Saturday , November 17 2018
Home / Sosial & Politika / Portal Governu Timor-Leste Administra iha Nasaun Bélgica
Portal governu Timor-Leste. [Foto: imajen portal governu TL | 04.09.2018]

Portal Governu Timor-Leste Administra iha Nasaun Bélgica

“Ita atu halo politika ida konaba politiku eletroniku maibe ita nia portal Governu ne’e tau iha rai liur”. Adriano Nascimento

Iha debate espesilizada ba Orsamentu Jeral Estadu [OJE] 2018, iha loron 4/09, deputada bankada Partidu Demokratiku, Adriano Nascimento kestiona konaba portal governu ne’ebe durante ne’e la administra iha Timor-Leste, maibe prosesu portal ne’e administra iha rai liur.

“Politika Governu eletroniku, ita atu halo politika ida konaba politiku eltroniku, maibe ita nia portal governu ne’e tau iha rai liur”, tenik Adriano ih auma fukun parlamentu nasional, liu hosi debate OJE ba loron datoluk nian.

Hatan ba kestaun ne’e, Ministru Estadu Konselho Ministru, Agio Pereira responde katak los duni Portal refere administra husi engineriu ida iha Bélgica maibe nia halo movimentu ba mai Timor.

“Iha duni engineiru ida mak kontinua serbisu ho ita, nia hela duni iha Bélgica mais nia ba mai bebeik, fo formasaun ba ita nia ema sira. Funsoens ne’ebe nia asegura maka funsaun de web master, fo informasoens teknikas kuraduria ba vizitantes portal nian”, esplika Agio.

Agio mos akresenta liu tan katak konserteza ita hakarak duni kompania Timor oan mak atu kaer iha tempu badak, kuandu estadu iha ona osan, ne’ebe aprova liu hosi Orsamentu Jeral Estadu 2019 nian no iha duni planu atu loke konkursu ida para atualizasaun. * [ Jesuino Marcal de Jesus | Editor: Zevonia Vieira | TAFARA.TL | 04.09.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

One comment

  1. Hanoin hosi opozisaun nee espera Governo bele konsidera no kurize. So administra website ka sai web master deit, Timor-Oan barak los mak iha abilidade ba ida nee. Sa tan portal Governu nee uza deit CMS WordPress. La presiza ema estranjeiru. Lalika rekruta Timor-Oan hirak nee sai funsionariu ka assessor, kontratu deit ho sira nia organizasaun ka kompania.

Leave a Reply

Your email address will not be published. Required fields are marked *