Wednesday , June 19 2019
Home / Eleisaun Parlamentar / Pe.Jose Maia: Povu Timor Barak Mak Sei Kiak no Moris La Dignu
Situasaun Timor nian balun iha Municipio.[Foto: Hauniadoben.com].

Pe.Jose Maia: Povu Timor Barak Mak Sei Kiak no Moris La Dignu

Partidu politiku sira esforsu hela hodi hetan votus mayoria hosi povu, liu hosi sira nia politiku ne’ebe sira faan, gosta ou la gostu povu mak sei desidi sira nian votus.

Tinan ne’e povu sei desidi sira nian lian, liu hosi elisaun parlamentar ne’ebe mak realiza kada tinan lima, partidu ne’ebe nian programa diak, povu sei hili nia, partidu ne’ebe mak povu laran monu, povu sei votus ba partidu refere.

Liu hosi elisaun ida ne’e, povu sira hato’o sira nian preokupasaun, sira nian esperasan ba partidu sira ne’ebe karik sei manan hodi ukun rai ne’ebe tinan 24 nia laran, hetan okupasaun illegal hosi military Indonesia.

Estudante bolseiru Brazil, Padre Jose Maia (42), agora dadauk Padre Jose ne’ebe hala’o hela nian estudu iha Brazil, via media social ba jornalista TAFARA.TL, hateten katak hakarak moris iha situasaun hakmatek, edukasaun ne’ebe mak diak no ema hotu hetan tratamentu ho diak ba Saude, tanba povu mate barak ona iha funu nia laran, tanba ne’e labele mate barak tan iha ukun rasik a’an nia laran tanba deit saude la diak.

Hakarak moris iha situasaun hakmatek (segurança), edukasaun ne’ebe diak no iha kualidade ba oan sira, atu prepara ba lideransa ba futuro Timor-Leste nian. Ema hotu hetan tratamento saúde nebe diak, atu povo ne’ebe mate barak ona iha funu laran, la bele mate barak tan iha ukun rasik-an tamba la hetan assessu ba tratamento saude ne’ebe diak. Povo Timor barak mak sei kiak, sei falta hahan, hatais no hela fatin ne’ebe dignu,” Dehan Pe. Jose.

Padre ne’e mos hatutan katak, governu nia programa klaru, kompara ho nasaun sira seluk maibe implementa mak seidauk di’ak tanba ne’e mak tenki tau Prioridade ba edukasaun atu nune’e bele iha kapasidade hodi bele implementa rasik nia programa, nune’e riku-soin Timor nian bele dezenvolve duni iha Timor, Se lae Timor nia riku soin mota lori hotu ba tasi.

Nune’e mos padre ne’e hatete katak partidu ne’ebe de’it mak manan ita naftin kongratula no suporta atu nune’e bele ukun ho di’ak.

Negosiante Kiik, Cesaltina Madeira (25) , ba jornalista TAFARA.TL hatete sekarik partidu ne’ebe mak manan, tenki tau mos importansia ba servisu negosiante nian liu-liu sira ne’ebe mak faan sasan iha merkadu.

“Ami nia sasan la folin iha merkadu, tanba sasan ne’ebe mak ami faan, Xaina sira mos fan hotu iha loja, tanba ne’e konsumidor sira la sosa ami nia sasan. Ezemplu hanesan deterjen, supermie no seluk tan,”tenik Cesaltina.

Iha parte sorin Joven ne’ebe dezempregu, Sancho Soares Barros (29), ba Jornalista TAFARA.TL hato’o mos nia preokupasaun ne’ebe importante hanesan ekonomia ne’ebe mak seidauk lao ho di’ak, seguransa no kampu servisu ne’ebe sei oituan.

Fator ekonomia seidauk lao ho maximu, tanba sei iha povu ki’ik mak sei moris terus no mukit nia laran. Seguransa mos seidauk forte tanba dala barak autor ne’ebe halo krime mak ema ne’ebe kaer Lei no Ordem. Ba dezempregu klaru governu seidauk tau matan ho diak ba joven sira ne’ebe laiha servisu, tanba ne’e mak problema iha hela de’it, tanba joven barak mak servisu laiha,” Hateten Sancho.

Sancho mos hatutan tan katak, dezenvolvimentu tinan lima nia laran, seidauk iha mudansa ne’ebe mak bo’ot, sei iha problema barak mak seidauk resolve hanesan estrada, saniamentu,  merkadu, agrikultura no seluk tan.

Profesora Felismina Freitas (27) hateten governu foun ne’e mak sei mai, tenki tau prioridade ba edukasaun liuliu ba kuriokulum, mestri no dosente sira ne’ebe mak hanrin iha universitariu

governu tenki tau atensau maximu iha area eduksaun nian, liuliu ba mestri/a sira. Voluntriu mak barak no mestri barak mak hanorin la tuir sira nia area ne’ebe mak iha”, Dehan Profesora Felismina.

Povu nian preokupasaun kontinua koalia sai, kampu servisu, saude, edukasaun, ekonomia no seguransa, buat hirak ne’e iha hotu plataforma partidu sira nian. Povu hein sira nian promesa ne’ebe mak sira koalia ba povu, bainhira hasoru sira. Povu hotu espera mehi ne’ebe sira mehi, aban bainrua sei bele realiza.* [Bebiana Soares | TAFARA.TL | Editor: Zevonia Vieira | 13.07.2017].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *