Partido Ne’ebe Deit Manan, Povo Husu Kumpri Promesas

CNRT manan iha Ailok Laran ho votus 709, tuir mak Partidu FRETILIN 430, PD 226, no PLP 122. Iha Centru Votasaun ne’e povo husu ida ne’ebe manan atu kumpri promesa.

Hosi intervista ne’ebe jornalista TAFARA.TL halo ho membru komunidade Vencilao Barreto (34), iha Centru Votasaun Ailok Laran, nia hato’o katak, “hanesan Timor oan, tempu ida ohin tempu atu desidi ba futuru Timor nian, liuliu atu hili Governu nebe mak diak. Governu nebe mak bele lori povo ida ne’e ba oin. Tan ne’e mak ohin ami mai iha ne’e para hodi vota, vota tuir ami nian konsiensia tuir ami nia fiar ami nia direitu, depois ida nemos segredu. Nune ami mos bele hili ema nebe merese para atu tur iha Governu lori Timor ba oin ida nemak ita hakarak.”

Iha fatin hanesan, membru komunidade Alsanto da silva (67), hato’o ba jornalista TAFARA.TL katak, “tuir ami katuas ne’e hare dei,t lao deit akompanna situasaun ne’e to iha nebe ba. Hau nia esperansa buat ne’e iha nakukun mak ita bele kolia. Tan partidu sira agora dadaun barak promete buat barak atu halo, mais so que ami nia hare ne’e katak bele halo mais bele duni ka lae. Ida ne’e mak ami haree problema. Buat ne ita votasaun bele ka labele halo tok ba ita haree. Mais so que ami nia hakarak atu hare buat ne’ebe los. Sira tuan ne’e mak bele lori, bele responde tok baliza ida be maritima nian ne, iha Indonesia ho Australia. Ida foun ne’e bele hotu laos labele, tan Timor oan hanoin mos luan liu tan karik atu ba rezolve. Mais ne’e ema neba konhese ga la konhese karik, ida ne’e mak ami nia hanoin to iha neba.”

Alsanto hatutan katak nia la prekupa buat ida tamba katuas ona. Nia prekupa liu tenke hare mos buat nebe iha Timor. Uluk moris iha terus atu lori sae ba kontenti. ohin loron sei terus nafatin. Timor ne’e tenke lao hakmatek, ne’e mak ita hotu nia hakarak.

Membru komunidade feto ida ho naran Fransisca Brites Soares (68), hato’o ninia esperansa katak, “partidu hotu hotu hau fiar, kona ba boot nebe mak lori hau prontu deit, tamba ami povo kik ami nia kultura ke rai nian kintal fera rai. Ami tuir no prontu ho ida ne’e, estadu mak boot estadu mak ukun. Hau nia perkupasaun mak kultura deit, tuir ami ferik ona terus nain buat ida konaba problema ami hasoru hotu, nebe tauk ami la iha. Partidu hotu hamutuk, laos ida mesak labele labele ukun povo.

Membru seguransa PNTL, Mario dos Santos (47), hatete katak to’o agora situasaun lao normal. Mario halo tiha ona seguransa hahu kedas iha 21 de julhu 2017, no horseik ami akompanna husi munisipiu to horkalan ami jaga hela ne’e to fali ohin dader. To’o agora dadaun ne situasaun lao normal la iha buat ida. Ne’e tamba pupulasaun sira iha ne mesak komprende hotu,iha bairu seluk hau la hatene. Maibe iha ne’e hau fiar katak lokraik to hotu, to sura hotu buat hotu sei lao ho diak.* [Virginha Pereira | Kontributor TAFARA.TL | 22.07.2017].

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.