Thursday , May 23 2019
Home / Eleisaun Parlamentar / Partidu Republikanu Hahu Kampanna Ho Lansa Kreditu Republikanu
Prezidente Partidu Republikanu entrega simbolikamente kreditu ba reprezentante juventude. [Foto: Virginia Pereira | 10.04.2018]

Partidu Republikanu Hahu Kampanna Ho Lansa Kreditu Republikanu

“Iha ne’e mak ita lansa mos ita nia programa ida, ita halo buat ne’ebe real, ami hakarak ita muda kampanna ne’e laos mibiliza massa mak importante, hatudu saida no halo real ne’e mak saida”. Joao Saldanha

Kampanna abertura ba eleisaun antesipada ne’ebe hahu ofisial iha loron 10/04, partidu politika no koligasaun sira komesa tun ba hasoru eleitor sira hodi faan sira nia program aba povu, hodi nune’e bele determina sira nia votu.

Partidu Republikanu [PR] iha sira nia abertura halo lansamentu programa kreditu. Prezidente Partidu Republikanu, Dr. Joao Maria Saldanha hatoo deskursu iha sede Vilaverde katak, PR hahu kampanna simpilis la mobilza massa, la mobiliza ema iha fatin-fatin, maibe hatete deit ba juventude sira atu mai partisipa iha lansamentu programa kreditu hosi Partidu Republikanu nian.

“Iha ne’e mak ita lansa mos ita nia programa ida, ita halo buat ne’ebe real, ami hakarak ita muda kampanna ne’e laos mibiliza massa mak importante, hatudu saida no halo real ne’e mak saida”, hateten Joao Saldanha.

Iha abertura kampanna PR nian, Joao Saladanha mos esplika katak PR hamrik mesak hanesan partidu kiik, maibe hakarak fo kontribuisaun real, atu resolve problema balun iha nasaun nia laran, hatudu ho buat ne’ebe mak Partidu ne’e iha kbiit ho rekursu no osan rasik, atu hateten ba povu katak seu uza osan estadu nian mak halo, ema hotu bele, “uza rekursu ita nia para atu resolve ita nia problema real iha populasaun nian leet. Tanba ne’e mak PR hakarak hola dalan dahuluk ho programa ida ne’e. Iha tinan 2017, ami lansa uluk ho uma moris diak, ami hatudu kata kami kiik oan maibe ami halo buat ida uluk, ami kiik oan sedauk tama iha Parlamentu maibe ami halo buat ida real ba populasaun, agora dadauj ita hahu ne’e ho kreditu Republikanu”.

Partidu Republikanu mos hakarak prepara joven kiik oan sira liu hosi universidade ida, eskola internasional ne’ebe sei loke iha Becora, laos politiza maibe hatudu kedas. Programa ba joven sira, laos atu servisu hanesan buru kasar, prepara joven sira sai manajer, koalia English ho diak, halo bisnis ho diak, buat hirak ne’e hahu hosi nivel edukasaun nian.

Iha tempu hanesan Manajer Kreditu PR, Deolindo Ximenes hateten, vontade da luta, votande atu buka vitoria iha eleisaun antesipada. Liu hosi eleisaun antesipada ida ne’e fanun ita, hodi bele hamosu tan programa balun iha PR nia laran, mak programa kreditu Republikanu

“Kreditu atu halo moris ba ema, fo moris ba ema, tamba ne’e Partidu Republikanu hari kreditu ida fo ba nia militantes sira, ho ema sira ne’ebe iha, halo aktividade iha bisnis, hakarak selu nia oan ba eskola, hadia uma, halo uma, ida ne’e PR mak vizita fo kreditu ba sira, atu hetan kreditu ida neíe. Karik PR hetan fiar husi povu, sei implementa duni, hodi osan estadu, oras ne’e PR seidauk kaer ukun tamba ne’e, sei halo deit tuir nian kapasidade”, hateten Deolindo

Iha kampanna abertura hosi PR ne’ebe halao iha sede iha Vilaverde, partisipa hosi ekipa Comisaun Nasional Eleisaun, STAE, PDHJ, observador sira no Media. * [ Virginia Pereira | Editor: Zevonia Vieira | TAFARA.TL | 10.04.2018 ]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *