Friday , September 21 2018
Home / Sosial & Politika / Partisipasaun Feto Ho Difisiensia Iha Politika Sei Minumu, Antonia: Governu Asina Kovensaun Direitu Ema Ho Difisiensia
Direitro RHTO, Antonia D.C Soares koalia iha dialogu loron mundial feto iha Fundasaun Alola. [Foto: Virginia Pereira | 08.03.2018]

Partisipasaun Feto Ho Difisiensia Iha Politika Sei Minumu, Antonia: Governu Asina Kovensaun Direitu Ema Ho Difisiensia

“Partisipasaun feto ho difisiensia iha nivel alto sei minimu tebes, tanba hare iha nivel edukasaun ne’ebe mak feto ho difisiensia sira hasoru, familia labele suporta hodi bele hetan edukasaun ne’ebe masimu”. Antonia Soares

Loron Mundial Feto ne’ebe monu iha loron 8 Marsu, organizasaun feto sira mundu selebra no koalia sai problema ne’ebe to agora feto maluk sira sei hasoru, feto sei sai vitima no hetan diskriminasaun entre feto no mane.

Ba loron refere, Fundasaun Alola ho Alfela realiza dialogu, hodi tema “Ami Feto Ami Prontu, Hodi Tane As Liman Badaen Feto Timor-Leste. Direitro RHTO, Antonia D.C Soares, ba jornalista sira hatoo sentimentu kontente no orgullu tanba governu Timor-Leste sei rekonnese maluk ho difisiensia sira.

“Hau nia kontribuisaun nudar feto, hau sei ajuda no sai ponte ida ba hau nia maluk ne’ebe ho difisiensia, atu partisipa sai nudar feto potensial lideransa, sai nudar lideransa ida iha organizasaun. Buat neíebe todan tebes, ita hare iha parte balu wainhira ita sai lideransa, ita hare iha kondisaun, tamba dala barak ema hare feto ne’ebe la ho difisiensia deit mos sira senti katak todan tebes ba sira, bainhira atu sai lideransa ne’ebe diak, oinsa ho feto ne’ebe difisiensia dala barak ita bele dehan katak iha komunidade iha familia barak ne’ebe la supurta feto sira ne’ebe mak ho difisiensia, atu sai liderensa ne’ebe mak diak, entaun ida ne’e sai barera boot iha feto ho difisiensia, atu sai vida ne’ebe mak diak iha nasaun ou bele dezenvolve iha komunidade no nivel alto ne’ebe iha”, hateten Antonia

Antonia realsa katak partisipasaun feto ho difisiensia iha nivel alto sei minimu tbes, tanba hare iha nivel edukasaun ne’ebe mak feto ho difisiensia sira hasoru, familai labele suporta hodi bele hetan edukasuan ne’ebe masimu. Hosi kauza ida ne’e feto ho difiensia la tur iha parlamentu.

Ativista ba luta feto ho difisiensia ne’e mos hateten katak dala barak koalia konaba inklusivu katak ema hotu iha oin, maibe ida ne’e sedauk masimu tanba feto barak sei iha hela kotu, liu-liu feto ho difisiensia sira.

“Ita bele muda liu husi advokasia, hatudu ba iha ita nia komunidade sira feto ho difisiensia sira mos bele partisipa iha aktividades dezenvolvimentu governu nian organizasaun ne’ebe ejisti iha Timor”, esplika Antonia

Liu hosi selebrasaun loron mundial feto, feto ho difisiensia sira mos husu ba governu atu bele asina konvensaun direitu ho ema difiensia, atu nune’e ema hotu ho lia fuan ida no laiha ema iha kotuk, ema hotu bele iha oin. Bainhira asina ona konvesaun refere, bele dehan ema hotu nia direitu sei hanesan.

Liu hosi dialogu ne’ebe realiza iha aula Fundasaun Aulola, 8/03 hetan partisipasaun masimu hosi organizasaun feto hanesan Fundasaun Alola, Alfela, membru parlamentu, Rede Feto, RHTO, PNTL no estudante feto no mane sira. * [ Virginia Pereira | Editor: Zevonia Vieira | TAFARA.TL | 10.03.2018 ]

About Virginia Pereira

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *