Wednesday , June 19 2019
Home / Sosial & Politika / Plan Internasional Kria Aplikasaun Reprodutiva Ba Foinsa’e Feto No Mane
[Foto: Twitter, Plan Intl TimorLeste].

Plan Internasional Kria Aplikasaun Reprodutiva Ba Foinsa’e Feto No Mane

Isin rua sedu no kaben sedu impaktu husi menus informasaun kona-ba saúde reprodutiva no sexual reprodutiva, nune’e liu husi aplikasaun Reprodutiva bele fahe informasaun ba foinsa’e sira.

Teknologia ne’ebe mak dezenvolve makaas iha era globalizasaun, dala barak fo impaktu ne’ebe la dun diak ba foin sa’e sira nia moris. Ho situasaun ida ne’e, PLAN Internasional, parseiru ho Marie Stopes Internasional realiza lansamentu ba relatoriu survei Labarik Feto & Teknolojia atu hatene labarik feto no mane, liu-liu labarik feto sira nia kompriensaun kona-ba Edukasaun Saúde Sexuál no Reprodutiva (ESSR) no mós buka hatene sira asesu ba informasaun ESSR liu husi telemovel.

Ba TAFARA.TL Diretora Plan Internasional Timor-Leste, Diliana Ximenes, esplika katak, eduka labarik feto no mane kona-ba importansia husi komprensaun kle’an husi sexuál ho reprodutiva liu husi teknologia, tanba labarik hotu-hotu uza telefone entaun duke sira uza telefone hodi facebook, whatsapp de’it ou halimar de’it game, plan hakarak mós teknolojia ne’ebé sira uza ne’e bele mós fó benefisiu ba sira nia futuru.

Diretora Diliana mos hatutan katak, oan feto sira kaben sedu, isin rua sedu, nia impaktu la diak ba futuru oan no família.

“Teknolojia ne’e bele ajuda ita buat barak los, Plan international hakarak tebes atu uza labarik sira nia matenek, hodi uza teknolojia para bele fó benifisiu di’ak ba sira”, hateten Diliana.

Iha lansamentu refere, espouza hosi Prezidente da Republika, Cidalia Lopes Nobre Mozinho Guterres, ne’ebé partisipa ba TAFARA.TL hato’o mesajen ba foinsa’e sira, katak vida ne’e ó nian, moris ne’e mos ó nian.

“Ó mak sai kondutor ba ó nia an, ó atu halo di’ak ou la di’ak ne’e depende ba ó tanba ne’e mak ha’u husu ba joven sira atu tetu didi’ak ba lala’ok sira ne’ebé mak atu halo, tenki hanoin halo didi’ak, mak halo asaun ida ne’e.”

Cidalia Lopes Guterres mos esklarese katak, responsabilidade inan-aman, familia nian ne’e boot teb-tebes, liu-liu wainhira oan sira tama ba iha idade puberta tanba ohin loron teknolojia avansadu teb-tebes ,ho nune’e labarik no foinsa’e sira hakarak halo tuir ka koko saida mak sira asesu iha internet.

Iha fatin hanesan, estudante husi Eskola Sekundaria Católica São Pedro, Levina Faria Simões, hateten aplikasaun Saúde Reprodutiva ne’ebé mak sei uza, maneira ida ne’e di’ak atu nune’e foinsa’e sira bele asesu informasaun kona-ba saúde reprodutiva liu husi aplikasaun refere, duke sira tama de’it facebook.

Levina mós husu ba parte relevantes atu konsidera mós foinsa’e hirak ne’ebé hela iha area rurál mak la asesu ba internet hodi nune’e sira mós bele asesu informasaun saúde reprodutiva ho dalan seluk.

Tuir informasaun ne’ebé hato’o husi IT Plan Internasional, Jhony Nunes iha workshop ne’e katak, aplikasaun Reprodutiva ne’e sei iha prosesu dezenvolvimentu nia laran no agora atinji ona 50%.

Projetu pilotu ida ne’e halo iha eskola sekundaria haat, iha Munisipiu Aileu (Eskola Sekundaria Geral Aileu Maulere no Colegio São Pedro e São Paulo), Munisipiu Dili (Eskola Sekundaria Unamet 4 de Setembro no Eskola Sekundaria Católica São Pedro).* [Maria do Céu |TAFARA.TL| Editor: Zevonia Vieira |21.09.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *