Wednesday , January 17 2018
Home / Sosial & Politika / PM Marí Marka ona 31 Janeiru Ba Debate Mosaun Sensura iha PN
Primeiru Ministru, Dr. Marí Alkatiri halo entrevista ho jornalista sira iha palacio prezidensia. [Foto: Zevonia Vieira | 11.01.2018]

PM Marí Marka ona 31 Janeiru Ba Debate Mosaun Sensura iha PN

Sira nia mehi mak buat rua deit, kontrola meza parlamentu no hatun governu. Povu mehi hakarak governu ne’e lao ba oin, povu hakarak dezenvolvimentu ne’e lao ba oin, sira mehi fali dehan atu hatun”. Marí Alkatiri

Primeiru Ministru, Dr. Marí Alkatiri hasoru malu ho Prezidente da Republika, hodi informa atividade semanal governu nian ba Xefe Estado, Dr. Francisco Guterres Lú Olo.

Hafoin remata enkontru ba jornalista sira, Dr. Marí Alkatiri informa katak enkontru refere hanesan enkontru regular ne’ebe tenke apresenta ba Prezidente da Republika.

“Enkontru hanesan normal hodi infora lalaok governu nian iha nivel nasional, informasuan Primeiru Ministru nian ba situasuan seguransa iha nivel nasional, hotu-hotu hatenek atak laiha problemas, sasan lao diak hotu no koalia oituan hosi ne’e ba oin. Ho Prezidente da Republika hau la koalia antisipada, ne’e Prezidente mak sei desidi maibe hau fo informasaun sobre krizi instituisional ne’ebe lao dadauk ho opozisuan nian, sira so mehi buat rua deit, povu nia mehi mos sira la mehi ona. Sira nia mehi mak buat rua deit, kontrola meza parlamentu no hatun governu. Povu mehi hakarak governu ne’e lao ba oin, povu hakarak dezenvolvimentu ne’e lao ba oin, sira mehi fali dehan atu hatun”, esplika Marí

Bainhira TAFARA.TL, konfirma konaba karta notifikasaun hosi Prezidente Parlmentu Nasional, liga ho rekerimentu hosi bankada KHUNTO kona ba mosaun sensura, hodi husu ba governu atu ba halo diskusaun.

Marí Alkatiri responde katak, “hau marka ona ba dia 31 de Janeiru ne’e konfirmadu. Antes hau ba, hau sei halo esplikasaun ba buat sira ne’e hotu tanba sira nia mosaun sensura ne’e laiha meritu. Tanba ita povu Timor-Leste nia kultura, ita tenke respeita ema katuas no ferik, ida e’e mos laiha hotu ona halo oinsa. Sira halo mosaun sensura signifika sira hakarak uza deit 35 votus ne’e. Iha razaun la laiha razaun, sira la interese”.

Hatan ba perguntas hosi media STL, iha palacio prezidensia, 11/01 liga ho programa anotadu ne’ebe maka governu sedauk lori ba Parlamentu?

Marí klarifika katak programa anotadu ne’e hanesan informasaun ida ba deputadu sira ne’ebe foti duvidas barak, katak programa la kompletu. Anotadu ne’e hodi bele esplika didiak ho linguajen simplis ida, maibe ne’e laos hanesan programa hodi debate fali, “tanba sa programa ne’e la ba debate, entaun tenke hasai lai mosaun sensura, laiha lojika o hatama ona mosaun sensura, pois o dehan programa mos tenke tama. O hatama mosaun sensura tanba dehan governu la hatama programa”. *[Zevonia Vieira |TAFARA.TL | 11.01.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Luis: PPN Blokea Ajenda Hosi AMP, Branco: AMP Husu Ajenda Ba Sira nian Interese

“Akontese maka ajenda deit, ba interese grupu ninian, atu hadau poder, entaun ami hare katak …

Leave a Reply

Your email address will not be published. Required fields are marked *