Friday , January 18 2019
Home / Sosial & Politika / Pe. Juvito: Iha Loron Finadu Orasaun Mak Importante Liu, Loas Se Matebian no Aifunan
Vigario Diocese Dili, Padre Juvito Rego de Jesus Araújo.[Foto: Timor Agora].

Pe. Juvito: Iha Loron Finadu Orasaun Mak Importante Liu, Loas Se Matebian no Aifunan

Loron finadu ne’ebe monu iha loron 2 Novembru, sai hanesan fiar ne’ebe sarani Katolika sira sempre komemora. Iha Timor-Leste rasik, sarani sira halo tradisaun “Hase Matebian, kari aifunan iha rate” no hatoo orasuan ba matebian sira atu bele fatin diak iha Nai Maromak nia kadunan santa.

Iha loron finadu jornalista TAFARA.TL halo entrevista ho Padre Juvito Rego de Jesus Araújo, via telefone hodi husu tuir prespektiva igreja Katolika nian liha loron finadu. Ba TAFARA.TL Pe.Juvito esplika katak sarani sira ne’ebe mate ona ne’ebe liu ona hosi mundu ida ne’e, no ba mundu seluk presiza deit orasaun.

“Hau hakarak didika, liu-liu ba maluk Timor oan sira, katak ita nia maluk sarani sira ne’ebe mate ona, ita nia Beiala sira, ita nia inan aman,ita nia familia, ita nia maun alin, ita nia oan, ita nia oan, ita nia parente, amigo, Benfeitor  hotu-hotu ne’ebe liu ona husi mundu ida ne’e, no ba Mundu seluk sira presija deit ita nia orasaun.”

Vigario Diocese Dili ne’e esplika liutan katak, importante liu ba finadu mak oinsa halo orasaun ba matebian sira ne’ebe sei iha prugratoriu bele tama ba lalehan.

“Hau sente iha obrigasaun ida atu hato’o ba maluk sira hotu ,katak laos iha se bikan, iha aifunan, laos iha lilin, laos iha vizita rate, ida ne’e maka salva Klamar sira liu husi prugatoriu ba lalehan, maibe liu husi orasaun deit, iha eukaristia orasaun ida especial liu, orasaun ida kmanek liu iha ema sarani nia vida maka eukaristia, katak iha eukaristia deit maka ema hamutuk ho Jesus Cristu no liu husi Jesus Cristo deit mak bele reja ba ema matebian sira. husu Maromak nia bensa, Maromak nia laran luak. Maromak nia domin rohan laek,  atu kasu tia maluk matebian sira nia salan iha ahi progatoriu ninian no lori sira ba lalehan no ohin ne’e ita fiar katak sarani barak ne’ebe mate, ita haluha tiha sira nia klamar, bele ba iha lalehan, klamar rihun ba rihun sae ba lalehan tamba sira rihun ba rihun iha mundo tomak”, hateten Pe. Juvito.

Vigario Diocese Dili ne’e mos salienta liu tan katak, la presija atu hakerek naran tau iha envelope hodi ba misa. Lori an tomak no  orasaun hamutuk ho kreda tomak.  Sarani sira ba tau naran nafatin lori deit sira ne’e la los ona.

“Amu Lulik sira halo misa lee nafatin naran ida ne’e, ida ne’e erro ida katak Amu lulik sira hanesan ema ida ne’ebe hatene ritual misa, didika ba klamar ida la iha limite. Se Amu Lulik ida lee deit naran, temi deit ema ida ne’e sala. Hau hakarak didika ba Amu Lulik sira ne’ebe hatene ritual misa, ohin nian ne’ebe halo beik sarani sira ida ne’e pekadu,” Salienta Vigariu Diacese Dili.

Turi observasaun Jornalista TAFARA.TL loron finadu iha Rate Becuse, rate Santa no Santa Cruz nakonu husi dader to oras tuku 20:00 kalan no hetan seguransa husi Pulisia Nasional Timor-Leste.* [Jesuino Marcal de Jesus | TAFARA.TL | Editor: Zevonia Vieira | 02.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

OJE 2019, TMR: PR Sei Desidi Tuir nia Kompetensia, Hau Uluk Mos Veta No Haruka Fila Fali Ba PN

“Prezidente iha tempu para estuda, kuandu nia promulga nia bele halo, mais se imi hare …

Leave a Reply

Your email address will not be published. Required fields are marked *