian, iha tempu naruk liu loron neen-nulu, wainhira rona tiha ona partidu polítiku sira-ne’ebé hetan kadeira iha Parlementu Nasionál, no rona Konsellu-Estadu, iha tempu ne’ebé laiha kdasar jurídiku atu hala’o disolusaun.

Ho desizaun refere, Parlamentu Nasional sei estabelese komisaun permanente, tanba iha deliberasaun Parlamentu no.3/2017 Konsituisaun da Komisaun Permanente

Liu hosi konferensia imprensa, iha Parlamentu Nasional, 29/01 ba jornalista sira Secretaria Jeral Parlamentu Nasional, Mateus Ximenes Belo hateten desolusaun foin daudaun desolve tiha ona tuir Konstituisaun no lei ne’ebe mak iha parlamentu nasional tenke asegura ho komisaun permante.

“Komisaun permanente nia numeru iha ona, falta nia naran ne’e atu hatama ba, karik iha ona,prontu bele funsiona ona, apartir de desolusaun komisaun permanente mak sei funsiona hodi asegura funsionamentu parlamentu nasional nian”, hateten Mateus.

Matias Ximenes Belo mos informa katak deputadu parlamentu nasional IV Legislatura nian ne’ebe priense iha lista komisaun permanente hamutuk 29, kompostu husi partidu ne’ebe hetan asentu iha Parlamentu nasional.

Iha komisaun Permanente, nia kompozisaun iha 26 deputadus, aumenta ho Prezidente no Vice Prezidente nain rua, total 29. Bankada Fretilin nain 10, inklui Prezidnete Parlamentu, Bankada CNRT nain 10, PLP haat, PD tolu, no KHUNTO rua. Funsaun hosi Komisuan refere, atu asegura funsionamentu iha parlamentu nasional

Tuir esplikasaun hosi Secretaria Jeral Matias katak, deputadu sira ne’ebe mak naran la tama iha komisaun Permanente, sira nafatin ba iha parlamentu nasionl tanba tuir Lei primeiru reuiniaun legislatura foun, mak sira foin remata mandate.

To oras ne’e dadaun deputadu sira nafatin aprezenta sira nia an iha Parlamentu Nasional no halo funsionamentu normal, tanba funsionamentu ba jestaun no administrasaun lao nafatin.*[Bebiana Soares | Editor: Zevonia Vieira | TAFARA.TL | 29.01.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *