Saturday , November 17 2018
Home / Siensia & Teknolojia / Poupa Gastus Internet, Uza Browser Ad Blocker Turbo

Poupa Gastus Internet, Uza Browser Ad Blocker Turbo

Ohin loron internet sai ona hanesan parte integrante iha ita nia vida moris. Suporta ho teknolojia avansadu, qualquer ema iha tempu no fatin nebe deit bele asesu ba internet, konserteza aumenta despezas finanseiras.

Despezas ba internet ne’e ho montante bot, naton ka kiik simplesmente depende ba durasaun tempu utilizasaun, bandwidth, tipu sítiu mak ita asesu (textu, imazens, video, audio) no presu hosi internet provider rasik (Timor Telecom, Telemor, Telkomcel).

Maske ita konsiente konaba presu mak tenqui selu, maibe la limita “dependensia” ba utilizasaun internet tanba fornese várias informasoens sem limitasoens tempu, idade no distansia. Internet mos hanesan espasu marketing ba produtor sira hodi introdus sira nia produtu ba konsumidores, entaun iha sítiu barak — mesmu sítiu notisias — mak nakonu ho materia promosaun (advertising ka iklan), balun ho textu deit, seluk fali kombinasaun entre textu, video, imazen no audio. Nudar ezemplu, hare tok figura tuir mai wainhira Autor asesu ba sítiu detik.com uza browser Google Chrome,  iha advertising konaba smartphone Vivo V7 no seluk tan ho formatu imazen.

Konserteza, hanesan temi tiha ona, ida ne aumenta despezas, han pulsa ka pakote dadus lubuk ida, tanba konsumu bandwidth bot. Alem de han bandwidth, advertising hirak ne’e mos ita sente mengganggu los.

Oinsa limita materia promosaun wainhira asesu ba sítiu internet atarves smartphone ho intensaun atu poupa netik bandwidth?

Iha browser gratuita ida mak fornese fasilidade hodi limita materia promosaun hirak ne’e, naran Ad Blocker Turbo, nebe visitors TAFARA.TL bele download no instala iha ita nia smartphone atraves Play Store (Android: Samsung, Oppo, Lenovo, etc.) ka App Store (iOS: iPhone, iPad).

Autor uza browser Ad Blocker Turbo hodi asesu ba sítiu mak hanesan, detik.com ho rezultadu hanesan hatudu iha figura tuir mai.

Visitors TAFARA.TL bele hare diferensa iha neba, wainhira uza browser Ad Blocker Turbo la mosu materia promosaun, kompara tok wainhira uza Google Chrome. Alem de poupa gastus tanba blokeia ona materia promosaun, browser ida ne’e mos aumenta velosidade asesu internet, azuda prevene malware no adware, no gratuita (open source).

Iha mos browser internet seluk mak oferese fasilidade limita materia promosaun. Hosi lubuk ida mak koko ona, Autor sei nafatin uza browser Ad Blocker Turbo ate a data tanba komprovadu efetivu, efisiente, gratuita, simples no lais. [Metodio Caetano Moniz | TAFARA.TL | 17.12.2017].

About Metodio Caetano Moniz

Metodio Caetano Moniz, nudar Senior Editor & Fundador TAFARA.TL, hamutuk ho Fernando A. da Costa & Zevonia Vieira.

Check Also

INDMO Realiza Sertame ba Sentru Formasaun Publiku no Privadu

Institutu Nasional Dezenvolvimentu Mão de Obra (INDMO) loke sertame ba Sentru Formasain Publiku no Privadu. …

Leave a Reply

Your email address will not be published. Required fields are marked *