Tuesday , March 26 2019
Home / Sosial & Politika / PM Marí: Xanana nia Misaun Prioritariu Maibe Depende Ba Osan, Ami La Halo Milagre
Primeiru Ministru, Dr. Marí Alkatiri halo entrevista ho jornalista sira iha rezidensia Farol. [Foto: Zevonia Vieira | 21.12.2017]

PM Marí: Xanana nia Misaun Prioritariu Maibe Depende Ba Osan, Ami La Halo Milagre

“Se osan laiha, ami la halo milgare, ne’e koalia momos deit. Importante tebes nia misaun iha liur, mais tanba buat sira ne’e importante hotu mak Orsamentu Retifikativu divia liu”. Marí Alkatiri

Xefe Negosiador ba Fronteira Maritima, Xanana Gusmao ne’ebe iha ona fulan tolu nia laran, hodi halo servisu importante iha rai liur, atu kontinua esforsu an hodi halo negosiasaun, hodi nune’e povu Timor bele hetan fila fali nia soberania tasi laran

Liga ho asumtu ida ne’e, bainhira TAFARA.T L halo konfirmasaun ho Primeiru Minstru, Dr. Marí Alkatiri, iha rezidensia Farol Dili, kona ba apoio orsamentu hosi governu hodi bele apoia atividade Xefe Negosiador iha rai liur, tanba Orsamentu Retifikativu la pasa iha Parlamentu Nasional.

Xefe Negosiador ba Fronteira Maritima, Xanana Gusmao ne’ebe durante ne’e halo ona servisu negosiasaun ne’ebe tama ona fulan tolu, liga ho Orsamentu Retifikativu ne’ebe mak la aprova, oinsa mak governu kontinua apoio Xanana Gusmao ne’ebe halao hela servisu?

Ba TAFARA.TL Primeiru Minsitru esplika katak, misaun ne’ebe mak Xanana Gusmao halao hela iha rai liur nudar Xefe Negosiador ne’e importante tebes no nudar prioritariu maibe prioritariu mos iha limitasaun.

“Se osan laiha, ami la halo milgare, ne’e koalia momos deit. Importante tebes nia misaun iha liur, mais tanba buat sira ne’e importante hotu mak Orsamentu Retifikativu divia liu. La liu agora ami halo ezersijiu, enkuantu ami bele apoiu ami fo apoiu, se labele ona , hotu-hotu tenke kesi kabun”, hateten Marí

Karik iha dalan seluk hodi kontinua apoio ba misaun refere? Marí esplika katak, sei bele uza Duadesimu maibe la dura ba tempu naruk. Governu esforsu an tenta redus dispezas no halo dispezas prioritariu.

“Ami tenta atu redus dispezas no halo ba dispezas prioritario. Ba negosiasaun fronteira maritime ne’e prioritariu maibe prioritariu mos lemiti, no hau laiha poder para nota ida para hau les ba atus ida no milagre hau la halo”, esplika Marí

Ba jornalista sira, 21/12 Primeiru Ministru informa katak membru governu Agio Pereira mak sempre ba mai hodi halo servisu refere. Xanana Gusmao tanba hahu tiha ona halo negosiasaun, ne’e katak labele troka ona, nia mak hahu, nia mak konnese prosesu tomak. Governu kontinua rekonnes Xanana Gusmao hanesan Xefe Negosiador. Prezidente da Republika rasik mos rekonnese, “ami rua rekonnese, ami fo apoio maibe kuandu osan laiha, ne’e laiha duni. Se osan sei iha la iha problema, mais se laiha labele halo buat ida”.

Marí Alkatiri mos konfesa katak tama ona iha fulan tolu nia laran, laiha kontaktu ho Xanana Gusmao.*[Zevonia Vieira | TAFARA.TL | 21.12.2017]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *