Wednesday , October 24 2018
Home / Sosial & Politika / PR Lú Olo: Ita Presiza Hamate Impaktu Negativu Hosi Konflitu Kiik Sira
Prezidente da Republika, Dr. Francisco Guterres Lú Olo. [Foto: Copyright Media PR | 17.09.2018]

PR Lú Olo: Ita Presiza Hamate Impaktu Negativu Hosi Konflitu Kiik Sira

“Buka hetan solusaun ba problema sira ne’ebé ita hasoru ohin loron hodi nune’e, hatudu katak ita hotu foti interese nasionál, interese Estadu aas liu interese restritu partidu ka ema ida-idak nian, bainhira interese sira ne’e tama iha konflitu”. Lú Olo

Prezidente da Republika, Dr. Francisco Guterres Lú Olo halo sesaun solene iha abertura V Lejislatura, iha uma fukun parlamentu nacional.

Liu hosi Prezidente da Republika nia deskursu hateten katak mai koalia iha Uma Fukun ida ne’e, sai ona simboliku, politiku babain ida no tama ona iha tradiasaun instituisional. Prezidente hatete nu’ udar órgauns soberania ne’ebé presiza tulun malu atu hala’o hamutuk Estadu no interesses nasionais, ho ida-idak ninia kompeténsia rasik.

“Ha’u fiar katak ita-nia relasaun institusionál ne’e hatuir regras demokrasia nian, tuir ita-nia Konstituisaun haruka. Nune’e, órgaun soberania ida-idak bele hadi’a-an babeibeik, atu lori benefísiu ba sidadaun sira no dezenvolvimentu ba ita-nia País”, hateten Lú Olo 17/09.

Prezidente Lú Olo deklara katak hare ba prosesu no eventu politiku hotu ne’ebe mosu iha Timor-Leste, hosi hori uluk to ohin loron, bele dehan katak ita hakat dezafiu hotu no konsege hasees-an husi krize ho impaktu ladi’ak, hanesan ida ne’ebé akontese iha tinan 2006. Povu ninia maturidade, ninia partisipasaun polítika maka’as, liuliu iha prosesu eleitorál sira, nia vontade atu tanen pás hametin koezaun sosiál, hamutuk ho unidade Estadu nian, atuasaun di’ak husi Forsas Defeza Seguransa, mak garante ambiente hakmatek ba públiku tomak, fó esperansa katak estadu bele hakat dezafiu foun hothotu.

“Ita presiza hamate impaktu negativu hosi konflitu kiik sira ne’ebé mosu durante eleisaun antesipada, buka-hetan solusaun ba problema sira ne’ebé ita hasoru ohin loron hodi nune’e, hatudu katak ita hotu foti interese nasionál, interese Estadu aas liu interese restritu partidu ka ema ida-idak nian, bainhira interese sira ne’e tama iha konflitu”, afirma Lú Olo.

Prezidente da Republika hatoo saudasaun ba VIII Konstituisional tanba Parlamentu Nasional aprova ona nia programa. Pasu ida ne’e importante, tamba Programa ne’e fó-sai polítika ne’ebé ukun-nain sira sei kaer iha tinan lima nia laran. Programa ne’e mak bele garante estabilidade governativa, katak Governu bele ukun to’o mandatu nia rohan.

Lú Olo hein katak programa ida ne’e la’ os de’ it deklarasaun Polítika ida, maibé dokumentu programátiku ida ne’ebé sei hala’o duni ba oin, liu hosi lala’ok oioin, sei lori benefísiu ne’ebé hasa’e moris-di’ ak ba família sira, ba komunidade hotu, iha rain doben ida ne’e.

Liu hosi deskursu ne’ebe partisipa hsi membro parlamentu nacional sira, Eiz Prezidente Parlamentu Nasional ne’e mos hateten katak, “konta ho hau nia partispasaun nu’ udar Prezidente da Repúblika. Ha’u sei hala’o ha’u-nia knaar tuir Konstituisaun haruka, atu ajuda mobiliza, loke sidadaun hotu nia laran, atu simu no tulun programa ida ne’e. Ha’u sei promove no partisipa iha lala’ok ne’ebé de’it atu garante katak, liuhosi ita hotu nia esforsu, povu tomak nia esforsu, ita sei haburas ita-nia rain no sosiedade tomak ho ekonomia ida ne’ebé buras ba beibeik”. * [ Zevonia Vieira | TAFARA.TL | 17.09.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *