Wednesday , October 24 2018
Home / Sosial & Politika / PR Lú Olo Inagura Prasa Proklamasaun Independensia RDTL
Prezidente da Republika, Dr. Francisco Guterres Lú Olo inagura prasa proklamasaun independensia RDTL. [Foto: Zevonia Vieira | 20.05.2018]

PR Lú Olo Inagura Prasa Proklamasaun Independensia RDTL

“Marka ita nia istoria, iha loron restorasaun independensia, ita inagura praca de proklamasaun de independensia. Ne’eba jerasaun foun aban bainrua tenke kestiona, tanba saida loron restorasaun tau fali proklamasaun, ida ne’e halo parta ita nia istoria, ne’e edukativu”. Marí Alkatiri

Prezidente da Republika, Dr. Francisco Guterres Lú Olo, inagura prasa proklamasaun independensia RDTL, iha loron restorasaun independensia ba dala 16, iha 20/05.

Iha entrevista ho jornalista sira, iha loron restorasaun independensia, Primeiru Ministru, Dr. Marí Alkatiri hateten Komemorasaun ohin loron furak tebes, tanba inagura tan prasa de proklamasaun de independensia RDTL, “ne’e marka ita nia istoria, iha loron restorasaun independensia, ita inagura praca de proklamasaun de independensia. Ne’eba jerasaun foun aban bainrua tenke kestiona, tanba saida loron restorasaun tau fali proklamasaun, ida ne’e halo parta ita nia istoria, ne’e edukativu, ne’e mak VII Governu halo”.

Centro Nasional Chega! mak prepara prasa refere no estabelese tuir Dekretu Lei Nú 48/2016 mak sai nudar resposta governu Timor-Leste ba auditoria rekomendasaun sira hosi CAVR, halao hosi grupu trabalhu estabelesidu hosi eis Primeiru Ministru, Dr. Rui Maria de Araújo iha tinan 2016, ho objetvu hatuur nia sub-titlu “Da memória á esperança [uza memória ba esperansa. red]

Bazea ba vizaun, misaun no meta CNC, hahu ona lansa programa peskiza istoriku, liu hosi mapeamentu sitiu istoriku sira iha Munisipiu Dili. Iha tinan 2017 no 2018, CNC sei harii memorial iha fatin istoriku sira iha municipio Dili, ne’ebe mak hahu hosi lansamentu proklamasaun independensia nia ne’ebe hanaran Prasa Proklamasaun Independensia RDTL, 20 Novembru 1975.

Memorial proklamasaun independensia RDTL, harii nudar dalan ida, hodi dignifika no fo onra ba fundador sira nasaun RDTL nian no mos asswa’in Timor oan sira ne’ebe mak defende direitu autodetermininasaun ne’ebe ema barak saran an no moris tomak ba hodi Timor-Leste hetan nia ukun rasik an.

Iha inagurasaun ne’e marka prezensa hosi lider nasional sira, Primeiru Minsitru no membru governu sira, membru parlamentu VI Legistlatura, Maior Jeneral F-FDTL, Komandante Jeral PNTL, veteranu sira, korpu diplomatiku sira, sosiadade sivil no komunidade em jeral. * [ Zevonia Vieira | TAFARA.TL | 20.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *