Monday , June 17 2019
Home / Opini / Patriotismo constitucional atu hari’i “cultura democrática”: Tetu no sukat “veto e promulga”
Pe.Martinho G. da Silva Gusmão Docente Filosofia Politica [Foto: Documentu Pe.Martinho G. da Silva]

Patriotismo constitucional atu hari’i “cultura democrática”: Tetu no sukat “veto e promulga”

Loron hirak ne’e ema barak mak sukit lei, tetak constituição no hari’i ninia argumento rasik konaba OGE2019. Sira nebe hare husi oposição fo parabéns ba PR. Sira nebe hakneak iha Governo nia oin hotar mate PR. Ikus mai, ita hein.

Ita hotu haksesuk malu konaba liafuan “maioria absoluta” no “dois terços” ne’e sura oinsa no halo saida! Jurista sira ka constitucionalista sira raut malu ho conceito sira ne’e. Hau hakarak hahu ho “fakta hukum” katak, iha 25 de Janeiro de 2019, Deputado 65 mak marca presença iha Plenária Parlamento Nacional atu hakruk ba “efectividade de funções”. Nune’e, wainhira “exigida a maioria de dois terços dos Deputados presentes” – katak tenki hetan 43. Atu halo “confirmação” ba OGE2019 mak mosu liafuan sira “superior à maioria absoluta”, ne’e katak aas liu 43. Maibe, resultado final, 40 “confirma” no 25 “contra”. Ne’e la’os ona legal theory opinion, maibe real political decision-making.

Lori conceito “patriotismo constitucional” (Verfassungspatriotismus), hau hakarak hatudu katak maski ita halo sala ona, maibe ita bele hadi’ak. Liu-liu ba tempo nebe sei mai. Hau hahu hodi halo leitura oituan konaba tese Professor Pedro Bacelar de Vasconcelos (1); tuir mai (2) hau sei koko halo legal hermeneutic oan ida hanesan exercício académico; no ikus liu (3) hau fo took opinião konaba solução iha futuro – COMPROMISSO politico atu hetan CONSENSO NACIONAL.

Tese: Professor Pedro Bacelar de Vasconcelos

Professor Pedro Bacelar de Vasconcelos halo ninia tese dehan katak ba OGE 2019, ita nia Estado hamutuk atu hare lisuk natureza “orçamento” no “politica fiscal”. Wainhira PR veta ho “fundamentada”, OGE fila mai PN. Sira halo reapreciação. Resultado iha votação final (24 de Janeiro de 2019) mak passa ho 40 votos a favor no 25 contra.

Molok atu loke reapreciação, Prof. Pedro Bacelar koko atu halo “subtilitas explicandi” ba questão “veto e promulgação” (artigo 88º) hodi hakait ba artigo 95º no 145º. Tuir artigo 88º no. 2 ninia requisito “o voto maioria absoluta por MAIORIA ABSOLUTA dos Deputados em efectividade de funções” (tradução oficial – “konfirma nia votu ho Deputadu sira-ne’ebé kaer dadaun funsaun nia MAIORIA ABSOLUTA); iha no. 3 dehan “Será, porém, exigida a maioria de dois terços dos Deputados presentes, desde que SUPERIOR à MAIORIA ABSOLUTA dos Deputados em efectividade de funções” (tradução oficial – MAIBE TENKE iha Deputadu prezente sira-nia MAIORIA datoluk rua, naran katak BARAK LIU Deputadu sira-ne’ebé kaer dadaun funsaun ne’e nia MAIORIA ABSOLUTA). Texto mos teb-tebes. Loke matan de’it hare kedas.

CRDL mos dehan iha artigo 88º no. 3 atu halo “confirmação” ba matéria sira nebe iha artigo 95º konaba COMPETENCIA PARLAMENTO NACIONAL. Iha neba hatur momos iha no. 2 “Compete EXCLUSIVAMENTE ao Parlamento Nacional legislar sobre: …” p) A politica fiscal; q) Regime orçamental. Ne’e katak atu halo lei konaba OGE ne’e “milik eksklusif” PN.

Artigo ida ne’e dada hikas ba artigo 145º nebe koalia konaba ORÇAMENTO GERAL DO ESTADO, hodi dehan “O Orçamento Geral do Estado é ELABORADO pelo Governo e APROVADO pelo Parlamento Nacional” (tradução oficial – Governu mak ELABORA no Parlamentu Nasional mak aprova Estadu nia Orsamentu Geral). Constituição mos hatur katak OGE ne’e iha ninia “eficácia” no “eficiência”, hatudu lolos ninia “receitas” (osan tama) no “despesas” (osan sai), no labele hamosu “fundos secretos” (osan mate-klamar nian). Artigo 145º koalia ikus liu mak konaba OGE ninia “execução” ne’e atu los ka la los sei hakotu husi TRIBUNAL SUPERIOR ADMINISTRATIVO, FISCAL E DE CONTAS no husi Parlamento Nacional.

Tan sa mak “VETO” husi PR nian lalika husu tan MAIORIA ABSOLUTA maibe Prof. Vasconcelos dehan de’it MAIORIA SIMPLES? Nia na’in rasik hatan:

  • Tuir regra DEMOCRACIAS CONSTITUCIONAIS nian katak ita laos atu kaer ukun ho UNANIMIDADE (fiar ida de’it néon ida de’it lian ida de’it) maibe tuir sasukat atu RONA povo nia VONTADE nebe hatudu iha ELEIÇÃO”. Nune’e, povo MAIORIA hili ona partido sira nebe harii AMP (Aliança Maioria ba Progresso). Sira forma ona Governo VIII nebe hatoo ona PROGRAMA ba Parlamento Nacional no hetan ona aprovação ho MAIORIA SIMPLES.
  • Professor Vasconcelos kaer metin mak ninia hanoin ida ne’e hodi hakat ba OGE. Tuir nia hanoin, OGE laos LEI baibain hanesan sira seluk (“universal e abstrata”). OGE ne’e hanesan atu HUSU DE’IT autorização atu governo bele HETAN DALAN hodi halao knar atu kaer ukun. Nune’e, Pedro Bacelar dehan “não faria sentido” (tidak ada artinya; tidak ada gunanya) liu husi VETO nebe husu de’it MAIORIA QUALIFICADA atu PR hetan VOTO DE QUALIDADE hodi halo OGE ne’e bele liu! Ho liafuan seluk, nia atu dehan lalika usa “maioria absoluta” maibe “maioria simples” de’it.
  • Professor Vasconcelos ninia filosofia iha fundo mak “O PR de Timor-Leste não governa nem tem competência para governar. A aprovação do OGE é uma autorização do parlamento ao Governo para governar”.

Antítese: Descontinuidade hermenêutica legal

Wainhira temi hermenêutica legal, matenek na’in sira ko’alia konaba interpretação ba lei. Konaba hermenêutica, hau hakerek livro “Hans-Georg Gadamer: Penggagas Hermeneutik Modern yang Mengagungkan Tradisi” (Yogyakarta, 2013). Livro ida ne’e mai husi hau nia tese mestrado iha Roma. Iha neba hau hakerek katak, atu bele interpreta didiak, ita liu husi dalan pretexto, texto no contexto.

  • Pre-texto mak Professor Vasconcelos rasik. Nia mak redator constituição RDTL nian. Nudar constitucionalista, ninia comentário no interpretação hanaran “ex auctoritatis”, katak saida mak nia dehan ka halo comentário mai husi ninia autoria nudar hakerek na’in no professor. Nune’e, wainhira ninia subtilitas explicandi (oinsa mak nia explica ho clareza, too pormenor) mak sura.

 Timor-oan sira nebe tur iha Assembleia Constituinte 2002 hanesan Dr. Manuel Tilman dehan katak espirito CRDTL nian ne’e atu hatur cultura democrática, oinsa mak Timor-Leste ne’e ukun rasik-an ho ninia lisan no tradição mos. Ida ne’e hanaran “auctoris mentis” – katak, saida mak Timor-oan sira hanoin konaba Timor-Leste. Nicolau Lobato dehan, “Não ha como realmente, de facto, Timor-Leste é dos timores”.

Maibe, iha pre-texto ida nebe hare husi “depth hermeneutic” (hermenêutica do fundo) hatudu ba “alam-bawah-sadar” (inconsciente), katak, ita sira be discute malu ne’e fiar ba Prof. Bacelar la’os tan nia “constitucionalista” maibe tan nia “malae”. Teoria “alam bawah sadar”, hanesan hau nia dosen ida iha Gregoriana Prof. DR. João J. Vila-Chã SJ (diretor mos ba Revista Portuguesa da Filosofia) dehan katak “noção de inconsciente” husi Sigmund Freud ne’e “noção esta que permite definir a psique nas suas relações mais obscuras com o instinto”; ho bahasa Indonesia dehan “gagasan tentang alam-bawah-sadar … gagasan yang memungkinkan untuk menegaskan jiwa dalam hubungannya yang paling gelap dengan naluri.

Atu ko’alia lolos karik, ema sira be iha media facebook halo comentário ne’e barak liu mak fiar Prof. Bacelar la’os tan nia constitucionalista, maibe tan nia “malae”. Nune’e, ita nia Timor-oan sira mak ko’alia mak politico sira la fiar. Too hanesan Presidente da Republica mos hetan insulto. Tan sa mak insulta PR? Lori psicoanlista Freud nia liafuan karik, tan “naluri alam bawah sadar” – ita sei colonizado. Alias, ita moris iha “colonizing knowledge” (Linda Tuhiway Smith) ka “colonization of mind” (Franz Fanon) nebe dala barak hau dehan “malae-minded”. Ita sira ne’e mak haksesuk malu karik, belun “sumbu pendek” sira dehan – “Prof. Bacelar mak dehan, imi nian saida tan??”

  • Texto mak Constituição rasik. Artigo hotu nebe Prof. Bacelar menciona iha ninia argumento ba artigo 88º, 95º & 145º bele hakait malu. Wainhira art. 88º, hatudu ba “veto” ka “promulgação”, mosu de’it mak liafuan “MAIORIA ABSOLUTA” hamutuk ho liafuan “exigida a MAIORIA … SUPERIOR À MAIORIA ABSOLUTA”. Dala ida tan, ida ne’e “texto” rasik. Artigo sira seluk atu sustenta Prof. Bacelar ninia argumento mak 95º & 145º … ko’alia fali ba Parlamento Nacional no Governo. Texto la dehan buat ida konaba “veto”, “promulgação”, “maioria absoluta”, “superior à maioria absoluta”.

Buat foun nebe Prof. Bacelar ko’alia mak “MAIORIA SIMPLES” no “MAIORIA QUALIFICADA”. Nudar jurista no constitucionalista, Prof. Bacelar hatene momos kedas principio “nulla poena sine lege” – labele kedas fo sanção wainhira la iha lei. Ne’e duni, wainhira constituição la ko’alia konaba ba “maioria simples” ka “maioria qualificada”, Presidente da Republica labele foti decisão tuir ninia hakarak. Hau sugere ba Prof. Bacelar atu hare took saida mak Ludwig Wittgenstei dehan “Wovon man nicht sprechen kann, darüber muss man schweigen” – katak, wainhira ema la iha buat ida atu ko’alia, konaba buat ne’e ninia nonok (Cf., Tractus Logico-Philosophicus: 6.54, 7). Ho liafuan seluk, wainhira Prof. Bacelar la hakerek iha CRDTL konaba “maioria simples” ka “maioria qualificada”, di’ak liu nonok. Ou, se bele halo tiha revisão ba CRDTL hatama liafuan rua ne’e, ita bele discute ona.

Los duni, OGE ne’e Governo mak “elabora” no PN mak “aprova” (hare mos artigo 115º n. 1, d). Oinsa Prof. Bacelar ninia hanoin konaba definição clássica, katak LEI ne’e “… quaedam rationis ordinatio ad bonum commune, ab eo qui curam communitatis habet, promulgata” [STh., I-II, 90, 4] – ordem husi razão nebe hatur lolos ba ema hotu nia di’ak, PROMULGA atu ema nebe kaer knar tau matan ba comunidade. São Tomas de Aquino, sustenta katak tuir natureza, LEI hotu-hotu tenki iha ninia “immutabilidade” (la muda tun sae tuir hakarak) no “universalidade” (iha fatin hotu-hotu lei hanesan ba ema hotu-hotu). Hau sente estranho wainhira Prof. Bacelar dehan OGE ne’e iha ninia caracter ketak, tan tinan-tinan halo no aprova hamutuk ho programa governo. Nune’e laos lei nebe “abstrato” no “universal”. Como é possível?

  • Contexto mak wainhira Prof. Bacelar koalia konaba “poderes de controlo da ação legislativa dos demais órgãos de soberania”. Veto nebe PR halo ba OGE atu “controla”, liu-liu iha caso 2019 ne’e konaba “fundos segredos” (artigo 145º no. 2) – atu sosa ação Conoco Philips no Shell. Too iha ne’e, PN no Governo concorda katak PR halo duni ninia knar “controlo” atu hasai tiha “fundos segredos” ne’e!

 Maibe, contexto ida ne’e la cancela ka halakon texto konaba “maioria absoluta”. Hau intende katak “superior à maioria absoluta” mak 43 votos a favor. Kuran husi ne’e, dalan taka ona. Hau lakohi dehan! Tan la tama iha categoria analisa.

CRDTL mos ko’alia katak iha loron walu (8 dias) nia laran, PR “DEVERÁ PROMULGAR” – katak, hakarak ka lakohi PR tenki promulga. PR la iha ona ponto ka virgula oan ruma atu “veta”. La iha!!! Liu ida ne’e, lia oinseluk ona! La iha “30 dias” – ka, loron tolu nulu. Nee cantigas Presidente PN Na’i Arão Noé nian. Kala “malae” ruma mak dehan tan ba PPN, nune’e naklosu mai ho 30 dias. CRDTL la dehan buat ida, biar “malae” mak mai mos, dehan LAE!

Tan ne’e, molok atu ba “reapreciação” hau ko’alia bebeik CONSENSO, CONSENSO no CONSENSO. Maibe, tan hau la’os jurista … liu-liu hau ne’e “timor oan de’it”, laos “malae”, nune’e ukun nain sira la fiar. Agora ninia resultado mak ne’e … Uluk kedas, resultado eleição antecipada (EA) hau dehan ona “CONSENSO NACIONAL”. Maibe, la iha ida mak fiar. Agora, OGE2019 nakonu ona ho masin kaut mak hakfodak. Historia sei hateten katak saida mak hau ko’alia iha 2017 katak hau decisao EA2018 ne’e sala. Hau mos dehan ba Bispo sira katak EA ne’e sala, juridicamente no politicamente “inaceitável”. Hau nia sala mak hau moris iha Baucau, Timor no escola too “sarjana supermi” de’it. Se hau mak moris iha Lisboa, Portugal karik hau los. Maibe, wainhira resultado EA mosu mai hau dehan ona “consenso”, maibe tan hau ema Timor nune’e hau nia “Maun Boot” sira la fiar.

Síntese: Patriotismo Constitucional

Hare tiha processo OGE2019 no processo sosa saham mina-rai … hau sugere ba PR atu halo dialogo. La’os tan hau mak dehan, maibe PR mos hanoin duni katak “dialogo” nu’udar dalan oportuno … dalan único. Hau fo hanoin ba PR konaba “Forum Maubisse” (2010), hanesan uluk hau fo hanoin ba PR Taur Matan Ruak.

Furak liu karik, wainhira CRDTL dehan “… no prazo de noventa dias …” (iha loron 90 nia laran) ne’e, Partido Politico sira iha PN tur hamutuk koalia ba malu. Liafuan DIA+LOGOS (mai husi Grego, ka Yunani) dehan katak “liu husi dalan” (dia), ita hotu ko’alia ba malu atu hetan “lia los” (logos). Lalika loron 90 kedas. Semana ida mos bele atu salva Nação no Povo. Maibe, AMP nakdedar halo lalais nune’e ninia resultado mak 40 versus 25. Ba hau, PR “deverá promulgar”. Ne’e los ona. Maibe, la taka dalan atu PR mos husu “fiscalização preventiva da constitucionalidade” (artigo 149º). PR iha loron 20 atu husu ba Tribunal de Recurso (tuir lolos husu ba Supremo Tribunal de Justiça, maibe ita seidauk iha). TR hetan loron 25, maibe bele kuran tan wainhira PR husu lalais. Maibe, loron 8 labele ona.

Agora iha loron 45 nia laran (20+24), PR no PN ho Governo bele halo DIALOGO atu hetan CONSENSO. Ida ne’e mak hanaran CULTURA DEMOCRÁTICA nebe fo dalan atu ita tau sasukat be hanaran “patriotismo constitucional”.

Hanesan Jürgen Habermas nia proposta konaba VERFASSUNGSPATRIOTISMUSpatriotismo constitucional dehan, “… in Third World … constitutional patriotism acquires new significance in the course of an identity transformation” – iha Terceiro Mundo … patriotismo constitucional hetan magarti foun tuir dalan ba transformação identidade nian (J. Habermas, Between Facts and Norms [1998]: 465). Hanesan parte ida husi Terceiro Mundo, ohin loron mosu fali liafuan FRAGILE STATE. Timor-Leste mak sai fundador no doador. Iha Estado frágil sira, Lei-Inan laos ona dalan ba “solução” maibe fatin ba “confusão”.

Nicolau Lobato halo Manifesto FRETILIN 20-07-1974 defini katak patriotismo hatudu ba luta atu “defendemos a nossa Independência da nossa terra a todo o transe” (tane metin ita nia ukun-an ba ita rai ho dalan hotu-hotu). Los duni, nia dehan, ita nia historia tinan 500 nia laran ne’e nakonu ho “sofrimento” too “humilhações” (penghinaan). Maibe, hatudu mos “coragem, abnegação e orgulho” – aten brani no hiit hirus matan mak lao. Habermas ko’alia konaba liberdade no libertação “settled in the ‘WE’ perspective of active self-determination” (p. 499) – katak, hatur iha sikun ITA ba ukun rasik-an! Hau haksolok tebes, tan Nicolau Lobato mos dehan ona “NÓS SOMOS os únicos e legítimo depositário do legado dos nossos antepassado”, hodi luta ba ukun rasik an. Independencia la depende ba ema ida ka rua nebe naklosu sai mai dehan “Hau mak …” luta ka aswain mesak. Lae! Nicolau Lobato dehan, “sabeMOS, podeMOS e deveMOS vencer” – katak, ITA MAK hatene, ITA MAK bele, ITA MAK haka’as-an atu manan! Ida ne’e mak Habermas dehan “WE perspective”.

Hau surpresa ho Nicolau Lobato ninia liafuan wainhira ko’alia konaba “consciência revolucionária” no “vigilância revolucionária” hodi halo “salto qualitativo” ida. Habermas mos ko’alia konaba “revolutionary consciousness” nebe hamoris mentalidade foun nebe qualidade consciência ida, conceito politico pratico foun, hodi hetan legitimidade foun (p. 467-470).

Habermas tau pergunta ida “… can our PATRIOTISM survive the marginalization of participatory self-rule” (p. 499)? Bele ka ita nia patriotismo bele moris nafatin iha marginalização ba participação iha ukun-an ne’e nia laran?

Resposta 1 – Habermas koko atu tau sasukat nebe nia dehan “… links civil rights and participation with FRATERNITY and SOLIDARITY” (p. 466). Ida ne’e hanesan los kedas saida mak Preambulo (Lian Makloken) CRDTL nia redação – “… tendo em vista a construção de um país justo e próspero e o desenvolvimento de uma sociedade SOLIDÁRIA e FRATERNA”. Ita nia lisan ka tradição ba “fraternidade” no “solidariedade” ne’e mosu maka’as liu wainhira ita hasoru lia-mate lia-moris. Susar kona uma ida, knua tomak lori hulan lisuk nia todan; ksolok ida iha knua nia laran uma kain ida-idak lori nia liman-etun.

Hau sugere atu PR Lu-Olo hahu husi ne’e mak ba oin. Atu bele foti solução ida ne’e PR hatudu ona liafuan chave – DIALOGO. Los duni Deputado ida la concorda. Maibe, PM TMR dehan “koalia hanesan labarik”, la hatene saida mak DIALOGO ka saida mak “KOALIA BA MALU” atu forma “We perspective” ka sasukat “ITA nian” – “Nós somos” hanesan individualismo foun ida.

Ba hau, Professor Vasconcelos bele kedok tun kedok sae TEXTO constituição nian. Maibe, se ita académico murni no critico, ita tenki aceita katak resultado votação iha Parlamento Nacional TAKA DALAN ona. Ba hau, reapreciação PN nian “gagal total” atu bele hetan “MAIORIA ABSOLUTA”, ka “SUPERIOR à maioria absoluta”. Keta haluha, 2/3 ba Deputado sira nebe halao knar iha PN mak 65 – katak, mai tomak! Nune’e, se hau nia matemática mak los, hau sura ba sura mai ninia 2/3 = 43. Wainhira dehan “superior à maioria absoluta”, katak liu voto 43!!! Se regra ida ne’e mak ita aplica, AMP nia dalan kotu ona – “inan aman mota sorin, oan mota sorin lolo liman la too mata-wen suli”. Hau la hatene saida mak Prof. Bacelar bele ajuda atu loke dalan foun. Maibe, usa conceito “maioria simples” ka “maioria qualificada” ne’e la eloquente – ou, “colonization of mind” (Franz Fanon) ka “colonizing knowledge” (Linda Tuhiway Smith).

Hau hanoin, Habermas nia proposta konaba “FRATERNITY and SOLIDARITY”, ka, ka CRDTL nia liafuan konaba “…o desenvolvimento de uma sociedade SOLIDÁRIA e FRATERNA” mak bele loke fali dalan foun. Ida ne’e iha hermenêutica hanaran CONTEXTUAL.

Resposta 2 – iha debate Dialectic of Secularization, nebe halao iha Academia Católica de Bavaria (19.01.2004), Habermas ko’alia konaba “ethical traditions of a local nature … and religion” no Ratzinger (Papa Bento XVI) dehan “ethical certainties that had hitherto provided solid foundation”. Matenek boot na’in rua ne’e concorda katak FUNDAMENTO PRE-POLITICO atu bele hari’i Estado ida nebe “forte” mak razão no moral. Wainhira Constituição no Estado la halo alicerço ida nebe metin iha ita nia LISAN no TRADIÇÃO hamutuk ho RELIGIÃO, ita nia politica sei nakdoko.

Ita nia lisan no tradição nebe lor-loron ita ko’alia mak dehan “MAUN BOOT”. Mitologia “maun-boot” ne’e la’os física, maibe liu-liu metafisica; la’os ema ho isin lolon de’it maibe liu-liu ema ho caracter no qualidade moral. Wainhira temi konaba MORAL, la’os katak “maun boot” sira la iha PECADO. Lae! Ita ema hotu mesak pecador. Maibe, labele sai TRAIDOR no CORRUPTOR. Hanesan Papa Francisco dehan “pecador, sim!, corruptor, não!”

Resposta 3 – wainhira Habermas koalia konaba “… the principles of the Constitution will not take root in our soul until reason has assured itself of its orienting, future-directed contents – “… sasukat sira husi Constituição sei la moris iha ita nia klamar too wainhira ita nia néon assegura ninia dalan ba oin, lori ita ba futuro” (cf. Between Facts and Norms: 471). Hau hanoin, liu husi impasse politica nebe dada naruk ona ba besik tinan 2, aban bainrua sei husik hela kanek iha ita nia Estado laran. Dalan diak liu mak dalan DIALOGO ita halo husi fuan laran rasik too ita nia klamar mos moris hotu.

Sala boot wainhira Prof. Bacelar hakarak resolve “impasse politica” liu husi descontinuidade hermenêutica – katak, Constituição la hakerek buat ida konaba “maioria simples” ka “maioria qualificada” maibe professor ne’e haksoit lutu hodi tama ba to’os laran, halo ai-horis sira rahun hotu.

Conclusão – liu husi PATRIOTISMO CONSTITUCIONAL hau hakarak sugere atu Estado no Povo nia “coragem, abnegação e orgulho” ita bele halo CONSENSO atu loke dalan foun ida. Hare ba CRDTL nudar “surat tahan” de’it bele halo bulak ita. Professor Pedro Bacelar de Vasconcelos la fo “solução” ba ita nia “impasse” maibe fo “confusão” ba interpretação da constituição. Nia husik hela kuat naruk ida – descontinuidade hermenêutica.

Hau taka ho liafuan husi São Paulo nian be hakerek nune’e: “É Ele que nos torna aptos para sermos ministros de uma nova aliança, não da letra, mas do Espírito; porque a letra mata, enquanto o Espírito dá a vida” (2Cor 3, 6).

*** [Martinho G. da Silva Gusmão Docente filosofia politica, ISFIT, Dom Jaime Garcia Goulart, Fatumeta, Dili | TAFARA.TL | 06.02.2019]

About Other Source

Check Also

É PRECISO QUE A DEMOCRACIA NÃO VISTA APENAS COMO UMA COMPETIÇÃO MAS HÁ TAMBÉM CONSENSOS

Para iniciar uma análise mais profunda sobre esta questão, vale a pena identificar primeiramente qual …

Leave a Reply

Your email address will not be published. Required fields are marked *