Saturday , November 17 2018
Home / Sosial & Politika / PN no Governu Tenke Promove Boa-Governasaun, Transparansia Orsamental no Reseita Petroliferu
Sosiadade Sivil sira hao konferensia imprensa ho jornalista sira iha FONGTIL. [Foto: Santina L. Da Costa | 11.07.2018]

PN no Governu Tenke Promove Boa-Governasaun, Transparansia Orsamental no Reseita Petroliferu

Relasiona ho governu halo esbosu revizaun ba Lei Fundu Petroliferu no Lei Orsamentu Jestaun Finanseiru, tuir sosiadade sivil sira katak ne’e konsidera hanesan infrakejimentu sistema legal Timor-Leste nian, frakeza ba governasaun, transparansia no akuntabilidade orsamentu estadu no reseitas fundus petroliferu nian.

Liu hosi konferensia imprensa, porta-voz, Juvinal Dias ba jornalista sira hateten Lei fundu petroliferu artigu 26, hili sosiedade sivil nudar parte ida, husi Konselho Fundu Petroliferu, atu bele fó asesoria ba parlamentu nasional, bainhira governu introduz lezislasaun sira kona-ba dotasaun husi fundu petroliferu. Ida ne’e hanesan parte ida, preokupasaun sosiedade sivil ninian, ba legislatura dalimak ne’ebé kria hela esbosu revizaun ba Lei Orsamentu Jeral Estadu fFnanseiru no mós Lei Fundu Petroliferu, atu bele fasilita levantamentu fundu ba finansiamentu estadu nian.

“Maske ami sosiedade sivil konkorda katak governu presija hela osan, tanba desde tinan kotuk to’o ohin loron laiha orsamnetu jeral estadu ne’ebé eziste, maibé la signifika katak dalan atu foti osan ne’e tenki enfrakeza prinsipiu diak husi lei fundu petroliferu rasik, basá fundu ne’e rasik tenki jere ho politika ne’ebé dia,k ba benifisiu iha futuru nian no nudar instrumentu ida ne’ebé bele kontribui ba politika fiskal ida ne’ebé diak, inklui ninia levantamentu mós tenki tetu tiha, interes tempu naruk ba povu timor-leste nian”, hateten Juvinal Dias, iha Salaun FONGTIL 11/07.

Juvinal mos mensiona katak, sosiedade sivil tetu ona ho klean, katak planu revizaun ba lei rua importante, ida ne’e nudar forma infrakezimentu jestaun diak fundu petroliferu, ne’ebé durante ne’e sai orgullu povu Timor-Leste nian, revizaun ida ne’e sei kria presedente ida ne’ebé ladiak, ne’ebé sei hafasil liu tan gasta rikusoin povu nian, la ho responsabilidade no sei afeta ba jerasaun oin no mós aban bainrua nian.

Ho preokupasaun ne’ebe mai hosi sosiadade sivil sira, Juvinal hatoo ba Parlamentu Nasional no governu, Timor-Leste presiza mantein nia regra di’ak ne’ebé promove boa-governasaun no transparansia orsamental no reseitas petroliferu nian, nune’e atu antisipa situasaun politika ohin loron nian , ne’ebé antes ne’e la antisipa iha lei orsamentu jestaun finanseiru no lei fundu petroliferu.

“Ami husu ba parlamentu atu bele halo deit revizaun simples ida ne’ebé mensiona montante espesifiku ba tinan 2018 nian, ne’ebé nia montante labele liu prozeksaun rendimentu sustentavel desmativa ba 2018 ho tokokn 475 ne’ebé kalkula ona iha orsamentu jeral estadu 2017. Levantamentu ida ne’e mós, tenki konsidera levantamentu sira ne’ebe halo tiha ona iha fulan Maiu husi governu dahitu nian, Karik parlamentu halo mudansa boot ba lei orsamentu jestaun finanseiru no lei fundu petroliferu parlamentu, bele konsidera ida ne’e iha nia mandatu tinan lima oin mai nia laran, laos halo iha inisiu mandatu”, deklara Juvinal.

Ativista ne’e mos katak parlamentu nasional ho governu bainhira prosesa orsamentu, tenki nafatin tuir mekanismu doudesimu nian to’o orsamentu jeral estadu 2018 nian no hetan aprovasaun no promulgadu husi Presidenti Republika.

Nune’e levantamentu fundu petroliferu nia mós tenki tuir prinsipiu doudesimu nian katak, “se ita uza baze 475 hanesan baze ba REC, ami hanoin katak kada fulan governu bele halo levantamentu 39.6 milloens, sura kedas husi Janeiru to’o 2018”.

Liu hosi konferensia imprensa sosiadade sivil sira mos ezije ba VIII Governu atu bele prosesa lalais Orsamentu Jeral Estadu 2018 [OJE] ho dalan normal, tanba governu ida ne’e hetan apoiu maka’as , hosi maioria parlamentar. *[ Santina L. Da Costa | Editor: Zevonia Vieira | TAFARA.TL 12.07.2018 ].

About Other Source

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *