Saturday , April 20 2019
Home / Eleisaun Parlamentar / Partidu Fretilin ho PD Asina ona Akordu Koligasaun, KHUNTO La Marka Prezensa
Sekretariu Jeral Fretilin, Dr.Mari Alkatiri ho Prezidente Partidu Demokratiku, Mariano Asanami Sabino, asina akordu koligasaun hodi forma governu, iha sede Fretilin, 13 September 2017.[Foto: Zevonia Viera | TAFARA.TL | 13.09.2017].

Partidu Fretilin ho PD Asina ona Akordu Koligasaun, KHUNTO La Marka Prezensa

Partidu mais votadus, partidu Fretilin asina akordu de koligasaun ho Partidu Demokratiku iha sede CFF, iha loron 13/09, sem reprezentasaun hosi partidu KHUNTO.

Sekretariu Jeral Fretilin, Dr.Mari Alkatiri ba partisipatantes no jornalista sira tmak antes asina akordu hateten katak ohin loron partidu Fretilin no PD prontu atu asina akordu hamutuk, atu servisu hamutuk ba VII governu.

“Ohin ita asina dokumentu ida, para atu kumpri dever de sidadania atu forma governu. Iha fulan ida resin nia laran, halo maratona da tenta para atu buka solusaun, para atu halibur hamutuk partidu rua ka tolu maibe halo mos inkluzaun no insidensia parlamentar ho partidu sira seluk. Ida ne’e mak politika, dalaruma partidu ho sira nia deferensia rasik no ida ne’e tene resolve uluk”, esplika Dr.Mari Alkatiri.

Dr.Mari Alkatiri reforsa tan katak, Partidu Demokratiku uniku hahu hosi halo konversasoens sempre prontu para atu lao hamutuk no la muda to ohin loron hodi asina akordu hamutuk. Partidu KHUNTO la marka prezensa iha ne’e, tanba sira sei resolve problema internal, maibe depois de asina akordu ida ne’e , ba oin Dr.Mari Alaktiri sei halo negosiasaun neneik ho KHUNTO atu bele servisu hamutuk.

“Khunto nian problema sedauk resolve, ami labele hein, entaun ami desidi Fretilin ho PD la ba oin tanba tempu to ona”, esplika Dr.Mari Alkatiri.

Iha tempu hanesan Prezidente Partidu Demokratiku, Mariano Asanami Sabino mos deklara katak, ohin loron PD prontu asina akordu hamutuk ho partidu Fretilin hodi forma governu hamutuk.

“Hanesna prinsipiu PD nian katak Ba o Timor, Ami Maubere oan prontu atu serbi. Ho konsensiensia hosi PD to ohin loron lao hamutuk, to ona tempu atu asina akordu ne’ebe mak iha, hodi dezenvolve rai ne’e ba oin ho diak liu no labele halo diskriminasaun ba povu”, hateten Asanami.

Sai hanesan testamonna ba asina akordu entre PD no Fretilin, Dr. Abilio Araujo, hato’o nia hanoin katak prontu fo apoiu ba VII governu.

“Hau mai fo hau nia testamonna ba forma governasaun, prontu apoiu. Ita presija governu ida nebe estavel, no prepara jerasaun ne’ebe hahu ona hosi 1974. Dr.Mari Alkatiri no Fretilin rasik halo esforsu ona hodi forma governu foun. Entaun hau mai iha ne’e, hodi enkoraja, liu-liu ba partidu PD nuar partidu jerasaun foun, hodi servisu hamutuk ho Fretilin lori governasaun ne’ebe diak liutan ba oin”, tenik Dr.Abilio Araujo.

Dr.Abilio Araujo fo parabens ba Dr.Mari Alaktiri tanba assume ona kargu nudar Premeiru Ministru, hodi kontinua serbi ba rai ida ne’e.

Dr.Jose Ramos Horta mos marka prezensa nudar testamonna no hanesan jerasaun hosi 1974 hamutuk ho Dr.Abilio Araujo, hato’o nia espektativa katak prontu atu fo apoiu total, hodi garante estabildiade no paz iha rai Timor, ba povu nia interese no estadu.

Jerasaun tuan 1974-1975 partidu Fretilin, Rogerio Lobato ne’ebe marka prezensa mos iha loron asina akordu ba koligasaun, ba partisipante tomak Rogerio hateten katak, apoiu total ba Sekretariu Jeral fretilin, ne’ebe liu hosi tempu defisil halao negosiasaun ho partidu sira hodi bele servisu hamutuk, halibur partidu sira oinsa bele servi povu.

“Hau hahi ba Partidu PD tomak tanba iha konsensia hakarak serbi povu hamutuk ho partidu Fretilin”, hateten Rogerio Lobato.* [Zevonia Vieira | TAFARA.TL | 13.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *