Wednesday , April 24 2019
Home / Sosial & Politika / Pesoal PNTL Halo Aktu Asesivu Ba Editor TP Carlos Malilaka, AJTL: PNTL Tenke Respeita Servisu Jornalista nian
Xefe Redasaun atual Timor Post Carlos Malilak hetan aktu asesivu hosi pesoal PNTL iha fulan Dezembru 2018. [Foto: Dokumentu privadu Carlos | 31.01.2019]

Pesoal PNTL Halo Aktu Asesivu Ba Editor TP Carlos Malilaka, AJTL: PNTL Tenke Respeita Servisu Jornalista nian

Liu hosi konferensia imprensa Asosiasaun Jornalist Timor Lorosa’e deklara katak asaun ne’ebe halo hosi membru PNTL nudar aktu asesu no ameasa id aba liberdade jornalsita nian atu halo kobertura iha problema sira ne’ebe mosu iha sosiadade nia leet.

Iha konferensia imprensa jornalista Carlos Malilaka esplika kronolojia ba aktu ne’ebe halo hosi PNTL, kazu ne’ebe nia hasoru iha loron 23/12/2018, no akontese iha Bebonuk Faularan ho Tuti nian iha Kapela.

“Ha’u hamrik hela ho Amo no xefe bairo kapela Tuti nian atu halo preparasaun, derepente joven ida lanu todan no nia hasai lia fuan tolok iha Amu nia oin, entaun ami lori ses nia. Amo Padre telefone ba Plisia hodi mai asegura tiha joven ne’e atu labele halo halo barulhu, la kleur polisia mos to’o no kaer tiha joven ne’e. Momentu ne’e hau mos la hanoin kona atu hasai foto, mais hau hare polisia balun hakilar ona dehan ema sira hasai foto, depois membru polisia ida mai hadau tiha hau nia telemovel, dada hau ba iha Komandante no sira husu hau nia pozisaun, hau dehan nudar komunidade no mos nudar jornalista, pois sira husu hau nia ID card, hau entrega ba sira maibe sira la simu nafatin, no hau husu fo fila hau nia telemovel”, hateten Carlos ba jornalista, 31/01.

Xefe Editor Timor Post ne’e hatutan katak depois de akontesementu ne’e Carlos hatama kedas keixa ba iha Konselho Imprensa atu hare hahalok hosi membru PNTL ne’ebe kontra ona Lei.

“KI kondena tanba hahalok membro policia nian ne’e kontra lei Komunikasaun Sosial iha artigo 41, maibe ida ne’e mak kazu ne’ebe akontese ka iha hau nia kronolojia hau hasoru iha tempu ne’eba. Hau seidauk hatene momentu ne’e mos hau nia karta ne’e mos fo konnesementu ba iha Komandante Jeral PNTL no AJTL”, esplika Carlos

Ho akontesementu ne’ebe jornalista no nudar Editor Timor Post hasoru iha fulan kotuk, liu hosi konferensia imprensa AJTL kondena makaas atuasaun individu ka pesoal balu PNTL nian ne’ebe ameasa no hadau jornalista no nudar editor Timor Post Carlos Malilaka moa kamera iha area Bebonuk. Aktu ida ne’e nudar aktu krime ne’ebe ameasa liberdade imprensa no liberdade jornalista nian hodi asesu ba informasaun.

AJTL ho nia pozisaun hateten katak husu ba Komandante Jeral PNTL atu eduka no tau matan ba ninia elemtnu sira atu respeita no tane as jornalista no media nia servisu bainhira halao servisu iha tereno.

AJTL husu ba KI atu kontinua promove no defende liberdade imprensa no espresaun iha nasaun ne’e, atu hare situasaun ne’e tanba liberade imprensa no espresaun iha pais ne’e hahu ameasadu.

Hahalok hosi membru PNTL sira ba jornalista, sei kontinua akontese maske Asosiasaun jornalista no Konselho Imprensa halo ona karta ba PNTL no halo sosializasaun konaba liberdade imprensa, maibe iha fatin balun aktu krimi ne’ebe halo hosi membru PNTL balun kontinua akontese. * [ Zevonia Vieira | TAFARA.TL | 31.01.2019 ]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *