Saturday , November 17 2018
Home / Sosial & Politika / PR Hetan Konvite Hosi Amu Papa Francisco, Monsenhor Jorge: Espera PN Bele Autoriza PR Ba Roma
Amu Papa Francisco. [Foto: copyright google | 18.10.2018]

PR Hetan Konvite Hosi Amu Papa Francisco, Monsenhor Jorge: Espera PN Bele Autoriza PR Ba Roma

“Ita tenke hatene katak vizita ne’e la’ós vizita polítika, ekonómiku, komersiál, estratéjiku no military, maibé ne’e vizita espirituál no peregrinasaun ida,” Monsenhor Joseph.

Prezidente da Republika, Dr. Francisco Guterres Lú Olo, Sei konvida Amu Papa Francisco vizita Timor-Leste. Liu hosi sorumutu entre Prezidente da Republika ho Nunsiu Apostoliku, Monsehor Joseph Marino hodi koalia konaba vizita Xefe de Estadu ba Roma no vizita Amu Papa Francisco mai Timor-Leste.

Liu hosi enkontru refere, Nunsui Apostoliku transmite saudasoens hosi Amu Papa Francisco ho naran original Jorge Mario Bergoglia, ba Prezidente da Republika no povu Timor-Leste.

“Amu Papa kontinua fó nia atensaun no domin ba povu Timor-Leste”, informa Nunsiu Apostoliku, iha palacio prezidensia 18/10.

Prezidente Lú Olo realsa katak, dala ida tan nia dezeju atu hasoru malu ho Amu Papa Francisco iha Roma. Monsenhor Joseph Marino hateten katak husi termu formál no protokolár iha ona kontaku ho Vatikanu atu loron 23 Novembru, Prezidente da Republika bele vizita Roma.

“Ita tenke hatene katak vizita ne’e la’ós vizita polítika, ekonómiku, komersiál, estratéjiku no military, maibé ne’e vizita espirituál no peregrinasaun ida,” hateten Monsenhor Joseph.

Liu hosi enkontru refere Monsenhor Joseph Marino hateten espera katak Prezidente da Republika sei hetan autorizasaun husi Parlamentu Nasionál, atu bele halo vizita ne’e.

Ba Monsenhor Joseph Marino, Prezidente da Repúblika informa katak Prezidente da Republika sei konvida Amu Papa Francisco atu halo vizita ofisiál mai Timor-Leste iha tinan oin, hodi komemora tinan 20 referendu ne’ebe Timor oan deside atu ukun rasik an no tinan 30 vizita Amu Papa João Paulo II ne’ebe Timor-Leste hetan atensaun mundial no manifestasaun dahuluk hodi protesta okupasaun military Indonesia.

Hosi istoria Timor nian ne’ebe importante, Monsenhor Joseph Marino informa katak loron hirak ne’e nu’udar loron istóriku ba Timor-Leste, ema hotu hatene nia importánsia ba Timor-Leste.

Antes ne’e, Nunsiu Apostóliku Joseph Marino hasoru malu tiha ona ho Prezidente da Republika, Dr. Francisco Guterres Lú Olo hafoin tomada-de-posse iha Maiu 2017. * [ Zevonia Vieira | TAFARA.TL | 18.10.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *