Friday , September 21 2018
Home / Sosial & Politika / PN Aprova Proposta OJE 2018 Iha Jeneralidade, Branco: Fretilin Kontinua Ezije Hatan Ba Duvidas Iha Debate Espesialidade
Membru parlamentu sira iha debate jeneralidade OJE 2018. [Foto: Gabinete PM | 29.08.2018]

PN Aprova Proposta OJE 2018 Iha Jeneralidade, Branco: Fretilin Kontinua Ezije Hatan Ba Duvidas Iha Debate Espesialidade

“Diskusaun jeneralidade, ami sei la vota kontra tanba ami hakarak fó oportunidade ba governu atu bele defende sira nia orsamentu durante diskusaun espesialidade”. Francisco Branco

Parlamentu Nasional aprova ona generalisaun Orsamentu Jeral Estadu 2018 [OJE], liu hosi debate loron tolu iha uma fukun parlamentu nasional.

Liu hosi debate generalidade OJE bankada partidu sira hatoo deklarasaun ba VIII Governu Konstituisonal ne’ebe lidera hosi Primeiru Ministru, Taur Matan Ruak.

Xefe Bankada PUDD, Antonio Benevides deklara katak sei fo votus afavor ba proposta Lei ne’e tamba nesesita tebes ba ezekusaun iha VIII Governu iha tinan ida ne’e, “la iha razaun PUDD atu vota kontra iha generalidade”.

Hosi banakda UDT no Frente mudansa ne’ebe lidera hosi Gilman Exposto afirma katak politika poupansa hosi fundu petroliferu sei fo pasu diak ba oin.

“Espera ho politika VIII Governu ne’ebe poupa ona osan husi fundu petroliferu iha orsamentu geral do estadu 2018 kompara ho 2017, hau fiar katak ida ne’e bele akontese ba orsamentu geral sira ne’ebe sei mai iha futuru,” esklarese xefi bankada UDT/Frente Mudansa,

Liu hosi debate generalidade OJE, deklarasaun mai hosi Prezidente bankada PD, Antonio da Conceiçao, kestiona katak orsamentu ne’e bele responde estabilidade ka lae? orsamento ida ne’e hodi bele selu devidas sira hotu ka lae? oinsa mak atu repõe estabilidade no kaer metin principio rigor orçamental se ministro barak laiha? oinsa mak executa orsamento sira sem ministros barak la simo posse? ida ne’e bele hamosu instabilidade govermativa no instabilidade nacional.

Iha tempu hanesan xefe bankada KHUNTO, Luis Roberto iha nia intervensaun hatete,garante katak VIII nia ezekusaun ba orsamentu geral estadu (OGE) ne’ebe ho mekanismu diak.

“Prepara ho mekanismu ida ne’ebe diak, hodi defini metan hodi evita duplikasaun despesa superfulus ka gastu desnesesariu,” tenik Luis Roberto

Bankada Partidu Libertasaun Popolar (PLP) iha intervensaun louva ho serbisu VIII Governu nian ne’ebe ho esforsu tomak hodi ikus mai aprezenta duni OGE 2018.

“PLP hare’e katak ho aprezentaun OJE 2018 ida ne’e VII Governu manifesta gestu atu hadia ben estar ba nia sidadaun sira,” deklara reprezentante hosi bankada PLP.

Parte seluk Bankada CNRT reafirma ba OJE katak, CNRT hare’e proposta OJE 2018 ne’e refleta objetivu prinsipal sira mak hanesan atu kore estadu husi regime duadesimu ne’ebe mak afeta negativamentu ba estabilidade ekonomia povu nia moris.

Iha parte sorin liu hosi konferensia imprensa, husi bankada Fretilin, Vice Presidente Bankada Francisco Branco hateten atu hakotu situasaun inserteza iha rai-laran no tane aas interese povu nian, Fretilin fasilita aprovasaun ba proposta Orsamentu Jeral Estadu (OJE) 2018. Fretilin fasilita aprovasaun ba proposta Orsamentu Jeral Estadu (OJE) 2018 iha jeneralidade maske xefe VIII Governu la responde ba pergunta ho dúvida oioin husi reprezentante sira iha Uma Fukun.

Branco mos hateten informa katal sei la vota kontra ba diskusaun jeneralidade OJE, “diskusaun jeneralidade, ami sei la vota kontra tanba ami hakarak fó oportunidade ba governu atu bele defende sira nia orsamentu durante diskusaun espesialidade”, deklara Branco

Liu hosi konferensia imprensa bankada Fretilin, kontinua ezije atu hatan ba duvida hotu relasiona ho orsamentu ba tinan 2018, durante debate espesialidade no sei ezije mós Primeiru Ministru atu onra AMP nia kompromisu eleitorál iha orsamentu ida ne’e no asegura katak orsamentu ne’e konsistente ho programa ne’ebé ninia Governu aprezenta.

Hosi parte governu nian, Primeiru Ministru, Taur Matan Ruak agredese ba membru parlamentu sira ne’ebe halo ona esforus, hodi bele haklean liutan informasaun ba malu. Taur hateten katak governu sei halo esforus rejista preokupasaun deputadu sira nian halo esforsu, para orsamentu ne’e bele hetan aprovasaun lalais. * [ Jesuino Marcal de Jesus | Editor: Zevonia Vieira | TAFARA.TL | 30.08.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *