Thursday , May 23 2019
Home / Eleisaun Parlamentar / PD Sei Apoio Fretilin iha Parlamentu Nasional no Governu
Presidete PD no Secretario Geral Fretilin halo hela intrevista ho Jornalista sira.[Foto: Zinho MD | TAFARA.TL | 18.08.2017].

PD Sei Apoio Fretilin iha Parlamentu Nasional no Governu

Ohin loron Fretilin kontinua hasoru malu ho PD hodi koalia didiak kona ba pozisaun partidu nian para bele halo governasaun ida mai ne’e forte liu tan. Tersa feira semana oin Mari Alkatiri entrega lista premeiru strutura governasaun.

Sekretario Jeral Partidu Fretilin Mari Alkatiri hateten katak lideransa PD komprende prosesu ida serbisu hamutuk.

“Hau kontente tamba lideransa PD komprende ona prosesu ida ne’e atu serbisu hamutuk, hau dehan iha kampaña katak Fretilin manan maioria absoluta mos inklui nafatin inkluizaun, se la manan maioria absoluta prontu buka dalan ida ke bele iha plataforma diak para atu inklui, entaun hau hanoin iha komprensaun total PD hakarak tama iha Prosesu,” Tenik Mari.

Eis Primeiru Ministru ne’e mos hatutan liu tan katak, “Fretilin la manan maioria absoluta entaun kria koligasaun ida para bele iha maioria absoluta maibe inklui nafatin. Koligasaun ida iha ona, lao dadauk Fretilin, PLP no KHUNTO, ne’e para atu hetan maioria absoluta ida para sustenta governo. Maibe hau hanoin governu ida atu mai ne’e sei forte liu tan tamba iha inkluzaun, PD tama ba inkluzaun.

Nia hatutan PD sei kontribui hodi viabiliza governo, la signifika sei vota unaminidade to periodo ida hotu maibe tenke iha sentidu kritiku. Hateten Mari ho lian Portugues.

Mari mos kompromete katak sei la ba tur iha Parlamentu Nasional.

“Hau sei la ba tur iha Parlamentu Nasional depois de ida ne’e hau ba reforma,” esklarese ba Mari.

Ba jornalista sira Mari hateten katak “Agora hau nia ulun fatuk komesa malirin ona, hau sei tur para atu halo proposta estrutura. Ne’e para fo ba koligasaun ba sociedade tomak, sei intrega primeira estrutura iha tersa feira.

Iha sorin seluk, Presidente PD, Mariano Assanami hateten katak hosi inisiu kedas PD prontu atu kontribui ba Timor.

“Hau hanoin desde iniciu sempre dehan katak ba o Timor ami pronto atu serbi tamba ne’e ohin ami aseita para hola parte viabliza I hola parte iha governo ida ne’e to 2022. Atu dehan katak koligasaun para atu hetan 33 kadeira ne’e requesitu konstituisional. Mais governasaun ne’e governasaun aberta ne’ebe maka ema independente ho ema partidu para bele tama iha governasaun. Entaun governasaun ne’e buat seluk ida, requesitu konstituisional ne’e mak tenke halo tuir. Ne’e PD deside inisiu ita tenke tuir konstituisaun duni no konstituisaun husu 33 ne’e maka tama requesitu konstituisional maibe governu ida ne’ebe mak nakloke ne’e hotu hotu fo apoio ba malu para depois to iha 2022,” Assanami Esklarese.

TAFARA.TL observa katak enkontru kona ba formasaun governo ne’e halao semana 2 nia laran ona. To’o oras ne’e dadaun progresu kontinua akontese no povo kontinua hein atu hetan rezultadu ikus.* [Jesuino Marcal de Jesus | TAFARA.TL | Editor: Ato “Lekinawa” Costa | 18.08.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *