Saturday , July 21 2018
Home / Eleisaun Parlamentar / PD Hasoru Malu ho PR, Asanami: PD sei Vota Kontra Bainhira La Refleta Povu nian Nesesidade
Prezidente Partidu Demokratiku, Mariano Sabino 'Asanami' halo entrevista ho jornalista sira iha palacio prezidensia. [Foto: Zevonia Vieira | 04.06.2018]

PD Hasoru Malu ho PR, Asanami: PD sei Vota Kontra Bainhira La Refleta Povu nian Nesesidade

“PD hanoin katak sei tau pozisaun ne’ebe mak wainhira la refleta no la tuir nesesidade povu nian, PD sei vota kontra ida ne’e no ba programa ne’ebe iha interese nasional no estadu nian, ne’ebe mak importante PD sei afavor”. Asanami

Partidu Demokratiku hasoru malu ho Prezidente da Republika, Dr. Francisco Guterres Lú Olo. Hafoin remata enkontru, ba jornalista sira Prezidente PD, Mariano Sabino ‘Asanami’ ba jornalista sira hateten, ohin PD hasoru malu ho Prezidente da Republika tuir Konstituisaun haruka, hatoo ba Prezidente no PD mos hatoo objetivu hosi enkontru ida ne’e.

“PD nia pozisaun firmi, apoio e louva nafatin Prezidente da Republika nian esforsu durante ne’e. Firmi no fo apoio ba mandate durante ne’e tuir Konstituisaun haruka. Liu hosi konferensia ne’ebe PD halo ona mos konfrensista sira husu para lideransa PD kontinua jere PD liu-liu parlamentu no mos iha liur nudar PD ba estadu, atu oinsa mak bele servi diak liu ba rai ida ne’e, liu-liu hametin liutan valores demokrasia nudar lisaun ba ukun no moris nian ba sosiadade timorense”, hateten Asanami iha palacio prezidensia 04/06.

Hatan ba TAFARA.TL konaba sei firmi hanesan opozisaun iha parlamentu nasional? Karik AMP bolu atu tama iha VIII Governu oinsa?

Asanami hatan katak ida ne’e enkontru primeiru ne’ebe lao, PD ba estadu ne’e katak saida mak diak ba povu no rai ida ne’e, PD fo afavor maibe nudar Partidu ne’ebe tur iha parlamentu sempre kritiku, sempre halo analiza ne’ebe klean, ho baze ba jestaun ne’ebe tenke efisienti ba estadu nia osan, entaun PD hanoin katak sei tau pozisaun ne’ebe mak wainhira la refleta no la tuir nesesidade povu nian, PD sei vota kontra ida ne’e no ba programa ne’ebe iha interese nasional no estadu nian, ne’ebe mak importante PD sei afavor. PD Iha ona eperiensia bainhira iha opozisaun.

Kontinua hatan ba TAFARA.TL karik iha insidensia parlamentar hosi PD iha parlamentu? Ba TAFARA.TL Asanami hateten ne’e laos desizaun PD nian, partidu sira ne’ebe iha governu mak tenke jere ida ne’e.

Iha tempu hanesan Prezidente Asanami mos fo apresiasaun ba media tomak ne’ebe durante ne’e esforsu, hodi hametin ita nia demokrasia durante kampanna no kampanna remata, no to ohin loron. Ba PD apresia tebes papel importante media nian, “PD sempre dehan katak media mak sai klamar ba demokrasia”.

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *