Saturday , May 26 2018
Home / Ekonomia & Bisnis / Peter: Promove Agrikultura Fo Impaktu Ba Saude, Ekonomia No Hatun Violensia Domestika
Husi Liman karuk komandante polisia Municipiu Aileiu, Membru Suku ROHAMOR, Embaixador Australia no Diretor Nasional World Vision hasai foto hamutk hafoin halo aprezentasaun ba produtu ne'ebe mak husi grupu ne'e halo ona.[Foto: Zinho MD].

Peter: Promove Agrikultura Fo Impaktu Ba Saude, Ekonomia No Hatun Violensia Domestika

“Ita promove agrikultura bele fo impaktu ba saude, ekonomia no iha area seluk tan hanesan edukasaun no hatun violensia domestika. liu husi agrikultura, bele hadia povu nia moris,” Peter Roberts.

Rai Osan Hamutuk Hodi Hadia Moris (ROHAMOR), nudar grupu agrikultura ne’ebe harii husi komunidade municipiu Ailiu ,postu Aileu Vila, Suku Liu Rai durante tinan rua, sira iha ona fundus rasik hamutuk 18,000.00 ne’ebe mai husi sira nia atividade rai osan hamutuk, kuda modo no hakiak animal.

Programa hosi ROHAMOR ne’ebe komunidade halao, tanba hetan suporta hosi Governu Australia,  ne’ebe liu husi World Vision ba grupu sira, iha area rural, liu liu grupu ROHAMOR, hodi fo serbisu ba komunidade sira ,atu bele hadia moris liu husi setor agrikultura.

Xefe Suku Liu Rai, Elias Gomes apresia tebes ho suporta refere hosi parseiru sira, hodi bele hadia populasaun sira iha suku Liu Rai. “fo kbiit ba ami nia komunidade sira, I husu ita nia apoiu malu nafatin, liu husi koordenasaun ne’e importante”.

Iha fatin hanesan Koordenador Grupu ROHAMOR, Amelia do Carmo esplika oinsa prosesu grupu ROHAMOR bele moris hahu husi inisiu ho menbru Grupu Nain hira no oinsa bele hetan edifisiu grupu nian.

“hahu inisia grupu ne’e ami ho montante ema 21 deit no ami la iha fatin atu konsentra hamutuk, ami hili menbru sira nia uma hodi halibur malu atu nune’e ami bele tau osan hamutuk, komesa fulan lima ba fulan ne’en komesa menbrus ne’e barak ona fatin ne’ebe ami konsentra ba mos la sufiente ona atu akumula ami hotu husi problema ida ne’e ami hato’o proposta ba world vision husi osan 50% no ami aumenta 50% hodi ami hari’I hamutuk edifisiu Rohamor nian”, esplika Amelia, 2/05.

Amelia akresenta liu tan katak osan ne’ebe mak grupu iha hamutuk $18,000.00 ona, ne’ebe mai husi tau osan hamutuk, husi membru atividade hakiak animal no kuda modo, liu husi osan ne’e grupu fo impresta ba membru sira, hodi halo uma sosa transporta no ajuda oan sira, hodi asesu ba edukasaun. Grupu refere harii tinan rua ona, osan ne’ebe iha fahe ba dala rua ona.

Embasador Australia, Peter Roberts iha dialogu ho komunidade sira iha suku Liu Rai, hatoo sentimentu kontente tanba bele visita projetu ida ne’e. Governu Australia fiar katak promove agrikultura iha Timor-Leste importante tebes,  “ita promove agrikultura bele fo impaktu ba saude, ekonomia no iha area seluk tan hanesan edukasaun no hatun violensia domestika. liu husi agrikultura, bele hadia povu nia moris,” hateten Peter.

Peter mos hateten katak moris nudar vida agrikutura ne’e difisil, tamba nia familia rasik mos mai husi ema agrikultura, tamba ne’e nia husu atu komunidade sira bele serbisu makas liu tan.* [Jesuino Marcal de Jesus | TAFARA.TL | Editor: Zevonia Vieira | 04.05.2018].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

RAMOS HORTA Inagura Vista Alegre, Horta: Timor Bele Sai Sentru Reksportasaun

“Timor bele sai hanesan sentru reisportasaun sira bele lori sasan kualidade mai husi Portugal, rai …

Leave a Reply

Your email address will not be published. Required fields are marked *