Thursday , May 23 2019
Home / Sosial & Politika / PM Marí: Tenke Kontinua Halo Programa, Hodi Kontinua Hetan Apoio Hosi UE
Primeiru Ministru, Dr. Marí Alkatiri halo entrevista ho jornalista sira iha palacio prezidensia. [Foto: Zevonia Vieira | 01.02.2018]

PM Marí: Tenke Kontinua Halo Programa, Hodi Kontinua Hetan Apoio Hosi UE

“Ita halo kooperasaun ne’e, ba Timor-Leste agora iha $100 milhoes dolar resin ba tinan lima mai. Ita tenke halo programa para bele hetan apoiu husi Uniaun Europeira, para programa dezenvolvimentu rural, programa ba edukasaun, kapasidade instituisional no programa oin oin, hau hanesan Primeiru Ministru pela primeira vez iha Timor, paiz de mundu hau sai ordenador nasional para atu dudu programa neíe ba oin”. Marí Alkatiri

Primeiru Ministru no membru governu sira partispa iha enkontru ho Uniaun Europea [UE] hodi koalia konaba parseiru entre Timor-Leste no UE.

Hafoin remata enkontru refere ba jornalista sira Primeiru Ministru, Dr. Marí Alkatiri esplika katak kooperasaun entre nasaun TL no UE, iha nia base legal, no kontinua asina akordu ho orsamentu $ 2 mill resin.

“Ita halo kooperasaun ne’e, ba Timor-Leste agora iha $100 milhoes dolar resin ba tinan lima mai. Ita tenke halo programa para bele hetan apoiu husi Uniaun Europeira, para programa dezenvolvimentu rural, programa ba edukasaun, kapasidade instituisional no programa oin oin, hau hanesan Primeiru Ministru pela primeira vez iha Timor, paiz de mundu hau sai ordenador nasional para atu dudu programa neíe ba oin”, hateten Marí iha edifisiu Ministeriu Finansa, 3/04

Iha Sorin seluk Prezidente Camara Comersiu Industria [CCI] Oscar Lima ba jornalista sira hateten, desde Timor ukun an, UE iha vontade atu koopera ho Timor, “hau hanoin sira nia ajuda importante ba ita, tamba ita bele aprende buat barak mos iha rai seluk ne’ebe halo ona, no ita seidauk. oinsa mak bele servisu ho governu, ho seitor seluk-seluk, hodi bele ajuda ita nia rai. Ba ita importante liu ajuda ne’e mai husi se deit, importante mak oinsa ita atu dezenvolve ita nia rai ida ne’e, importante porque ita laos foin agora”.

Oscar Lima hatutan liu hosi ukun rasik, Timor oan tenke buka aprende esperiensia hosi rai seluk, liu-liu paiz sira ne’ebe antigun liu ona iha mundu. * [Virginia Pereira | Editor: Zevonia Vieira | TAFARA.TL | 03.04.2018 ]

About Virginia Pereira

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *