Friday , September 21 2018
Home / Sosial & Politika / Partisipasaun Joven iha Vida Sivika Numeru Sae iha tinan 2017
Juventude sira husi suku Bebonuk tuir hela formsaun konaba LSBD nebe oferese husi APFTL.[Foto: Media APFTL].

Partisipasaun Joven iha Vida Sivika Numeru Sae iha tinan 2017

Partisipasaun Joven nian ne’ebe mak menus ba iha dezenvolvimentu hahu mudansa tuir dadus ne’ebe fo sai husi Diresaun Nasional Juventude SEJT.

Iha Politika Nasional Juventude mensiona papel governu nian oinsa atu hasae partisipasaun juventude liu husi tematiku “Partisipasaun Sivika” hodi bele muda joven sira iha qualquer maneira atu nune’e bele partisipa ativu iha dezenvolvimentu nasaun.

Liu husi palestra ba Parlamentu Foinsa’e Nian (PFN) Diretor Nasional Juventude SEJT, David Tomas de Deus hateten partisipasaun hahu sae tuir indikador ne’ebe iha.

“liu husi indikador ne’ebe Diresaun Nasional Juventude hetan iha tinan ida ne’e sae tamba hare’e ba  iha indikador ne’ebe ami iha joven sira nia partisipasaun iha programa ne’ebe ami tau iha 2017 hahu sae tamba programa sira ne’ebe realiza joven sira partisipa liu tia numera ne’ebe ami mensiona iha Indikador ne’ebe iha,” hateten David.

Iha sesaun husu no hatan Menbru PFN husi Munisipiu Bobonaru lamenta tebes ho hahalok Joven sira nian ne’ebe mak atu tuir programa ruma hare liu ba osan.

“Bainhira ONG ka Instituisaun Governu ruma halao nia programa tuir ami nia dadus ne’ebe ami identifika ami nia maluk joven sira atu ba tuir programa sira husu uluk osan,” perguntas ba Diretor Nasional Juventude SEJT.

DNJ SEJT responde katak problema ida ne’e problema ema nia hanoin deit, maibe tuir nia hare’e katak liga ba progama ne’ebe mak diresaun ida ne’e hetan partisipasaun ida ne’ebe sae.* [Jesuino Marcal de Jesus |Editor: Zevonia Vieira | TAFARA.TL | 13.12.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *