Wednesday , October 24 2018
Home / Sosial & Politika / PM-PR Kontinua Halo Dialogu Ba Strutura Governu Ne’ebe Sedauk Kompletu
Primeiru Ministru, Taur Matan Ruak hasoru malu ho Prezidente da Republika, Dr. Francisco Guterres Lú Olo. [Foto: Media PR | 20.09.2018]

PM-PR Kontinua Halo Dialogu Ba Strutura Governu Ne’ebe Sedauk Kompletu

“Ha’u hato’o ona ba Primeiru-Ministru, iha ami-nia diálogu, ne’ebé ha’u halo nafatin ho laran nakloke no moos. Ha’u husu atu tetu didiak kandidatu sira ne’ebé Primeiru-Ministru propoin maibé ha’u seidauk nomeia”. Lú Olo

Relasiona ho kompozisaun strutura governu ne’ebe sedauk kompletu to agora, no sei sai diskusaun boot iha publiku nia leet.

Hafoin Primeiru Ministru, Taur Matan Ruak remata enkontru ho Prezidente da Republika, Dr. Francisco Guterres Lú Olo, hatan perguntas hosi Timor Post liga ho dialogu ne’ebe lao hela entre Prezidente da Republika ho Primeiru Ministru.

Hatan ba perguntas refere, Taur Matan Ruak hateten hanesan Primeiru Ministru tenke kontinua koalia ho Prezidente da Republika, tanba argumentus ne’e labele konvense hau atu altera pozisaun hanesan Primeiru Ministru. Konverse ho Prezidente da Republika tenke kontinua, no Prezidente da Republika nungka taka odamatan ba Primeiru Ministru. Hanesan Primeiru Ministru tenke kontinua koalia ho Prezidente da Republika.

“Ita tenke iha pasensia, ita labele hanoin katak resolve buat hotu dala ida deit, se fasil karik entau liu ona. Maske iha impkatu ruma tanba redus efisiensia servisu ita nian, maibe ne’e realidade ne’ebe tenke simu ho muito atensaun no kalma para ita kontinua lao nafatin”, hateten Taur Matan Ruak iha palacio prezidente, 20/09.

Hatan perguntas hosi TAFARA.TL karik iha alternative seluk hodi bele truka ema nain 9? Taur Matan Ruak hatan katak ne’e tenke deskuti iha nivel Aliansa Mudansa ba Progresu [AMP] ne’e labele iha Primeiru Ministru ka governu nia liman, tanba hau nia governu ne’e sustenta hosi koligasaun ida. Aliansa Maioria Parlamentar [AMP] agora iha partidu lima, kada partidu iha nia reprezentasaun.

Iha parte sorin, semana ida liuba, Prezidente da Republika, hatoo deskursu iha sesaun solene, iha uma fukun parlamentu nasional hateten iha mandate to’o ohin loron nudar Prezidente da Republika sempre foti desizaun polítika atu garante sidadaun sira partisipa iha vida polítika no kaer metin funsionamentu demokrátiku Estadu nian, tuir Lei inan, Konstituisaun Repúblika, no lei sira seluk.

Lú Olo afrma katak ho regra hanesan ho mos sentidu Estadu mak ha’u halo diálogu ho laran nakloke ho Primeiru-Ministru, kona-ba nomeasaun no fó posse ba membrus Governu sira seluk. Tuir prosedimentu konstitusionál, Primeiru-Ministru mak propoin membrus Governu. Presidente Repúblika mak nomeia no fó posse. Tuir Konstituisaun Repúblika, Primeiru-Ministru de’it mak iha kbiit atu propoin, Prezidente Repúblika de’ it mak bele nomeia no fó posse. Nune’e, iha prosesu hili membrus Governu, ita bele haree katak Konstituisaun Repúblika fó dalan ba Prezidente Repúblika, Primeiru-Ministru, atu tetu hamutuk kandidatu sira, molok sira kaer sira-nia knaar, nu’ udar membru Governu ba tinan lima.

“Ha’u hato’o ona ba Primeiru-Ministru, iha ami-nia diálogu, ne’ebé ha’u halo nafatin ho laran nakloke no moos. Katak ha’u husu atu tetu didiak kandidatu sira ne’ebé Primeiru-Ministru propoin maibé ha’u seidauk nomeia.   Tuir ita-nia Konstituisaun, la iha ema ida mak bele interfere, halo presaun ka ezije ba titulár ne’ebé de’it husi órgaun soberania sira, kona-ba sira-nia kbiit konstitusionál”, hateten Lú Olo

Prezidente Lú Olo hateten katak, liu hosi dialogu entre Prezidente da Repúblika no Primeiru-Ministru, ne’ebé hala’o iha ambiente polítiku ida ne’ebé halo, Prezidente no Primeiru Ministru hare’e hamutuk, oinsá serve di’ak liu Povu no nasaun, tuir órgaun soberania, titulár ida-idak ninia kompeténsia, “ami nain rua bele hetan kandidatu seluk ne’ebé ha’u bele nomeia no fó posse atu kompleta VIII Governu Konstitusional. Prosedimentu ida ne’e la sees husi ita-nia Konstituisaun no lei sira seluk”. * [ Zevonia Vieira | TAFARA.TL | 20.09.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *