Thursday , May 23 2019
Home / Eleisaun Parlamentar / ParPol Sira Iha Hanoin Positivu Ba Paktu Unidade Nasional Ne’ebe Aprezenta Iha CNE
Prezidente CNE, Alcino Barris, halo entrevista ho jornalista sira iha palacio prezidensia. [Foto: Zevonia Vieira | 29.01.2018]

ParPol Sira Iha Hanoin Positivu Ba Paktu Unidade Nasional Ne’ebe Aprezenta Iha CNE

“Husi testu ba paktu unidade nasional, partidu politiku sira hotu hanoin positivu, no eleisaun ne’e sasukat ba tina lima oin mai. Ba kompetisaun ne’ebe livre no justu, tanba ne’e sira hotu iha kompremisiu hanesan”. Alcino Barris

Kampanna eleitorial ofisialmente sei hahu iha loron 12/04, ho preparasaun refere, Prezidente Comisaun Nasional Eleisaun [CNE], Alcino Barris ba jornalista sira esplika CNE halo reuniaun hamutuk ho lider partidu politiku sira ne’ebe sei konkore iha eleisaun 2018, hodi apresia konaba faktu unidade nasional ne’ebe sira rasik mak sei asina.

Alcino hatutan katak iha enkontru ne’e CNE hatudu testu de komprimisu ba asina paktu unidade nasional, no partidu sira konkorda ho testu refere. Iha ekontru ne’e mos koalia konaba aprezentasaun kalendariu ne’ebe partidu politiku walu ne’ebe hatama ona, maibe iha sistema ne’e hatudu katak, iha partidus balu nian kalendariu eleitoral ne’e soke malu ho partidu sira seluk, CNE sei hare ida ne’e hodi rezolve

“ami tenke fo sai ona kalendariu ne’e, para partidu politiku sira kaer no liu-liu seguransa, tamba sguransa sei halo akampannamentu, observadores nasionais internasionais no media sira”, hateten Alcino

Ba jornalista sira iha salaun enkontru CNE, 5/04 Prezidente CNE informa mos katak substansia respeitu Konsttuisaun, Lei no regras ne’ebe invigor tenke respeita.

“Liberdade prinsipiu demokrasia, liberdade ema hotu nian, labele halo violensia durante prosesu kampanna eleitoral no votasaun ne’e rasik, fundamentu tebes mak partidu politikus sira tenke simu rezultadu no fo apoiu ba partidu ka koligasaun ne’ebe manan, hodi kaer governu. Husi testu ba paktu unidade nasional, partidu politiku sira hotu hanoin positivu, no eleisaun ne’e sasukat ba tina lima oin mai. Ba kompetisaun ne’ebe livre no justu, tanba ne’e sira hotu iha kompremisiu hanesan”, esplika Alcino

Iha enkontru refere hosi parte Unidade Transitu, halo mos aprezentasaun konaba regras transitu, bainhira atu halo kampanna eleitoral

“Hahu iha loron 10 Abril no sei remata iha loron 9 Maiu, tenke respeita kodigu transitu de estrada, porque policia sei halo atuasaun ba apoiantes, militantes sira ne’ebe tuir kampanna eleitoral. Karik sira komete infrasaun transitu sira nian, ida ne’e ohin esplika klaru regras no hatudu mos konaba akontesimentu sira ne’ebe akontese diariamente no komparandu ho situasaun kampanna eleitoral ba kotuk ne’ebe halo ema mate no kanek”, hateten Alcino. * [ Virginia Pereira | Editor: Zevonia Vieira | TAFARA.TL | 06.04.2018 ]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *