Thursday , May 23 2019
Home / Eleisaun Parlamentar / ParPol No Koligasaun Partidaria Asina Paktu Unidade Nasional Nudar Komprimisu Iha EA
Parpol no Koligasaun partidaria sira asina Paktu Unidade Nasional iha CNE. [Foto: Maria do Ceo | 07.04.2018]

ParPol No Koligasaun Partidaria Asina Paktu Unidade Nasional Nudar Komprimisu Iha EA

Partidu politiku kompostu hosi Fretilin, PD, PEP, PR no koligasaun partidaria kompostu hosi AMP, MSD, MDN, FDD asina Paktu Unidade Nasional [PUN], nudar komprimisu iha eleisaun antesipada.

Liu hosi seremonia seremonia ne’ebe organiza hosi Comisaun Nasional Eleisaun [CNE], Prezidente CNE, Alcino Barris hatoo ba partisipante sira katak inisiativa hosi PUN ne’e tanba iha preokupasaun oin-oin, bainhira halo edukasaun sivika iha teritoriu laran, hatoo mos hosi partidu politiku sira, liu-liu iha reuniaun koordenasaun ba preparasaun kampanna eleitoral no hetan sujestaun hosi Prezidente da Republika, atu CNE organiza PUN bainhira halo telekonferensia lider partidu politiku municipal sira, autoridade lokal no lider komunidade sira, ne’ebe husu ba Prezidente da Republika, hodi organiza PUN, tanba sira preokupa tebes situasaun politika rai laran, ne’ebe hamosu rumoris, linguazen, defamatores no ezitasaun violensia iha media social sira, no tanba mos CNE nia kompetensia hatuur iha Lei no esperiensia rasik, organiza ona PUN iha eleisaun 2012, ne’ebe hetan resposta positiva. Partidu politiku no koligasaun sira hatoo sira nia kumprimisiu eleisaun pasifika, hodi hametin unidade nasional, iha eleisaun antesipada haklaken tuir Konstituisaun.

Alcino Barris hateten ba Paktu Unidade Nasional ida ne’e, CNE desidi ho maneira oin rua, ida mak seremonia ritual tradisional no asina PUN. Seremonial ritual halao ona iha loron 6/04, ho maneira tradisaun municipiu idak-idak nian. Iha seremonial ritual interesante tebes, hatudu rezultadu hosi municipio 12 no Rejiaun Administrativa Espesial Oecusse [RAEO] hatudu hotu-hotu diak, maske iha sikun balun karik iha lia fuan mak naksala.

Liu hosi seremonia ne’ebe halao iha CNE, 07/04 partidu politiku no bloku koligasaun sira halao zuramentu ho kontiudu katak nudar partidu politiku no koligasaun partidaria konkerete ba eleisaun antesipada ho neon no laran hakarak deklara katak prontu kumpri Konstituisaun, Lei no regulamentu eleitoral sira, respeita prinsipiu universal kampanna eleitoral hodi garante liberdade propaganda, igualdade ba oportunidade no transparansia , promove direitus humanus, igualdade jeneru no partisipasaun inklusivu nudar fundasaun hodi haburas demokrasia, hakribi violensia hodi promove kultura no dialogo nudar meus ida hodi hametin paz no unidade nasional, simu rezultadu eleisaun antesipada parlamentar 2018 ho laran tomak no fo apoio ba partidu politiku ka koligasaun partidaria, ne’ebe sekaer ukun.

Iha asina PUN, CNE desidi katak kada municipio no RAEOA involve lia nain rua, asosiasaun lider komunitariu nain rua, asosiasaun juventude ema nain rua, asosiasaun veteranu ema nain rua, partidu politiku ema nain rua, koligasaun partidaria ema nain rua no nivel nasional ema nain haat.

Atividade asinatura komprimisiu eleisaun pasifika, hametina paz no unidade nasional iha eleisaun antesipada parlamentar 2018 realiza tanba servisu hosi muncipio tomak no RAEOA, kooperasaun ho Ministeriu ESTATAL, Komandante Jeral PNTL, autoridade ZEESM no PDHJ. * [ Zevonia Vieira | TAFARA.TL | 07.04.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *