Wednesday , October 24 2018
Home / Eleisaun Parlamentar / PD Hakarak Dezenvolve Edukasaun, Saude, Arte no Ekonomia Ho Dignu
Prezidente PD, Mariano Asanami Sabino iha kampanna politiku. [Foto: copyright Hermes Mossad | 06.02.2018]

PD Hakarak Dezenvolve Edukasaun, Saude, Arte no Ekonomia Ho Dignu

“Ita kaer ukun la`os atu ba tur nonok hodi rona patraun dehan saida ba ha`u, kaer ukun atu hola desizaun ba vida nasaun ne`e nian, iha vida nasaun ne`e nian, ita nia oan sira ninia futuru, sira presiza eskola, sira presiza iha fatin ne`ebe mak dignu, atu sira bele halo sira nia atividade aprende ninian”. Kalohan

Partidu Demokratiku [PD] halao nia kampanna eleitoral ba iha semana haat nia laran, ba militante no simpatizante sira, Prezidente PD Mariano Asanami Sabino hateten katak, PD iha element haat mak hanesan dezenvolvimentu social no kultura ho nia visaun kata dezenvolve dignidade sosiedade tomak para atu dignu hodi kaer metin koezaun social ida ne’ebe bele hametin unidade no estabilidade ho baze hun ida no abut ida, povu ida iha rai Timor.

“Iha dezeznvolvimentu sosial ita hakarak edukasaun ida ne`ebe aselera, ita hakarak saude ida ne`ebe aselera, liuliu dezenvolve mos artista sira, sira ne`ebe kantador, sira ne`ebe pintador, arte marsiais, sira ne`e hotu arte no riku soin nasaun nian”, hatetetn Asanami iha Becora, Kampo Futebool Kulau, 02/05,

Asanami mos akresenta katak iha dezenvolvimentu sosial hakarak dezenvolve saude, edukasaun ho ninia infrastrutura tomak, ita la kohi tan iha professor voluntariu, lakohi tan professor kontratadu, ita hakarak permanente hotu para dignu, no hasa`e hotu sira nia salariu. Iha dezenvolvimentu infrastrutura. Koalia dehan liberta povu husi kiak no mukit, harii uma ba povu, harii sanitasaun iha fatin-fatin, hakarak transporte ne`ebe ho dignu.

Iha fatin hanesan Sekretariu Geral PD, Antonio da Conceicao ‘Kalohan’, hatoo katak presiza estabilidade atu sira moris hakmatek, hodi sira bele halo sira nia moris lor-loron. Partidu Demokratiku defende too ohin loron, kaer metin ukun rasik an harii nasaun husi baze.

“Ita kaer ukun la`os atu ba tur nonok hodi rona patraun dehan saida ba ha`u, kaer ukun atu hola desizaun ba vida nasaun ne`e nian, iha vida nasaun ne`e nian, ita nia oan sira ninia futuru, sira presiza eskola, sira presiza iha fatin ne`ebe mak dignu, atu sira bele halo sira nia atividade aprende ninian”, hateten Kalohan

Kalohan mos liu hosi kampanna esplika ba militante sira katak tenke fo proriodade ekonomia nasaun nian, hodi muda sai ekonomia de merkadu, signifika tenke hahu produs, fo atensaun makaas ba agrikultura, ba florestas, peskas hodi nune sira hotu bele kontribui, hodi bele lori reseita rendimentu ba nasaun

Tuir observasaun TAFARA.TL katak mini kampanna hosi PD lao ho hakmatek, hetan partisipasaun hosi militante no simpatizante sira. Iha kampanna refere hetan observasaun hosi CNE, PDHJ, observador nasional no hetan seguransan masimu hosi PNTL. *[Emanuel Andrade de Araujo | Editor: Zevonia Vieira | TAFARA.TL | 07.05.2018]

About Emanuel Andrade

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *