Thursday , May 23 2019
Home / Eleisaun Parlamentar / PLP Mantein Opozisaun, Sedauk Tempo Hodi Koalia Koligasaun
Fidel Magalaes halo intrevista ho Jornalista sira hafoin inkontru ho Prezidente Republika.[Foto: Zevonia Vieira | TAFARA.TL | 03.08.2017].

PLP Mantein Opozisaun, Sedauk Tempo Hodi Koalia Koligasaun

Opozisaun edukativu katak nasaun no estadu iha interese komum, ne’ebe mak kabe ba povu tomak nian interese, laos halo opozisaun ida kombativa katak diskorda ho buat hotu.

 Prezidente Republika, Francisco Guterres ‘Lu Olo’ konvoka enkontru ho partidu ne’ebe hetan asentu Parlamentar, tuir konstituisaun haruka katak Prezidente Republika halo kna’ar, hodi fo hanoin ba partidu sira oinsa bele mantein estabilidade no paz, no servisu hamutuk ba interese nasional.

Iha loron 3/08 Partidu Libertasaun Popular hetan konvite hosi Xefe Estadu hodi koalia kona ba pozisaun kada partidu, depois de Tribunal Rekursu proklama rezultadu elisaun parlamentar.

Ba jornalista Vice Prezidente no nudar porta voz PLP, Fidel Magalaes esplika katak, ohin loron PLP mai hodi responde karta ne’ebe mai hosi Prezidente Republika ba partidu sira ne’ebe  mak iha asentu parlamentar

“Hanesan ami nian pozisaun mantein nafatin ho opozisaun katak partidu mais vokasional. Tempu sedauk to hodi koalia kona ba koligasaun. Opozisaun edukativu katak nasaun e estadu iha interese komum, ne’ebe mak kabe ba povu tomak nian interese, laos halo opozisaun ida kombativa katak diskorda ho buat hotu, maske iha razaun para partidu atu apoiu. Partidu iha opozisaun laos katak atu kontra deit, partidu ida reasional no halo reasaun deit, maibe mos iha proposta legistlativa ne’ebe diak no partidu ida ne’ebe mos bele prepara ninian proposta legislativa. Hanesan Lei kontra Korupsaun ne’ebe sedauk iha, Lei kona ba Money Politic no revisaun ba pensaun vitalisia”, esplika Fidelis.

Hatan ba perguntas hosi TAFARA.TL kona ba PLP prontu halo koligasun ho Fretilin se karik hetan konfiansa hosi partidu mais votadus? Porta voz PLP esplika katak, ne’e laos kabe ba PLP atu halo spekulasaun. Preokupasaun PLP nian iha kompromisiu eleitoral no iha programa rasik. Preokupasaun oinsa lori ba oin programa politika PLP nian, laos atu fahe pasta entre PLP ho partidu sira seluk. PLP sei prontu halo diskusaun ho partidu se deit, laos deit partidu mais votadus no segundu votadus maibe mos ho PD no KHUNTO, oinsa avansa lori programa PLP nian. Maibe kona ba koligasaun PLP sedauk koalia to iha ne’eba.

Eiz Xefe Casa Sivil iha Periodu Prezidente Republika Taur Matan Ruak, ne’e afirma mos ba jornalista sira katak, PLP aprezenta ba Presidente Republika katak tuir konstituisaun iha situasaun agora katak prosesu tomak iha Xefe Estadu nian liman. PLP fiar no fo apoio tomak ba desizaun saida deit mak Prezidente Republika foti iha tempu ida ne’e, nudar desizaun estadu nian no partidu hotu-hotu sei implementa tuir.

Tuir esplikasaun hosi Portavos PLP katak, Prezidente Lu Olo esplika ba partidu sira  katak importante ita hotu estuda didiak vontade popular, bazea ba rezultadu elisaun no partidu hotu tenke servisu hamutuk, hodi nune’e governasaun estavel ba tinan 5 oin mai.

Relasiona ho enkontru ida ne’e, Estudante Unversidade UNTL, Laura Marques hateten katak, Tempu to ona partidu sira servisu hamutuk no mantein unidade nasional, tanba povu koleng ona ho konflitu ne’ebe sempre mosu entre lider partidu sira. Espera lider sir abele tur hamutuk ho ulun malirin atu bele foti desizaun ne’ebe la hamosu tan problema foun iha Timor-Leste.* [Zevonia Vieira | TAFARA.TL | 03.08.2017].

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *