PM Marí: Ministru Saude Halo Funsaun Saude Nian, Laos Parte Hosi Kampanna

“Ministru Saude halo funsaun ba saude nian, ne’e laos parte hosi kampanna, sira tenke deskonfia buat hotu, opozisaun ida ne’e, opozisaun ne’ebe deskonfiadora”. Marí Alkatiri

Primeiru Ministru, Dr. Marí Alkatiri hasoru malu ho Prezidente da Republika, Dr. Francisco Guterres Lú Olo, hodi informa situasaun jeral rai laran no nudar enkontru regular Primeiru Ministru ho Prezidente da Republika.

“Koalia situasaun jeral rai laran, ami la koalia konaba eleisaun no kampanna tanba ida ne’e laos Primeiru Ministru nian asumtu ho Prezidente da Republika. Prezidente da Republika hakarak hatene situasaun jeral, kark iha asidente ruma ka problema, maibe hau dehan lae, to agora laiha rejistu de problemas, laiha violensia no problema sira seluk”, hateten Marí, iha palacio prezidensia 20/04.

Hafoin remata enkontru hatan ba TAFARA.TL liga servisu Ministru Saude, Dr. Rui Araujo ne’ebe halao hela atividade governu nian, hodi visita suku sira hodi halo atividade saude na familia, hodi hare direitamente povu ne’ebe afeita moras. Hosi atividade refere hamosu opiniaun publiku iha social media ne’ebe hateten Ministru Saude uza osan estadu nian, hodi ba halo atividade no aproveita halo kampanna dor to dor.

Ba TAFARA.TL Primeiru Ministru hatan katak Ministru Saude halo funsaun ba saude nian, ne’e laos parte hosi kampanna, “sira tenke deskonfia buat hotu, opozisaun ida ne’e, opozisaun ne’ebe deskonfiadora”.

Hosi polemika ne’ebe iha, Ministru de Estadu e Minsitro de Saude, Dr. Rui Maria Araujo, justifika iha social media katak membro governo sira bele nafatin halao sira nia knaar wainhira tama ona iha período campanha eleitoral? Rui Araujo esklarese tuir Lei katak kona-ba Titulares Órgãos Soberania hateten iha artigo 25 katak, hahu husi loron eleição [la’os loron campanha], membro governo labele hola iniciativa política ho legislativa excepto buat ruma nebe urgente ka emergência. artigo 23 Lei titulares órgãos soberania hateten katak, membru governo ida ninia mandatu sei hotu wainhira membru governo nebe atu troka nia simu ona posse, Lei ne’ebe regula eleição parlamentar iha ninia artigo 8 número 2 hateten katak durante kampanna eleitoral, kandidato iha direito atu husu suspensão ba ninia funsaun. Ida ne’e aplika deit ba kandidato sira nebe tama iha lista, no ida ne’e direto ida. Laos obrigação, ka kandidato ne’e tenki duni suspende. Depende ba kandidato ne’e rasik, hakarak ka lae uza direito ida ne’e. Iha quadro legal ida ne’e nia laran, “nu’udar membro governo iha área saúde, no lá tama iha lista kandidato ba eleisaun parlamentar, ami bele ka lae, akompanha ekipa saúde na família sira iha municípios no centro saúde sira ,halao visita domiciliária ba tinan 2018, ne’ebe hahu tiha ona iha fulan Marco 2018?”, deklara Rui Araujo.*[Zevonia Vieira | TAFARA.TL | 20.042018]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.